Hibru 7:16 - U Bulunagana U Niga

¹⁶ Ara e atei silera nonei ima katoe ii a pris iahana a Lo te poeiena nonei ega hatubunaia tere Livai. E möa. E Sunahan te katoeien a pris tara nitagala tara nitöatöa i tanen tema antunan kapa nei.

Hibru 7:16 Iomraidhean Croise

U pas te koloto menai e Pol turu kristenira i Rom 7:14

Ara e atei silera a Lo teka e lama tere Sunahan. Kaba lia e ka noahas megu a markato a omina i manasa te pilekap nanou lia, ba lia tema kukuteiegi a Lo a niga tere Sunahan.

Galesia 4:3

Na ti markato has uu ra i mamuna te lama e Iesu Kristo, ara i here rai u katunun kukui puku te ka puta ria tara mamanaka i puta.

Galesia 4:9

Kaba i romana alimiou e pei miou e Sunahan e atei sil ranou limiou na limiou e atei silemiou e Sunahan. Ga taraha tsiponi ba limiou te habirits kopis silemiou a man namnamei a man omina i puta ti möa ta man nitagala i taren? Ba limiou te katsin katunun kukui puku lel mia i taren?

Kolosi 2:14

E Sunahan e luban u raranga tara markato a omi ti katoira te saka raira a Lo. E here nei e Sunahan e tapala naia u raranga teka tara kuruse te mateia e Iesu. Me luba hakapaba nitöa nanen.

Kolosi 2:20

Alimiou u mate gono meiam e Kristo, ga e hana ba limiou te kukute noahasemiou a man markatona i puta?

Hibru 10:1

A Lo turu Jiu e haharuei nena a manka man niga tega lama, kaba ema halesala ranera. Nonei ema haröto ranei ra a mouna a manka teka. Na Lo ema antunan kato haniga nitöa ranei ra. Na man haats te hala ner turu mamana u hiningal, ema antunan kato haniga nitöa ranei u katuun te la hasukusukur bate hatsunoner e Sunahan. E möa.

Hibru 7:15

Na tana pris e butu hakapa tala te markato uana tere Melkisedek. Nonei e Kristo.

Hibru 7:17

Taraha, u Buku u Göagono e poeiena: “Alö e pris nitöa mou tara mamana pöata te markato uu e Melkisedek.”

Hibru 7:21

A pal tson i lui a toukui tara pris i manasa be möana ta katuun tega hamana uu iasa. Kaba e Sunahan e katoe ii e Iesu a pris me ranga hamana has uana iasa me poeiena i tanen, “Alia a Tsunono u kato hakapi u ranga te mana uana iasa. Alia ema tatei palisegi u hakats i tar. ‘Alö e pris nitöa mou tara mamana pöata.’”

Hibru 7:28

A Lo tere Mosis e hopö kap rena u katuun tuun tegi tsunono pan uaien turu pris, kaba nori ema tagala nitöa sileri a markato a omi. Kaba u raranga u mana koru te lama i murina a pöata tara Lo, te hopö kapiin a Pien tson tere Sunahan te matskö nitöana tara toukuin pris teka te ka nitöa nou tara mamana pöata tema antunan kapa nei.

Hibru 7:3

E möa tu töa tu buku tega ranga hatein e Melkisedek e ka mei ta tamanen na ta tsinanen na ta tubunen, tsi tega ranga hatein nonei i posei, na tega ranga hatei hasiin nonei e mate. Nonei e here nei a Pien tson tere Sunahan. Nonei a pris na tara mamana pöata.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.