Hibru 7:6 - U Bulunagana U Niga

⁶ E Melkisedek ema pala uai tere Livai. Kaba nonei e lu noa hasi a hamalotona makum tere Abraham, nonei a katuun te lui u raranga hamana tere Sunahan, na e Melkisedek e kalala hasi e Abraham.

Hibru 7:6 Iomraidhean Croise

Aposol 3:25

Alimiou u pal katuun turu propet. Na limiou u katuun te lu hasemiou a manka turu ranga hamana te hale ii e Sunahan u tubumilimiou. Nonei e pei tere Abraham, ‘Alia e kalala sila ragoua a man hun katuun hobotora i puta tara pala i tamölö.’

U pas te koloto menai e Pol turu kristenira i Rom 4:13

E Sunahan e halan u raranga hamana i tanen tere Abraham na tara pala i tanen tegi tatei lu menaien a man han hoboto i puta teka. U raranga hamana teka ema butu sila meia tara Lo tere Mosis. E möa. E la silama tara markato turu nihamana te kato hamatskö rana u katuun i matana e Sunahan.

U pas te koloto menai e Pol turu kristenira i Rom 9:4

Nori u katunura i Israel, u Jiu, a hun katuun te hopö kapiin e Sunahan. E Sunahan e hahahu beraien u katuun i tanen, bate haröto nena a nikapan i tanen. Nonei e kato gono meraien a man rangan kits bate hala raneien a Lo i tanen. Na nonei e haröto raien tegi mar hatsunono menaien, bate hala raneien u raranga u mana i tanen.

Galesia 3:16

Na e kato has uana iesana, e Sunahan e hale ii e Abraham na u hatutubunei i tanen u ranga hamana. U raranga teka ema ranga nanei a katuun a parpara. E möa. E ranga nena a töa puku a katuun, nonei e Kristo.

Hibru 11:13

U katuun hoboto teka i mate hakapa, kaba nori i hamana noahasi e Sunahan. Nori ima lue ii a manka te ranga meraien e Sunahan, kaba nori i taran lehana tuun naien me hanige ren. Ba nori e hatei ner nori u katunun hulala tuun i puta tara tsitabubun pöata.

Hibru 11:17

E Sunahan e ranga hamanaia tere Abraham i manasa me poeiena, “Alö e ka sila memia romana u hatutubunei u parpara koru tara pien i tamölö e Aisak.” E Abraham e hamani e Sunahan, ba pöata te torohane ien e Sunahan be Abraham e katoenei a pien i tanen e Aisak a kaan haats tara makumun haats. E Abraham e hengo noahasi e Sunahan me hakena a töa koru a pien tson i tanen tara makumun haats.

Hibru 7:1

E Melkisedek a kingina i Salem, na nonei a pris has tere Sunahan iasa koru. Tara pöata te kopis ma e Abraham tara hiatatung te atung hamate merameien u king, be Melkisedek e hitupali gono menen be kalale nen.

Hibru 7:7

Ara e atei silera a katuun te panina te kalalena a katuun te teteneina.