Hibru 6:1 - U Bulunagana U Niga

^1-2 Aragi hatakui talei a man hihatuts pan bate hapolasera a markato te taatate tuun menari a man hihatuts tutuun tere Kristo. Ara i solon atei sil hakapi a man hihatuts tutuun teka, hena: Aragi habirits ban a markatona i tarara i manasa tema la gono menei a nitöatöa tere Sunahan, na aragi hamana uu tere Sunahan, na aragi kukute u hihatutsina te lu menari a baptais na te hatakopo menari ualima tara katuun, na ragi kukute u hihatutsina te takei pouts uaria tara tou mate na u hihatutsina te lu menari a nihahuna te ka nitöana. Kaba, ra gima tatei kaan töa mei a man raranga tutunina i manasa. E möa.

Hibru 6:1 Iomraidhean Croise

Matiu 21:29

Ba pien tson e ranga palisinen, ‘Alia ema ngilin kui gi.’ Kaba i murinen ba nonei e habiritsena u hakhakats i tanen ba nonei ena kuina tara kui.

Matiu 21:32

Taraha, e Jon a Tsonun Baptais emi haröto rai limiou a maroro a matskö, kaba limiou uma hamane mien. Na pal tson u omi na touhaliou u omi i hamaneien. Na limiou i röto hakapeiam ti markato uen teka, kaba limiou uma palis noahasemi u hakhakats i tamilimiou bate hamane men.”

Matiu 3:2

Ba nonei e poeiena, “Alimiou go palis ba naiam a man markato a man omi. A Nipepeito tere Sunahan e sukusuku hakapa.”

Matiu 4:17

Nonei tara pöata teka, e Iesu e tanian habulunganein a man raranga i tanen ba e poeiena, “Alimiou go palis ba naiam a man markato a man omi! Taraha, a Nipepeito tere Sunahan e sukusuku hakapa.”

Matiu 5:48

A markato i tamilimiou ega matskö nitöa, te markato has uana e Tamamilimiou i Kolö a markato i tanen e matskö nitöana.”

Matiu 7:25

Ba langits te polona bu uolo te la nama, ba lomolomo pan te bahuna, kaba ema antunan gasenoui a luma teka. Taraha a luma i kuieia ioluna u lapo.

U Bulungana u Niga tere Iesu Kristo te kolotein e Mak 1:1

Nonei teka u Bulungana u Niga tere Iesu Kristo a Pien Tson tere Sunahan: E Aisaia a propet e kolotonaien me poeiena, “Hengoiam, e Sunahan e mar ranga uu teka: ‘Alia e hala mam negou a katunun sösöata ranga i tar te mam nanou lö, ba nonei tena hamatsköe nou a maroro i tamölö.

U Bulungana u Niga tere Iesu Kristo te kolotein e Mak 6:12

Ba maloto na huol a katunun tsitsilo e lar mena hahatei ner tegi palis menai u katuun a man markato a man omi i taren.

U Bulungana u Niga tere Iesu Kristo te kolotein e Luk 6:48

Nonei e here nei a katuun te kaho uu iogana me hopöeiena u simen turu lapo me kuiena a luma ieluna u simen. Ba u uolo pan e la nama me mi torohanan söatena a luma. Kaba ema gaseien. Taraha? A luma i kui hanigei.

U Bulungana u Niga tere Iesu Kristo te kolotein e Jon 12:44

Be Iesu e ranga hapanina me poeiena, “A katuun te hamana uana i tar e hamana has uana tere Sunahan te hala na moulia.

U Bulungana u Niga tere Iesu Kristo te kolotein e Jon 14:1

“Alimiou goma tokumi. Hamana uaiam tere Sunahan na i tar.

U Bulungana u Niga tere Iesu Kristo te kolotein e Jon 5:24

Be Iesu e poeiena, “Alia e hatei hamana ragou limiou, a katuun te hengoena u raranga i tar na te hamana hasena e Sunahan te tula namoulia e ka mena a nitöatöa te ka nitöana. Nonei ema la noi turu kout tere Sunahan. E manana, nonei e ka halhal ba mamin a nitöatöa tere Sunahan na e herei a katuun a mate. Kaba nonei e laba nema a tou mate teka na e aroho hakapa uu tara nitöatöa tere Sunahan.

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 17:30

E Sunahan e tara hahalongolo tunir u katuun tara pöata i manasa ti tutu ien. Kaba i romana nonei e hatei renei u katuun tara man han hoboto egi hakapa korui a man markato a man omi na u hakats u omi i taren.

Aposol 2:38

Be Pita e poeiena i taren, “Hapolasa ba neiam a man markato a man omi na man hakats a man omi i tamilimiou ba limiou tena habaptais mia tara solona e Iesu Kristo ba man markato a man omi i tamilimiou te luba nariou ba limiou te lue miou u Namnamei u Göagono i tanen.

Aposol 20:21

Alia u hatei hatagalein u ranga tara pal katuun i tar u Jiu na i tamilimiou has u Grik, tego habirits uaiam limiou tere Sunahan, na tego hamana has uaiam limiou tara Tsunono i tarara e Iesu Kristo.

Aposol 26:20

Alia u la mam uu i Damaskus mena hatei ragi u katuun tegi hakapa menaien a man markato a man omi na man hakats a man omi i taren bate habirits uaier tere Sunahan, na tegi kato menaien a manka te haröto nena ti hakapa koru menaien a markato a omi na u hakats u omi i taren. Na lia u kato has uu iesana i Jerusalem na tara man han hoboto i Judia na turu katuun has tema Jiu ri.

Aposol 3:19

Paliseiam u hakats i tamilimiou bate habirits ua miou tere Sunahan, be Sunahan te luba nanou a man markato a man omi i tamilimiou.

1 Korin 13:10

Kaba a ka te niga nitöana e butu nou romana, na pöata te butu nouen ba manka tema niga koru nei te kapa nou.

1 Korin 2:6

Alia e ranga noa has megu a niatei turu katuun te atei siler a markato tere Sunahan. Kaba ema niatei uanei tara han i puta teka tsi tara pal kapanira i puta te taia riou romana. E möa.

2 Korin 7:1

A matsomi i tar, te hala tala nena e Sunahan u mamana u raranga u mana teka, aragi kato hagogoso ba tala nai a peisarara a mamanaka te kato hakorkorianena u tuenrei na u namnamei i tarara. Aragi matouti e Sunahan bate torohanan kato hagogoso sokön töa nera a peisarara.

2 Korin 7:10

A nitaatagi na nimatsingolo te roron halanena e Sunahan e kato rena u katuun bate habirits ba ner a markato a omi be Sunahan te lu pouts ranen. A nitaatagi teka ema kato homie nei a katuun. Kaba a nitaatagi na i puta turu tsiktsiki teka e habutena romana a tou mate.

Epesis 2:1

I manasa alimiou i hipusiam bate katoe miou a mamana a markato a omi, nonei te kato hamate raiou limiou.

Epesis 4:12

Nonei e kato silei a ka teka tego taguhu meraien u katuun tere Sunahan ba nori te kui beren. Na tegi kato hatagala menaien u tuenrei tere Kristo bate panina.

Kolosi 1:28

Alam e hatei lanem e Kristo turu katuun hoboto. Alam e torohanan hihatuts nem a mamana niatei te halani e Sunahan. Taraha, alam e ngilem a man tötöa man katuun hoboto egi herei a katuun a tangoho te kukute hanigan töa merien e Kristo.

Kolosi 3:14

Na tara mamanaka teka, alimiou go hatagaleiam u ngilina tara mamanaka a niga. A markato teka e las gögono haniga rena a manka hoboto ba nori te ka haniga hoboto nitöar.

Kolosi 4:12

Epapras e hala has mena nei u hanhaniga i tanen i tamilimiou. Nonei e pala has uana i tamilimiou na nonei a katunun kui has tere Iesu Kristo. Nonei e singo hatagalan töa sil ranou limiou, ba limiou te katoe miou a ka te ngilena e Sunahan.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

1 Timoti 6:19

Te kato uarouen teka ba nori te haputu beri a peisaren a manka man niga hamana, a man kana i Kolö te taguhu ranouen i murimuri. Ba nori te antunan lue riou a nitöatöa hamana.

2 Timoti 2:19

Kaba a mouna u raranga tere Sunahan e ka hatagala noa hasina bate here nei u simen te ka mena a nikoloto teka: “A Tsunono e atei sil rena u katuun te pala uaier i tanen. Na katuun te poeiena e pala uana tara Tsunono e tatei laba nena a markato a omi.”

Hibru 11:6

Te möa rara tu nihamana tere Sunahan, nonei ema antunan sasaala mera neira. Taraha, esi te ngilin la uanama tere Sunahan ega hamani e Sunahan e kana, bate hala nena a manka man niga turu katuun te sakie ren.

Hibru 12:13

Taguhu raiam a palai bate sila ria tara maroro a matskö, bate tagala miou ba limiou te ka haniga miou.

Hibru 7:11

E Sunahan e halarai a tei Israel a Lo, na nonei e hopö kapir u pris ti pala uu tere Livai tegi tara kap menaien a Lo. Sanena a toukui turu pris ti pala uu tere Livai egi kato hanigan töari u katuun, e Sunahan sane ma tatei hopö kap nai a markato a tsimus turu pris te kukutiena a markato tere Melkisedek a pris, batema markato uanei tara markato tere Eron a pris te pala u tere Livai. Kaba e Sunahan e hopö kap hamanein a markato a tsimus turu pris.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.

Jemis 1:4

Alimiou go hamana nitöaiam. Te markato uamou limiou teka, ba limiou tena butu moua tara mar katuun te hanigeiena e Sunahan, a katuun te tagala nitöa silena u ngil tere Sunahan.

1 Pita 1:21

Tere Kristo lasi ba limiou te hamana uamiou tere Sunahan, taraha, e Sunahan te hatakei poutsi e Kristo tara tou mate me solosei korue nen. Ba limiou te hamana tala uamiou tere Sunahan bate hahalose men tega taguhu has meraien limiou.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.

1 Jon 4:12

Emoa ta töa ta katuun tego tara noabi e Sunahan. Kaba te ngil korue rara a tana katuun, be Sunahan te kana i tarara. Ba u ngilngil i tanen te butu haniga nitöa noa i tarara.