Hibru 4:10 - U Bulunagana U Niga

¹⁰ A katuun te husa gono mena e Sunahan e husa mena e kato hakapi a toukui i tanen, te markato has uu e Sunahan e husa mei a pöata te kato hakapeien a toukui i tanen.

Hibru 4:10 Iomraidhean Croise

U Bulungana u Niga tere Iesu Kristo te kolotein e Jon 19:30

Be Iesu e ousena u uain me poeiena, “A toukui hoboto i tar e kapa talana.” Ba nonei e tötörokö putana me matena.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 10:12

Kaba e Kristo e halan u töa koru u haats tara man markato a man omi, ba nonei ena gumna tara pal matou tere Sunahan.

Hibru 4:9

Na ra e ateira u katuun tere Sunahan e kanoa has meriou a makumun husa, bate here nei a pöatan husa tere Sunahan turu hatohitina u lan.

Revelesin 14:13

Ba lia e hengoegu u töa u raranga i Kolö bate poeiena i tar, “Alö go kolotein a ka teka: Sasaala iam u katuun tara Tsunono tena mate riou te taniana i romana bate la lasina!” Ba u Namnamei tere Sunahan e poeiena, “U mana koru! Nori e husa roua tara toukui i taren. Na markato a niga ti katoeien e la gono has merouen.”

Revelesin 6:11

Ba nori hoboto e hala rari u hasobö u hiaka, ba nori e hatei rari tegi gamon hahaloso uaien, e antunana tega onotoia a man hahatoulana i taren na u katunun kui tere Iesu. Taraha, nori egi atung hamate hasir, ti kato has uu katuun teka ti mate mam.