Hibru 7:1 - U Bulunagana U Niga

¹ E Melkisedek a kingina i Salem, na nonei a pris has tere Sunahan iasa koru. Tara pöata te kopis ma e Abraham tara hiatatung te atung hamate merameien u king, be Melkisedek e hitupali gono menen be kalale nen.

Hibru 7:1 Iomraidhean Croise

U Bulungana u Niga tere Iesu Kristo te kolotein e Mak 5:7

Ba nonei e ku hapanina me poeiena, “O Iesu, a Pien Tson tere Sunahan Iasa Koru, alö e katsin he mi lia? Alia e singo hataatagi koru gia i tamölö i matana e Sunahan, alö goma hahune ii lia.”

Aposol 16:17

Pöata te kukuteien e Pol na lam, nonei e ku nitöani, “A pal tson teka u katunun kui tere Sunahan iasa koru. Nori e haröto rari limiou a maroro te lu sila namia limiou a nihitaguhu tere Sunahan.”

Hibru 6:20

Na e Iesu e tasu hakapa has ba raiou ra iahana Luman Lotu Pan i Kolö. Nonei e mam raiou ra tara makum te ka hamatsköna e Sunahan. Na nonei a tsunono pan turu pris te markato has uu e Melkisedek a pris. E Sunahan e katoe ii e Iesu a Pris a kapan saluhe te markato has uu e Melkisedek a pris.

Hibru 7:2

Be Abraham e lu kakatena a manka hoboto te lue men tara hiatatung tara maloto a makum me hala nena a töa makum tere Melkisedek. A solo, e Melkisedek e poeiena, A king tara markato a niga na matskö. Na e pei hasena, A king tara masalohana, taraha a solo e Salem e poeiena, masalohana.

Hibru 7:3

E möa tu töa tu buku tega ranga hatein e Melkisedek e ka mei ta tamanen na ta tsinanen na ta tubunen, tsi tega ranga hatein nonei i posei, na tega ranga hatei hasiin nonei e mate. Nonei e here nei a Pien tson tere Sunahan. Nonei a pris na tara mamana pöata.

Hibru 7:6

E Melkisedek ema pala uai tere Livai. Kaba nonei e lu noa hasi a hamalotona makum tere Abraham, nonei a katuun te lui u raranga hamana tere Sunahan, na e Melkisedek e kalala hasi e Abraham.