Hibru 8:5 - U Bulunagana U Niga

⁵ Kaba a toukui i taren e haharuei tuun nena a luman lotu hamana i Kolö. Taraha, pöata te katsin hatakeia e Mosis a luman lotu labalaba, be Sunahan e ranga menen, “Alö go tara kap hanigein tego kui hapopo naia lö a mamanaka tara markato tu haröte ii lia lö turu pokus i Sinai.”

Hibru 8:5 Iomraidhean Croise

Matiu 2:12

Nori i hakopis pouts uala i han i taren me sila lila tara tana maroro. Taraha, turu sinasoho i taren e Sunahan e ranga meraien, nori gima tatei la pouts uai tere Herot.

Aposol 7:44

Be Stiven e ranga lel noa hasina me poeiena, “Tara pöata ti kaia u tuburara tara makum a palaka, nori i ka mei a luma labalaba ti roron singoien tere Sunahan. E Sunahan e haröte ii e Mosis tego mar kui menaien a luman lotu teka, ba nori te töan mar kui mena rien temar haröto menai e Sunahan e Mosis.

Kolosi 2:17

A manka hoboto teka e hereri u haharuei papala tuun tara manka tegi butu hamurimuri. Kaba a ka hamana koru ti haharuei sileien, nonei e Kristo.

Hibru 10:1

A Lo turu Jiu e haharuei nena a manka man niga tega lama, kaba ema halesala ranera. Nonei ema haröto ranei ra a mouna a manka teka. Na Lo ema antunan kato haniga nitöa ranei ra. Na man haats te hala ner turu mamana u hiningal, ema antunan kato haniga nitöa ranei u katuun te la hasukusukur bate hatsunoner e Sunahan. E möa.

Hibru 11:7

Te hamana menai e Noa e Sunahan te ranga menaien a pöata a omi tega lama tema tara noei e Noa, e Noa e hengöe e Sunahan me kuiena a tolaala, te niga sila gono meraien a galapien i tanen. Ba nonei e haröto nena te hahuna merai e Sunahan u katuun i puta ti hahamana uaien, be Sunahan e ngöe neien a katuun a matskö te hamana uaien.

Hibru 12:25

Na limiou go haneiam. Alimiou goma raman hengo nami e Sunahan te ranga uanen i tamilimiou. U katuun tima ngilin hengo ii tara pöata te ranga ien i puta, nori ima antunan bus hamous banari a nihahuna i tanen. Na ra ema antunan bus hamous ba narien romana tega ranga uamen i tarara te kanen i Kolö.

Hibru 13:10

Ara u kristen e ka mera a makumun haats, nonei a kuruse tere Kristo. U Jiu te lotu ria tara markatona i manasa ema tatei lotu ria tara makumun haats i tarara teka.

Hibru 9:9

Tara makum tutuun teka u pris i roron hala menai a man kaan haats ti halhala pukuni tere Sunahan, kaba nori ima antunan kato hagogose ii a torir u katuun ti la uu turu lotu.

Revelesin 15:5

I murina a ka teka alia u tari a Luman Lotu Pan i Kolö na makum a göagono i tanen e kalata.