Hibru 4:15 - U Bulunagana U Niga

¹⁵ Kaba ra egima tatei hakats ii bate poeiera a pris a tsunono pan i tarara ema antunan taatagi ranei ra tara pöata tema tagala ria ra. E möa. Kaba man torohana te ron butuna i tarara, e butu hasia i tanen tego torohana menaien. Kaba nonei ema kato homi ii.

Hibru 4:15 Iomraidhean Croise

Matiu 12:20

Nonei ema antunan pekoe nei u nga te magmagolona, na ema antunan kato hoseinei u lam tema kulupu haniga nei. Kaba nonei e kui tuun las nou, e antunana te kato hatagala hanigan töa nanouen a markato a matskö.

Matiu 4:1

Tara pöata teka u Namnamei tere Sunahan e peigi menai e Iesu tara makum a palaka tegona torohana menaien e Satan.

U Bulungana u Niga tere Iesu Kristo te kolotein e Luk 22:28

Alimiou u ka gono memoulia tara man pöata ti torohaneia lia u katuun.

U Bulungana u Niga tere Iesu Kristo te kolotein e Luk 4:2

E Iesu e kaia tara makum a palaka u tohats u maloto u lan te torohaneien e Satan. Tara pöata teka e Iesu ema nou ii, ba nonei e bes koruna.

U Bulungana u Niga tere Iesu Kristo te kolotein e Jon 8:46

E si i tamilimiou te antunan haröto nena ta markato ta omi i tar? Ga te ranga tala nagia lia u mana, ga limiou e hahamana sil na milia aha?

U pas te koloto menai e Pol turu kristenira i Rom 8:3

E Sunahan e kato a töa ka a niga koru, na Lo tere Mosis ema antunan katoe ii a ka a niga teka, taraha u ngilngilina i puta ema antunan kukute ii a Lo teka. Be Sunahan e hala nenama a Pien Tson i tanen peisa memi lueiena u tuenrei te markato uu turu tuenrei i tarara me mate silena a markato a omi. Ne Sunahan e luban a nitagala tara markato a omi te kana turu tuenrei i tarara.

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

Hibru 4:14

Aragi pile hakarapotein a ka te hamane rara. Taraha, ara e ka mera a pris a tsunono pan te la nitöa uu tara makum te kana e Sunahan. Nonei e Iesu, a Pien Tson tere Sunahan.

Hibru 5:2

Nonei a pris teka ema tagala kap nanei a man markato a man omi, taraha nonei a katuun tuun, ba nonei te tuatami na turu katuun ti moa ta niatei na tema kukutieri a maroro tere Sunahan.

Hibru 7:26

Na e niga koruna te ka menareira a pris a kapan koru te göagono koruna na tema ka töa koru menei ta ka ta omi i tanen na e möa ta ka tega kato homieien na e ka halhal barena u katuun u omi. Na nonei e söata sei korue ria tara han tere tamanen i Kolö.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

1 Pita 2:22

“Nonei ema katoe ii ta markato ta omi. Na e möa tu töa tu gamo tega butuma i rungnen.”

1 Jon 3:5

Alimiou e atei silemiou e Kristo e butu silema tegomi luba menai a man markato a man omi. Na nonei ema ka menei ta markato ta omi.