Hibru 8:7 - U Bulunagana U Niga

⁷ Sanena u hia hanhaniga tutuun te nigan töa be Sunahan tema antunan kato lelenei tu hia hanhaniga tu tsimus.

Hibru 8:7 Iomraidhean Croise

Galesia 3:21

Aha te poeiena u raranga teka? A Lo e hiatatung mena u ranga hamana tere Sunahan? E möa koru! Sanena tego kaia a töa lo te antunan kato hatöatöa rena u katuun, e Sunahan sane kato hamatskö sila rana u katuun tara Lo. Kaba e möa.

Hibru 7:11

E Sunahan e halarai a tei Israel a Lo, na nonei e hopö kapir u pris ti pala uu tere Livai tegi tara kap menaien a Lo. Sanena a toukui turu pris ti pala uu tere Livai egi kato hanigan töari u katuun, e Sunahan sane ma tatei hopö kap nai a markato a tsimus turu pris te kukutiena a markato tere Melkisedek a pris, batema markato uanei tara markato tere Eron a pris te pala u tere Livai. Kaba e Sunahan e hopö kap hamanein a markato a tsimus turu pris.

Hibru 7:18

Na e Sunahan e hakapa mei a lo na i manasa, taraha nonei a lo teka ema tagala ii, e ka pinopino tuun.

Hibru 8:6

Kaba a toukui te lui e Iesu e pan bala nena a toukui ti kamei u prisira i manasa, taraha nonei te ranga bera noura tere Sunahan, na nonei te hatagalena u hia hanhaniga u tsimus i tarara gono mei e Sunahan, na u hanhaniga teka e niga bala nena u hia hanhaniga na i manasa, taraha u hia hanhaniga teka e la gono menama a manka man niga na man mana.