Hibru 6:9 - U Bulunagana U Niga

⁹ Alam e mar ranga uaiem teka, kaba lam e hamanem a markato i tamilimiou e niga bala nena a markato a omi teka, taraha e Sunahan e lu pouts raiou limiou.

Hibru 6:9 Iomraidhean Croise

U Bulungana u Niga tere Iesu Kristo te kolotein e Mak 16:16

A katuun te hamanana na te lueiena a baptais te lu poutse riou romana. Kaba a katuun tema hamana nei e rus noa romana turu Kout tere Sunahan.

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 20:21

Alia u hatei hatagalein u ranga tara pal katuun i tar u Jiu na i tamilimiou has u Grik, tego habirits uaiam limiou tere Sunahan, na tego hamana has uaiam limiou tara Tsunono i tarara e Iesu Kristo.

1 Korin 10:14

A matsi hahikapien i tar, bus halehana ba naiam a markato te hatsunono menari u kesa.

2 Korin 12:19

Alimiou romana e pei toum lase miou alam e ranga kökopo nem a man ranga teka bate taguhu pouts ranou lam? E möa. Alam e ranga nem u raranga te hala nema e Kristo i matana e Sunahan, na mamanaka te katoe mulam a matsi hahatoulana, e taguhu ranou limiou.

2 Korin 7:1

A matsomi i tar, te hala tala nena e Sunahan u mamana u raranga u mana teka, aragi kato hagogoso ba tala nai a peisarara a mamanaka te kato hakorkorianena u tuenrei na u namnamei i tarara. Aragi matouti e Sunahan bate torohanan kato hagogoso sokön töa nera a peisarara.

2 Korin 7:10

A nitaatagi na nimatsingolo te roron halanena e Sunahan e kato rena u katuun bate habirits ba ner a markato a omi be Sunahan te lu pouts ranen. A nitaatagi teka ema kato homie nei a katuun. Kaba a nitaatagi na i puta turu tsiktsiki teka e habutena romana a tou mate.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Hibru 10:34

Alimiou u taatagi sil raiam u katuun ti haka raia tara karabus. Na pöata ti lueia u katuun a manka i tamilimiou, alimiou u sasaala noahas iam, taraha alimiou i atei sileiam e ka mena a manka man niga koru e kana.

Hibru 10:39

Kaba ra ema antunan hakopis pouts rei batena taiara. E möa. Ara u katuun te hamana uara tere Sunahan, nonei e taguhu koru ranou ra.

Hibru 2:3

Kaba u raranga tere Iesu e pan bala nena u raranga turu angelo, na ra e möa koru tegi bus ba menai a nihahuna te totone rara a markato a niga koru teka, te lu pouts mera neira e Sunahan. A Tsunono e Iesu noahas te habulungana mamin a maroro teka te lu pouts mera nei e Sunahan u katuun, na u katuun ti hengoeien i haröto raira u raranga teka e manana.

Hibru 5:9

Be Sunahan e katoe neien a pris te niga saluhe koru. Ba nonei te taguhu rena u katuun hoboto ti hengoeien bate hala raneien a nitöatöa te ka nitöana.

Hibru 6:10

E Sunahan ema solopale nei a toukui i tamilimiou na niniganiga na u ngilngil ti taguhu merai limiou u katuun i tanen te la noahasina i romana.

1 Pita 2:11

A man hahikapien i tar, alimiou e heremi u katunun hulala tuun i puta, na limiou e ka pukuemou a tsitabubun pöata turu tsiktsiki teka. Na lia e ranga hataatagi mera gilimiou, alimiou goma rongarongemi a peisa milimiou tego kato menaien a man ngil a man omi, u ngil te roron hiatatung mena u namnamei i tamilimiou.

2 Pita 3:1

A man hahikapien i tar, alia e koloto menagi u hahuoluna u pas teka i tamilimiou. Turu huol hoboto u pas teka alia e torohanan hatakeiegu u hakhakats u niga i tamilimiou bate hatei lel ragi limiou a manka ti atei sil hakapa haseiam limiou.

1 Jon 2:7

A man hahikapien, alia ema koloto nagi tu raranga tu tsimus i tamilimiou. E möa. Alia e koloto negu u rarangana i manasa tu hengo naiam limiou tara pöata tu hengo mam namia limiou e Iesu. U rarangana i manasa teka nonei u raranga tu hengo hakapa naiam limiou.

U pas te kolotein e Jut 1:3

A matsi hahikapien, alia e ngilin koloto menagi u pas i tamilimiou bate hatei ragi limiou ime temar lu pouts meraira e Sunahan. Kaba lia e hakats koru negu tego koloto uu lia i tamilimiou bate hatei hatagala ragi limiou tego pile kap hatagala mena milimiou u nihamana i tamilimiou ti hapilepile kap mam burai u katuun tere Kristo. E Sunahan e hala raira a markato turu nihamana na ema antunan palis menarien.