Jemis 1:17 - U Bulunagana U Niga

¹⁷ A mamana markato a niga na matskö e tuhana nama iasa. E Sunahan te hala rena men, na nonei te katoe u mamana u alesalana i Kolö. Nonei ema antunan palis nei na ema antunan kukutenei u oho i tanen.

Jemis 1:17 Iomraidhean Croise

Matiu 7:11

Alimiou e ka memiou a markato a omi, kaba limiou e hala noa has namiou a manka man niga tara galapien i tamilimiou. Na e Tamamilimiou i Kolö e hala has ranoui limiou a manka a man niga te singo uamia limiou i tanen.

U Bulungana u Niga tere Iesu Kristo te kolotein e Luk 11:13

Alimiou u katuun u omi e atein hala noa has namiou a manka man niga tara galapien i tamilimiou. Na e Tamarara i Kolö te niga balana e hala has nanou u Namnamei u Göagono turu katuun te singor bate harangata ria i tanen!”

U Bulungana u Niga tere Iesu Kristo te kolotein e Jon 1:9

Nonei hamatskö koru u ualesala teka te halesala rena u katuun hoboto e lauama i puta.

U Bulungana u Niga tere Iesu Kristo te kolotein e Jon 3:27

Be Jon e ranga palis ranen me poeiena, “A katuun e lu puku lase nou a ka te hale neien e Sunahan i Kolö.

U Bulungana u Niga tere Iesu Kristo te kolotein e Jon 3:3

Be Iesu e ranga palise nen me poeiena, “U mana koru alia e hatei hamana korue goulö, tema posa lele ria a katuun, nonei ema antunan atei sile nei a man kana tara Nipepeito tere Sunahan.”

U Bulungana u Niga tere Iesu Kristo te kolotein e Jon 8:12

E Iesu e ranga lel uu turu katuun me poeiena, “Alia u ualesala te alesala uana turu katuun i puta. Esi te kukutie noulia ema tataala lel noi turu kuhil kaba e ka menou u alesalana tara nitöatöa hamana.”

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 5:31

Be Sunahan e lu sei mena neien iasa tara pal matou i tanen, nonei a Tson Mammam na Tson Hihitaguhu. Nonei i lu sei sileien tegi palis menai u katunura i Israel u hakats na markato a omi i taren, ne lu sei sil haseien tego luba menaien a markato a omi i taren bate tara pouts uana i taren.

U pas te koloto menai e Pol turu kristenira i Rom 6:23

Tara markato a omi a hihol i tanen a tou mate. Kaba e Sunahan e hala sila nena a nitöatöa te ka nitöana tere Iesu Kristo a Tsunono i tarara.

1 Korin 4:7

Esi te haka sil rai limiou go pan naiam a tabi? E Sunahan te hala railimiou a manka hoboto te ka memi limiou. Na limiou goma ranga seseimi bate peimiou, tara nitagala i tamulam peisa ba lam te ka mem a manka te ka memu lam. E möa.

2 Korin 4:6

Taraha nonei e Sunahan te poei, U alesala go butuma i gusuna u kuhil. Nonei u ualesala te alesalana i torimulam bate hala ranei lam a niatei na tara niniganiga tere Sunahan te lakasa nama i matana e Iesu Kristo.

Epesis 1:18

Alia e singo silegu e Sunahan ega kalati a baku milimiou ba limiou te atei sile mou a ka te ngö sil meraien limiou tego hamana sileiam limiou, ba limiou te atei sil hase mou temar niga koru uana a manka te ranga hamana naien turu katuun i tanen.

Epesis 2:8

E Sunahan e lu pouts merai ra tara nihihitaatagi peisa i tanen turu nihamana i tarara. A ka teka ema butu mei a toukui i tarara. E möa. E Sunahan e hala pukpuku raienra.

Pilipai 1:29

E Sunahan e hanigeiena, alimiou go solosei sila namia e Kristo te hamana uami limiou i tanen na te lu mena moi limiou u kamits i tanen.

1 Timoti 6:16

Nonei a töa tema antunan mate noi na nonei e kana turu ualesala pan tema antunan la hasukusuku uari u katuun. Emoa ta katuun tega antunan tareien i manasa na ema antunan tara noahas nari i romana. Aragi soloseien, nonei te tagala saluhe nitöana. U mana.

Hibru 13:8

E Iesu Kristo, nonei puku noahasina i manasa, na i romana na tara mamana pöata. Nonei ema tatei palis nei.

Jemis 1:5

Te möa na ta töa i tamilimiou tu hakhakats tu niga, nonei ego singo nitöa uu tere Sunahan be Sunahan te hale nen. Taraha, e Sunahan e tangana koru rena u katuun hoboto na ema lohale noi ta katuun te singo uana i tanen.

Jemis 3:15

U mar hakats teka ema butu nameia iasa. E möa. E butuna i puta. Ema markato uanei te hakats uana u namnamei u niga. E kato uana te hakats uana e Satan.

Jemis 3:17

Kaba a torina a katuun te kamena u hakats u nigana iasa e gogosona bate roron nolo pouts has rena a palai te hiaraharahar. Nonei a katuun a kakamoto na e hahengona tara tana katuun. Nonei e taatagi koru silena a katuun na e ka mena a markato a niga. Nonei e atei silena ime tega markato uaien, na nonei ema gamoe nei a tana katuun.

1 Jon 1:5

Nonei u raranga teka tu hengo naia lam tere Iesu ba lam e hatei namen i tamilimiou: e Sunahan nonei u ualesala na e möa koru ta tsi tabubun kuhil tega kaia i tanen.

1 Jon 4:10

A mouna u ngilngil hamana e mar butu uu teka: ara tima ngil mame ii e Sunahan. E möa. E Sunahan te ngil mam raioura ba nonei e taatagi ranoura me hala nenama a Pien Tson i tanen, tegomi lupouts meraien ra tara man markato a man omi i tarara.

Revelesin 21:23

Na e möa ta pitala na ta tsihou tegi piri uu tara taun teka. Taraha? U ualesala tere Sunahan e piri nitöana, na u lam i tanen a Tunan Sipsip.

Revelesin 22:5

E möa lel nou ta bong, na nori ema ngil lele roi tu lam na ta pitala. A Tsunono e Sunahan nonei u ualesala i taren. Ba nori te tsunono riou tara mamana pöata i murimuri.