Jemis 1:1 - U Bulunagana U Niga

¹ Alia e Jemis, a katunun kukui puku tere Sunahan na tere Iesu Kristo a Tsunono. Alia e koloto menagi u pas teka i tamilimiou u Jiu te ka mia tara man taina man han, bate hala negu u hanhaniga i tamilimiou.

Jemis 1:1 Iomraidhean Croise

Matiu 10:3

Ne Pilip, ne Batolomio, ne Tomas, ne Matiu te lului a takis, ne Jemis a pien tson tere Alpius, ne Tadius,

Matiu 13:55

Nonei toum banei a pien tere Josep a kapenta na e tsinanen toum te ngöeri e Maria na u toulanen toum ere Jemis mere Josep na e Saimon na e Judas?

Matiu 19:28

Be Iesu e poeiena i taren, “Alia e ranga hamana koru meragou limiou, tara han a tsimus i murimuri, tena gum goa Lia tu butun Katunuma turu Gumgum u Göagono i tar, ba limiou u katuun te lala gono memou lia tena gum has moa turu maloto na u huol u gumgum u göagono turu king, bate taratarakap ramou u maloto na huol tara pal katunura i Israel.

U Bulungana u Niga tere Iesu Kristo te kolotein e Mak 3:18

E Endru na e Pilip ne Batolomio na e Matiu ne Tomas na e Jemis a pien tere Alpius, ne Tadius mere Saimon a toun Kenan, na e Judas Iskariot, a katuun tena hala nanoua e Iesu turu katuun ti korupakö naien.

U Bulungana u Niga tere Iesu Kristo te kolotein e Luk 22:30

Alimiou ena nou mou nena ua gono memou lia tara kannou tara Nipepeito i tar, ba limiou tena gum mia romana tara man gumgum a man göagono turu king, ba limiou te tsonun onuna moua romana tara maloto na huol a hun katunura i Israel.”

U Bulungana u Niga tere Iesu Kristo te kolotein e Luk 6:15

Na e Matiu ne Tomas, na e Jemis a pien tson tere Alpius ne Saimon na i Silot.

U Bulungana u Niga tere Iesu Kristo te kolotein e Jon 12:26

A katuun te ngilin kato nena a toukui i tar ega kukutie iou lia. Na katuun te katoena a toukui i tar ena ka noua tena ka has goua lia, e Tamar te kato hapane nouen.”

U Bulungana u Niga tere Iesu Kristo te kolotein e Jon 7:35

Ba pal kapan turu Jiu e hiarangrangatar me poeier, “Ime te katsin la uana a katuun teka bara tema tatei sabie roien? Nonei e katsin la toum uana turu Jiu te ka kalakala ria turu han i lehana batena hatuts ranoien na u katuun has tema Jiu ri.

Aposol 1:13

Pöata tina tukuien i Jerusalem ba nori e sei uaier tara rum iasa ti kaien. Nori ere Pita mere Jon ne Jemis ne Endru, ne Pilip ne Tomas ne Batolomio ne Matiu. Na e Jemis a pien tere Alpius, ne Saimon a katuun te tagala bei a han i tanen, ne Judas a pien tere Jemis.

Aposol 12:17

Be Pita e hasoa sei nena a limanen tegi kakamoto uaien. Ba nonei e hatei raneien ime temar halakasa mena meien a Tsunono tara luman karabus. Ba nonei e poeiena, “Alimiou ena hateie mou e Jemis na palair u kristen te butu ualala a ka teka.” Be Pita e laba ranen me la uana tara tana makum.

Aposol 15:13

Pöata ti ranga hakapaien, be Jemis e poeiena, “A matsi hahatoulana, hengo bumia i tar.

Aposol 15:21

Taraha, i manasa na te la noahasina i romana, u katuun te hahatei ner u raranga tere Mosis e ka ria turu taun hoboto. Na nori i roron habulunganein u raranga i tanen iahana u luman lotu turu Jiu turu mamana u lanin lotu i taren.” E Jemis temar ranga uu teka.

Aposol 15:23

Nori i hala gono meraien u pas temar ranga uu teka: “Alam u aposol na pal kapan, alam a töa pala has i tamilimiou te hamana uaiem tere Iesu. Alam e koloto menami u pas teka i tamilimiou a matsi hahatoulana tu tuhana ma tara pala tema Jiu ri, te ka mia tara taun i Antiok na tara provins i Siria na i Silisia.

Aposol 2:5

U Jiu u para koru ti kamei u nihamana u kapan koru turu han hoboto ti kaia i Jerusalem tara pöata teka.

Aposol 21:18

Ba u hamahö be Pol e peigi ranou lam hoboto tuna tara menai lam e Jemis. A pal kapan tara pala tere Iesu i ka hoboto has.

Aposol 23:26

“O Piliks, alö a gamman te soloseie mulam. Alia e butu gia i tamölö i romana. Alia e Klodias Lisias.

Aposol 26:7

Nonei u töa u raranga noahas te hamana ria a maloto na huol a hun katuun i tarara tegi lueiou, ba nori te hatsunono hapaner e Sunahan turu mamana u lan na tara mamana bong. Na nonei lasi u töa u nihamana teka te kout meri lia u Jiu, o King.

Aposol 8:1

E Sol e hanigein te mate uu e Stiven. Nonei turu lan teka, ti tanian kato homi koru raia u kristen ti kaia i Jerusalem. I markato uu teka bu kristen hoboto e sata uaier tara man han iahana provins i Judia na i Samaria. U aposol puku ti ka noaia i Jerusalem.

U pas te koloto menai e Pol turu kristenira i Rom 1:1

Alia e Pol, a katunun kui tere Iesu Kristo, i ngö sile ii tegomi aposol uu lia na tegomi rarare menai lia U Bulungana u Niga tere Sunahan.

Galesia 1:19

Kaba lia uma tarei ta tabina ta aposol. Alia u tara lasi e Jemis e toulana hamatskö a Tsunono.

Galesia 2:9

Na ere Jemis mere Pita ne Jon a pal kapan turu Kristen, nori i tara sabe te hala menai lia e Sunahan a toukui teka, ba nori e haniga rariou lam mere Banabas. Na lam u haniga hobotein tego hatei noahas menai lam u Bulungana u Niga turu katuun te halhal ria turu Jiu, na tegi hatei noahas menaien u Bulungana u Niga turu Jiu.

Pilipai 1:1

Alam ere Pol mere Timoti u katunun kui tere Iesu Kristo, alam e hala menami u pas teka i tamilimiou hoboto u katuun tere Iesu Kristo te ka mia tara taun i Pilipai, alimiou na u katunun halotu na u katunun hitaguhu turu lotu.

2 Timoti 4:21

Alö go torohana hatagala silema tego lauama lö i tar i mamina pöata tara lomolomo. U rangan haniga e la has nama tere Eubulus na e Pudens na e Linus na e Klodia, na man hahatoulana hoboto i tarara.

Taitus 1:1

Alia e Pol, a katunun kui tere Sunahan na aposol has tere Iesu Kristo. Alia i hala silemei tegomi hatagala menai u nihamana turu katuun te hopö kapir e Sunahan. Na tego taguhu meraien lia ba nori te atei siler u hihatuts u mana, bate tatei tus mera neien tara markato te hanigeiena e Sunahan.

1 Pita 1:1

Alia e Pita, a aposol tere Iesu Kristo, e hala menagi u pas teka turu katuun tere Sunahan te sata la ria tara man han i Pontus na i Galesia na i Kapadosia na i Eisia na i Bitenia.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

U pas te kolotein e Jut 1:1

Alia e Jut, a katunun kui tere Iesu Kristo, e toular e Jemis. Alia e koloto menagi u pas teka i tamilimiou, u katuun te ngöri e Sunahan. E Sunahan e Tamarara e ngil koru ranou limiou, na e Iesu Kristo te taratara kap ranou limiou.

Revelesin 7:4

Na lia u hengoi u hihase turu katuun ti hatiin a hatöatongo tere Sunahan i poleren. U hihase i taren e antunaia turu 144,000 turu katuun tara maloto na huol a hun katunura i Israel. U hihase tara man töa man hun katuun ti hatiin a hatöatongo e antunana teka: tere Juda u 12,000 tere Ruben u 12,000 tere Gat u 12,000 tere Aser u 12,000 tere Naptali u 12,000 tere Manase u 12,000 tere Simion u 12,000 tere Livai u 12,000 tere Isaka u 12,000 tere Sebulun u 12,000 tere Josep u 12,000 tere Bentsamen u 12,000