Hibru 6:12 - U Bulunagana U Niga

¹² Alimiou goma here rami u katuun u karous. Alimiou go kukute raiam u katuun, tara nihamana i taren na te hahaloso haniga uaren, nori ena lueriou a mamanaka te ranga hamanein a Tsunono.

Hibru 6:12 Iomraidhean Croise

Matiu 22:32

Nonei e mar ranga uu teka: ‘Alia a Sunahan tere Abraham na lia a Sunahan tere Aisak na lia a Sunahan tere Jekop.’ U raranga teka e poeiena nonei ema Sunahan uanei turu katuun u mate. E möa. Nonei a Sunahan turu katuun te töatöar.”

Matiu 25:26

Ba katuun pan i tanen e poeiena, ‘Alö a tson pepeito kap a omi na karous! Alö e poeiem alia ema kui gi kaba lia e roron luegou a hihol tara toukui tara tana katuun?

U Bulungana u Niga tere Iesu Kristo te kolotein e Luk 16:22

Ba katuun teka e matena, ba u angelo e söate ren mena hagume rien i rehina e Abraham. Na tson moni e mate has me kaho ner.

U Bulungana u Niga tere Iesu Kristo te kolotein e Luk 8:15

Ba man ngal ti pururukuia turu tsiktsiki u niga e hatei nena a pala te hengoer u ranga bate hake rien turu hakhakats u niga i toriren, ba nori te pile kap hakarapoto naren. Ba u raranga te kato hanigeiena a markato turu katuun teka.”

U pas te koloto menai e Pol turu kristenira i Rom 12:11

Alimiou go kui hatagala iam batema karousmi. A torimilimiou ega sasaala koru te kui bemi limiou a Tsunono.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

U pas te koloto menai e Pol turu kristenira i Rom 4:12

E Abraham has e tubur u Jiu ti hapön a hatöatongo tere Sunahan bate kukute haser a markatona turu nihamana i tanen, te ka meien i mamuna te hapö naien a hatöatongo tere Sunahan.

1 Tesalonaika 1:3

Pöata te singo mialam tere Tamarara e Sunahan, alam ema mala solopalemi te hamana haniga uami limiou na te kato haniga has uami limiou. Na lam ema solopala hasemi te ngil mera milimiou a palair u katuun bate taguhu ramen. Na te hamana hatagala uami limiou tena la pouts nama romana e Iesu Kristo a Tsunono i tarara.

2 Tesalonaika 1:4

Nonei te ranga sesei bera milam alimiou turu hagum turu katuun tere Sunahan. Alam e hahatei nem u katuun e kato homi sila raria limiou te hamana uamia limiou tere Iesu bate hamana hatagalamiou, noahasina te omi merari limiou u katuun.

Hibru 1:14

U angelo u saha u mar katuun? Nori hoboto a man namnamei te kui beier e Sunahan. Nonei e hala sil rameien tegi taguhu meraien u katuun te katsin lu pouts rena e Sunahan.

Hibru 10:36

Alimiou go hamana hatagala koruiam bate kukute miou u ngil tere Sunahan ba limiou te lue miou a ka a niga te ranga hamana naien.

Hibru 11:33

Nori i hamanaia tere Sunahan me tagala saluhe ria tara man makumun han tara man king a man parpara. Nori i kato hatagala korui a man markato a man matskö me lueier a ka te ranga hamanein e Sunahan. Na palai ti kaia tara man makum ti ka hasia u laion, u laion ima kato homi raien.

Hibru 12:1

Aragi hakats silir u katuun u parpara te ka hahis rarioura ti harötein u nihamana. Na ragi luban a mamanaka hoboto te kato halolomoto ranoura, tegi piata ura turu resis te hopö kap beraira e Sunahan. Aragi luban a man markato a man omi te pile kap ranoura, bara te kukute hatagalera a maroro te haröto raira e Sunahan.

Hibru 13:7

Hakats sil raiam u tsunono i tamilimiou, nori ti hatei mam railimiou u raranga tere Sunahan. Hakats kap naiam a manka man niga te butuma tara markato a niga i taren, ba limiou te hamana mia tere Sunahan timar hamana has uaien.

Hibru 5:11

U raranga u parpara tara ka teka e kanoana, kaba alam e lagi hahatarare namen i tamilimiou, taraha alimiou e lagi atei koru miou.

Hibru 6:15

E Abraham e hahaloso haniga nitöa, ba nonei e lueiena a ka te ranga hamanein e Sunahan.

Jemis 1:3

Taraha, a pöata te torohaneria u nihamana i tamilimiou nonei e hatagala pouts has ranou limiou.

2 Pita 1:10

E markato uana teka, a matsi hahatoulana, alimiou go kato hatagala sileiam tego kato mena milimiou a man markato a man niga te haröto nena e Sunahan, nonei e ngö hamana raiou limiou me hopö kap ranou limiou. Te markato uamou limiou teka, alimiou ema antunan rus ba namoien.

1 Jon 2:25

Na nonei a ka te ranga hakapein e Kristo, tego hala rien ra, nonei a nitöatöa te ka nitöana.