Hibru 5:1 - U Bulunagana U Niga

¹ U Jiu e markato uaier teka: nori e hopö kap ner a tsunono pan turu pris i taren bate hale rien a toukui tego kui be menaien e Sunahan bate taguhu ranen. A tsunono pan turu pris e hala mena nei a man kaan halhala puku na mamana mar kaan haats tere Sunahan tego luba menaien a man markato a man omi turu katuun.

Hibru 5:1 Iomraidhean Croise

U pas te koloto menai e Pol turu kristenira i Rom 15:17

Alia e sasaala koru megu a toukui i tar, taraha alia e kato begien e Sunahan tara nitagala tere Iesu Kristo.

1 Korin 15:3

Na lia u hala rai limiou u raranga u kapan koru tu lu mami lia te markato uana a ka teka, e Kristo e mate sil a man markato a man omi i tarara, temar ranga uana u Buku u Göagono.

Hibru 10:11

A man pris hoboto turu Jiu e roron tuolur bate katoeier a toukui i taren turu mamana u lan bate hala hapara ner u töa u mar haats. Kaba u haats teka e möa koru tego antunan luba menaien a man markato a man omi.

Hibru 10:12

Kaba e Kristo e halan u töa koru u haats tara man markato a man omi, ba nonei ena gumna tara pal matou tere Sunahan.

Hibru 11:4

Turu nihamana tere Ebol, be Sunahan e hanigeiena u haats i tanen batema hanigenei u haats tere Kein. E Sunahan e haniga korui e Ebol me ngöe neien a katuun a matskö, na turu nihamana i tanen be Sunahan e luena manka te hala naien. E Ebol e mate, kaba turu nihamana i tanen nonei e ranga noahasina.

Hibru 2:17

Na e matsköna te butu here meraien u toulanen tara mamana markato bate töan luena a toukui tara tsunono pan turu pris te taatagi rena u katuun bate roron kui haniga beiena e Sunahan. Nonei e kato sile ii a ka teka tega luba menaien a man markato a man omi turu katuun bate tara pouts bera neien e Sunahan.

Hibru 7:27

Nonei ema here ranei a palair u tsunono pan turu pris te roron haatsir turu mamana u lan bate haats mam sileier a man markato a man omi i taren bate töan haats sileier a man markato a man omi turu katuun. Kaba e Iesu e möa. Tara pöata te hala naien a peisanen tara tou mate, nonei e katoeien u töa puku lasi u haats te hakapi u haats hoboto.

Hibru 8:3

A mamana pris pan hoboto e kamer a toukui tegi hala menaien a man kaan halhala puku na u haats tere Sunahan. Na a pris a tsunono pan i tarara ega ka has mei ta ka tega hala naien.

Hibru 8:4

Sanena nonei tega kaia i puta, nonei egoma antunan pris ii, taraha u pris i ka hakapa tegi halan a manka te matsköna tara Lo turu Jiu.

Hibru 9:9

Tara makum tutuun teka u pris i roron hala menai a man kaan haats ti halhala pukuni tere Sunahan, kaba nori ima antunan kato hagogose ii a torir u katuun ti la uu turu lotu.