Jemis 1:10 - U Bulunagana U Niga

¹⁰ Na e toularara te ka mena a moni pan ega sasaala has, taraha e Sunahan e haka pute nen ba nonei te katuun papalana. A katunun moni e mate here nei romana a hua turu garas te tara hanigana.

Jemis 1:10 Iomraidhean Croise

Matiu 5:3

Ba nonei e poeiena, “U katuun te kato hateteneier a peisaren egi sasaala. E Sunahan e ngö raneien u katunun sasaala, taraha a Nipepeito tere Sunahan e ka uana i taren.

Matiu 6:30

Na temar hasogo menanei e Sunahan u garas, te ka nou i romana bate haatse ria turu tula i mahö. E hana, e Sunahan ema antunan hasogo ranoui limiou tu hasobö, alimiou te ka memiou u nihamana u tetenei?

1 Korin 7:31

Na u katuun te katoeier a man toukuina i puta, egima pile hakarapoto nai a mankana i puta. Taraha, a markato tara han i puta teka e sukusukun taiana.

Pilipai 3:8

A manka hoboto te butuia i tar e here tala nei a manka pinopino te hakats menagi lia e Iesu Kristo a Tsunono i tar. Alia e atei sil talegu e Iesu, na nonei te niga bala nena a mamanaka hoboto. Alia e ngil korue gen bate ngöe gi a mamanaka ti ngil korui lia i manasa a bita pinopino. Ba lia te pile kap hakarapoto nagou e Kristo.

1 Timoti 6:17

Hateir u katuun te ka mer a mamanaka a para i romana gima solose ii a peisaren. Nori gima hasolaia tara moni tuun te antunan taia boroborona. E möa. Nori gi hasolaia tere Sunahan a tatangana koru te hala raneira a mamanaka te kato hasasaala ranoura.

Jemis 4:14

Kaba limiou ema atei silemi aha te butu nou i mahö, na limiou ema atei sil hasemi a saha mar nikaka te ka memou limiou. Alimiou e here mi u ruhu te gamon butuna bate tia poutsuna.

1 Pita 1:24

U Buku u Göagono e mar ranga uana teka, “U katuun hoboto e hereri u garas, na nikapan i taren e here nei a tsi palaua turu garas. U garas e tatei langona, ba hua te rusuna.

1 Jon 2:17

A markato na u ngilngil u omina i puta e tia hobotona romana, kaba a katuun te kukuteiena u ngilngil tere Sunahan e töatöa nitöana romana.