Jemis 1:16 - U Bulunagana U Niga

¹⁶ A matsomi koru i tar, a tana katuun e namots gamo ranou limiou bate poeiena, “E Sunahan e tatei torohanena a katuun bate kato homina.” E möa.

Jemis 1:16 Iomraidhean Croise

Matiu 22:29

Be Iesu e ranga palis ranen me poeiena, “Alimiou e gamo miou. Taraha, alimiou ema atei silemi u Buku u Göagono, na nitagala tere Sunahan.

U Bulungana u Niga tere Iesu Kristo te kolotein e Mak 12:24

Be Iesu e poeiena i taren, “Alimiou e ranga hatutu memiou, taraha, alimiou ema atei silemi u Buku u Göagono na nitagala tere Sunahan.

U Bulungana u Niga tere Iesu Kristo te kolotein e Mak 12:27

Nonei ema Sunahan uanei turu katuun u mate kaba nonei e Sunahan turu katuun te töatöar. Alimiou e hakats hatutu korumiou.”

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

1 Korin 6:9

Alimiou e atei sil hasemiou u katuun te kato homir ema tahongo ria tara Nipepeito tere Sunahan? Alimiou goma gamoemi a peisa milimiou. U katuun u tsiktsikolo na u katuun te hatsunoner u kesa na pal tson te hiasesein tsonur na touhaliou te hiasesei poutsur ema tatei tahongo has ria tara Nipepeito tere Sunahan.

Galesia 6:7

Alimiou goma hengoemi u raranga te poeiena a katuun e tatei gamoena e Sunahan. E möa. E möa ta katuun tega antunan gami e Sunahan. E here nei a katuun te lebe iena a manka tara kui i tanen. Te lebe noen a ka a omi, a ka a omi has te butu nou. Na te lebe noen a ka a niga, ba ka a niga has te butu nou.

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Pilipai 4:1

A matsi hahatoulana, alimiou go tuol hakarapoto lasmia tara nitagala tara Tsunono. Alia e ngilin tara koru ragou limiou, a man hahikapien i tar. Alimiou e kato hasasaala korue moulia na limiou e heremi a prais i tar.

Kolosi 2:4

Alia e mar ranga mera gilimiou teka, taraha a tana katuun e namots ranga mera nei limiou u gamo.

Kolosi 2:8

Kaba haneiam, ta katuun ena gamo ranei limiou tu ranga pinopino. Hanei sil raiam u katuun te hihatuts ner a niatei turu tuburen bate poeier e lama tere Sunahan. Nori e hihatuts ner a mankana i puta, u spirit na lo na i manasa, kaba ema ranga uanei tere Kristo.

2 Timoti 2:18

Nori i la halehana ban u raranga u mana bate kato homi raier a palair u kristen ti pei menaien, a tou takei pouts e butu hakapa. Nori e kato homier u nihamana turu katuun.

Hibru 13:1

Ngil raiam a man hahatoulana i tamilimiou te hamana uami limiou tere Kristo.

Jemis 1:19

Alimiou go atei sileiam a ka teka, a matsomi koru i tar. Alimiou go hahengo haniga uaiam tara tana katuun ba limiou tema ranga haparami. Alimiou goma raharaha boroboro hasmi.

Jemis 1:2

A matsi hahatoulana i tar, pöata te butuna a manka man omi i tamilimiou, sasaalaiam.

Jemis 2:1

A matsi hahatoulana, alimiou goma poeiemi a tson moni e nigana na katuun papala e omina. E möa. U mar hakats teka ema niga nei turu katuun te hamana uaier tere Iesu Kristo a Tsunono Pan i tarara.

Jemis 2:14

A matsi hahatoulana, u palair u katuun e poeier, “Alia e hamana hanigagu,” kaba nori ema kato hanigari. A mar nihamana teka e la papala tununa. Na mar nihamana teka e taguhu has ranou u katuun?

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

Jemis 3:1

A matsi hahatoulana, möa tu riri sileiam tegona hihatuts menami limiou a markato a nigana tere Sunahan. Taraha, e Sunahan ena tara hatagala koru noa romana tara pala te hatuts raier u katuun, tegi hihatuts homi uaien.

Jemis 3:10

U ranga u niga na u ranga u omi e butuna turu töa u mia. A matsi hahatoulana, a ka teka ema niga nei.

Jemis 4:11

A matsi hahatoulana, alimiou goma hiararanga homi mi. A katuun te ranga homi nena e toulanen e ranga homi has nena a Lo tere Sunahan. Na katuun te oneiena e toulanen bate pita pute nen e pita puta hasena a Lo. Kaba limiou go kukute hanigeiam a Lo. Nonei a toukui i tamilimiou. Alimiou goma peiemi a Lo e omina tsi e nigana.

Jemis 5:12

A matsi hahatoulana, u raranga teka e pan koruna: alimiou goma tatei peiemi i Kolö tsi i puta na tu töa tu mar ranga bate hamana uamiou iasa. E möa. Alimiou go pei tuneiam “Aa” te mana nen, tsi “E möa” tema mana neien. E Sunahan ena mots hahuna ranou limiou.

Jemis 5:19

A matsi hahatoulana, te la hatutu ba nena a töa i tamilimiou u raranga u mana, ba tai te lu pouts mena meien tere Sunahan, nonei ega atei sil, te habirits ba nami limiou a tana katuun tara markato a omi i tanen ba nonei te habirits pouts uana tere Sunahan, alimiou e luba has namia a katuun a omi teka tara tou mate. Na e Sunahan e luba has nanou a parpara a markato a omi tara katuun teka. Nonei talasi. Alia e Jemis