Hibru 5:5 - U Bulunagana U Niga

⁵ Na e kato has uana iesana tere Kristo. Nonei ema hala sei ii a peisanen tega tsunono pan uaien. E möa. E Sunahan noahas te katoe ii e Kristo a tsunono pan turu pris. Nonei e Sunahan te ranga mei e Kristo me poeiena, “Alö a Pien Tson i tar. I romana alö e hatamana mia i tar.”

Hibru 5:5 Iomraidhean Croise

U Bulungana u Niga tere Iesu Kristo te kolotein e Jon 3:16

E Sunahan e taatagi sil koru rema u katuun hoboto me hala nenama a töa koru a Pien Tson i tanen. Na katuun te hamana uana i tanen ema antunan tia noi romana kaba ena ka menou a nitöatöa te ka nitöana.

U Bulungana u Niga tere Iesu Kristo te kolotein e Jon 7:18

A katuun te ranga peisa mena u ngil i tanen e ngilin hapan nena a peisanen. Kaba a katuun te ngilin hapan nena a katuun te haleie men, e ranga hamanana, nonei ema gamo nei.

U Bulungana u Niga tere Iesu Kristo te kolotein e Jon 8:54

Be Iesu e ranga palis uana i taren me poeiena, “Sanena tego hapan menai lia a peisar, a nipan i tar a ka pinopino. E Tamagulia nonei te hapane noulia, na nonei has te ngöe milimiou e Sunahan i tamilimiou.

U pas te koloto menai e Pol turu kristenira i Rom 8:3

E Sunahan e kato a töa ka a niga koru, na Lo tere Mosis ema antunan katoe ii a ka a niga teka, taraha u ngilngilina i puta ema antunan kukute ii a Lo teka. Be Sunahan e hala nenama a Pien Tson i tanen peisa memi lueiena u tuenrei te markato uu turu tuenrei i tarara me mate silena a markato a omi. Ne Sunahan e luban a nitagala tara markato a omi te kana turu tuenrei i tarara.

Hibru 1:1

I manasa e Sunahan e rangaia turu tuburara tara mamana mar maroro tara pöata a parpara, me hala sila nenama u raranga i tanen turu propet.

Hibru 1:5

E Sunahan ena mala mar ranga uai teka ta töa ta angelo i tanen bate poeiena: “Alö a pien Tson i tar. I romana alö e hatamana mia i tar.” Kaba nonei e mar ranga uu teka tara Pien Tson i tanen. Kaba nonei ema mala mar ranga uai teka ta töa ta angelo bate poeiena, “Alia e hapien nagouen, na nonei e hatamana noua i tar.” E möa. Kaba nonei e mar ranga uu teka tara Pien Tson i tanen.

Hibru 2:17

Na e matsköna te butu here meraien u toulanen tara mamana markato bate töan luena a toukui tara tsunono pan turu pris te taatagi rena u katuun bate roron kui haniga beiena e Sunahan. Nonei e kato sile ii a ka teka tega luba menaien a man markato a man omi turu katuun bate tara pouts bera neien e Sunahan.

Hibru 3:1

A matsi hahatoulana, e Sunahan e ngö sil railimiou tego katuun uaiam limiou i tanen. Na limiou go hakats naiam e Iesu. E Sunahan e hala sile mei e Iesu tegomi aposol uen turu lotu i tarara na tegomi tsunono pan meraien u pris turu lotu i tarara.

Hibru 5:10

E Sunahan e katoe ii e Iesu a Pris a kapan saluhe te markato has uu e Melkisedek a pris.