Hibru 7:19 - U Bulunagana U Niga

¹⁹ A Lo tere Mosis ema kato hanige ii ta töa ta ka na ta katuun. Kaba a maroro a niga bala koru e butu hakapa, na ra e tatei la uara tere Sunahan te sila uara ra tara maroro teka.

Hibru 7:19 Iomraidhean Croise

U Bulungana u Niga tere Iesu Kristo te kolotein e Jon 1:17

E Sunahan e hala silanama a Lo tere Mosis, kaba u pannen u nihitaguhu na nimana tere Sunahan i habutu sila nama tere Iesu Kristo.

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

Aposol 13:39

A Lo tere Mosis ema antunan luba nanei a markato a omi i tamilimiou bate ngö ranei limiou u katuun u matskö. Kaba e Iesu e luba nena a markato a omi hoboto turu katuun te hamana uaier i tanen, bate ngö has raneien u katuun u matskö.

U pas te koloto menai e Pol turu kristenira i Rom 5:2

Na e Sunahan e haniga mera neira te hamana uarara tere Iesu. Ba ra te la hasukusuku uara tere Sunahan bate ka gono meren. Ba ra te sasaala mera te hahaloso mena reira a pöata tena ka gono meroara e Sunahan tara han a niga i tanen.

U pas te koloto menai e Pol turu kristenira i Rom 7:7

Aha tegi pei ra, a Lo tere Mosis e omina? E möa koru! A Lo tere Mosis ema markato a omi nei. Alia sanena ema atei silegi a markato a omi na tego ngil menai lia a manka tara taina katuun, tegoma pei menai a Lo tere Mosis alia goma mamangil nai a ka tara taina katuun.

U pas te koloto menai e Pol turu kristenira i Rom 8:3

E Sunahan e kato a töa ka a niga koru, na Lo tere Mosis ema antunan katoe ii a ka a niga teka, taraha u ngilngilina i puta ema antunan kukute ii a Lo teka. Be Sunahan e hala nenama a Pien Tson i tanen peisa memi lueiena u tuenrei te markato uu turu tuenrei i tarara me mate silena a markato a omi. Ne Sunahan e luban a nitagala tara markato a omi te kana turu tuenrei i tarara.

Galesia 2:16

Kaba ara e atei silera a katuun te kukuteiena a Lo turu Jiu ema matskö neia i matana e Sunahan. E möa. U katuun te hamana ria tere Iesu Kristo, nori u katuun te ngö ranoui e Sunahan u katuun u matskö. Ara e atei silera e möa ta katuun tega antunan matsköia i matana e Sunahan te kukute mena neien a Lo turu Jiu.

Galesia 3:21

Aha te poeiena u raranga teka? A Lo e hiatatung mena u ranga hamana tere Sunahan? E möa koru! Sanena tego kaia a töa lo te antunan kato hatöatöa rena u katuun, e Sunahan sane kato hamatskö sila rana u katuun tara Lo. Kaba e möa.

Galesia 3:24

A Lo e here ii a tson taratara kap i tarara, e antunan töaia te butuma e Kristo bara e hamana reia i tanen me töan matskö raia i matana e Sunahan.

Epesis 3:12

Ba ra tema tatei matout tala rei, bate singo hamatskö uara tere Sunahan, taraha ara e hamana uara i tanen bate katuun has uara i tanen.

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

1 Timoti 1:1

Alia e Pol, a aposol tere Iesu Kristo. E Sunahan te lu pouts raiou ra na e Iesu te hamana riara nori i hopö kap silei lia tego aposol uu lia.

Hibru 10:1

A Lo turu Jiu e haharuei nena a manka man niga tega lama, kaba ema halesala ranera. Nonei ema haröto ranei ra a mouna a manka teka. Na Lo ema antunan kato haniga nitöa ranei ra. Na man haats te hala ner turu mamana u hiningal, ema antunan kato haniga nitöa ranei u katuun te la hasukusukur bate hatsunoner e Sunahan. E möa.

Hibru 11:40

Taraha, e Sunahan e atei sil mami a ka te niga bala tega butuia tara pöata i tarara, na nonei e ngil tegi lu hoboto gono meraien ra a ka a niga teka.

Hibru 11:6

Te möa rara tu nihamana tere Sunahan, nonei ema antunan sasaala mera neira. Taraha, esi te ngilin la uanama tere Sunahan ega hamani e Sunahan e kana, bate hala nena a manka man niga turu katuun te sakie ren.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

Hibru 4:16

Na aragi ongolo tala bate la hasukusuku uara tara makum a göagono tere Sunahan tara pöata te singo ria ra, taraha nonei e taatagi ranoura ra. Na saha pöata tema tagala reia ra, nonei e taatagi ranou ra bate taguhu ranou ra.

Hibru 6:18

Na u huol u rangan hamana teka ema tatei palis nei, na e Sunahan ema tatei gamo has naneien. Na ka teka e hatagala koruena a torirara, ara u katuun ti la uu tere Sunahan tego hatongo kap meraien ra, bara te pile hakarapoto nera a markato te hamana sil mena rei ra a nihitaguhu tere Sunahan.

Hibru 7:11

E Sunahan e halarai a tei Israel a Lo, na nonei e hopö kapir u pris ti pala uu tere Livai tegi tara kap menaien a Lo. Sanena a toukui turu pris ti pala uu tere Livai egi kato hanigan töari u katuun, e Sunahan sane ma tatei hopö kap nai a markato a tsimus turu pris te kukutiena a markato tere Melkisedek a pris, batema markato uanei tara markato tere Eron a pris te pala u tere Livai. Kaba e Sunahan e hopö kap hamanein a markato a tsimus turu pris.

Hibru 7:20

E Iesu e butun pris gono mei u raranga tere Sunahan te mana uana iasa.

Hibru 7:25

Na e Iesu e antunan lu pouts rena u katuun hoboto tara mamana pöata te la sila rima i tanen bate la uaier tere Sunahan, taraha nonei e ka nitöa silena tego singo sil meraien tere Sunahan.

Hibru 8:6

Kaba a toukui te lui e Iesu e pan bala nena a toukui ti kamei u prisira i manasa, taraha nonei te ranga bera noura tere Sunahan, na nonei te hatagalena u hia hanhaniga u tsimus i tarara gono mei e Sunahan, na u hanhaniga teka e niga bala nena u hia hanhaniga na i manasa, taraha u hia hanhaniga teka e la gono menama a manka man niga na man mana.

Hibru 9:9

Tara makum tutuun teka u pris i roron hala menai a man kaan haats ti halhala pukuni tere Sunahan, kaba nori ima antunan kato hagogose ii a torir u katuun ti la uu turu lotu.

Jemis 4:8

La hasukusuku uaiam tere Sunahan, ba nonei te la hasukusuku has uanama i tamilimiou. Kato hagogoso poutseiam a peisa milimiou, alimiou tu kato homi iam. Kato haniga poutseiam a torimilimiou, alimiou te hula hakatsmiou.