Hibru 7:8 - U Bulunagana U Niga

⁸ Na hamalotona makum e roron hala menari turu pris te pala uar tere Livai, tena materiou. E Melkisedek e lu hasi a hamalotona a makum kaba nonei e töatöa nitöana, te ranga has uana u Buku u Göagono.

Hibru 7:8 Iomraidhean Croise

U Bulungana u Niga tere Iesu Kristo te kolotein e Jon 14:19

Ema lehana noi ba u katunura i puta tema tara lele roi lia, kaba limiou e tare moulia. Taraha, alia ena töatöa pouts gou romana ba limiou te töatöa has mou.

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

Hibru 3:16

Eresi nori u katuun ti hengo u raranga tere Sunahan bate tori tsuga naren? U katuun te peigi rema e Mosis tara han i Itsip.

Hibru 5:6

Na nonei e pei hasi tara tana makum turu Buku u Göagono, “Alö e pris nitöa mou tara mamana pöata te markato has uu e Melkisedek a pris.”

Hibru 6:20

Na e Iesu e tasu hakapa has ba raiou ra iahana Luman Lotu Pan i Kolö. Nonei e mam raiou ra tara makum te ka hamatsköna e Sunahan. Na nonei a tsunono pan turu pris te markato has uu e Melkisedek a pris. E Sunahan e katoe ii e Iesu a Pris a kapan saluhe te markato has uu e Melkisedek a pris.

Hibru 7:23

U pris ra i manasa i parpara koru, taraha, pöata te mateia a töa turu pris ba tai te palise nen bate la lasina.

Hibru 7:7

Ara e atei silera a katuun te panina te kalalena a katuun te teteneina.

Hibru 7:9

Ara e atei silera a pala te hatubuna ria tere Livai e lueier a hamalotona makum. Kaba pöata te hala naia e Abraham a hamalotona makum tere Melkisedek, e here hasei e Livai e hala sila nai a hamalotona makum tere Melkisedek tere Abraham.

Hibru 9:27

U katuun hoboto e ka meier a man tötöa man pöata tena mate merouen, ba i murinen be Sunahan tena ona ranouen.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.