Hibru 3:5 - U Bulunagana U Niga

⁵ E Mosis, a katunun kui tere Sunahan, e katoe a toukui a niga i gusuna u katuun hoboto tere Sunahan, bate hatei nena a manka tega rangein e Sunahan i murimuri.

Hibru 3:5 Iomraidhean Croise

Matiu 24:45

Be Iesu e pei lelena, “Esi nonei ta katunun kui ta atei te tatei kato hanigan töa nena a toukui tanen? A Tsunono te tatei hataratara kap nanei a katuun teka a palair u katunun kui i tanen tega hala meraien a kannou i taren tara pöata hamatskö.

Matiu 25:21

Ba katuun pan i tanen e poeiena, ‘E niga nitöana, alö a tson pepeito kap hamana na lö u kato hanigan töani a toukui i tamölö. Alö u tara kap haniga koruni a matsi topisa koru a mats ka, na lia e ha taratara kap tala nagi lö a mamanaka a pannen. Tasu hongo tala uu tara nisasaala tara katuun pan i tamölö!’

U Bulungana u Niga tere Iesu Kristo te kolotein e Luk 12:42

Ba Tsunono e ranga palisina, “Esi i tamilimiou te here nei a tson mammam hamana te hakats hanigana? A katuun pan i tanen e hataratara kap naneien romana a palair u katunun kui i tanen. Nonei te tatei hala ranoien a kannou tara pöata hamatskö.

U Bulungana u Niga tere Iesu Kristo te kolotein e Luk 24:27

Be Iesu e hatarare raneien u mamana u raranga turu Buku u Göagono te hatei nanen, e taniama tara man buku te kolotein e Mosis batemi noana tara man raranga ti kolotein u propet hoboto.

U Bulungana u Niga tere Iesu Kristo te kolotein e Luk 24:44

Ba nonei e poeiena i taren, “Nonei koru a manka teka tu ranga merai lia limiou tara pöata tu ka gono noa meraia lia limiou: a mamanaka ti koloto naia lia tara Lo tere Mosis na tara man buku turu propet na turu Sam ega butu hamana koru.”

U Bulungana u Niga tere Iesu Kristo te kolotein e Jon 5:39

Alimiou e röto nitöa namiou u Buku u Göagono, taraha alimiou e poeiemiou nonei te hala ranoui limiou a nitöatöa te ka nitöana. U Buku u Göagono e hatei noahas na nou lia.

Aposol 28:23

Ba nori e hakeier u lan tegi gono hoboto meien e Pol, ba u katuun u parpara e la uarima tara makum te kaia e Pol. Tara bongbong mena antunena a lahibong nonei e ranga hatararein a Nipepeito tere Sunahan. Nonei e kato sil tega antunan palis meien u hakats i taren tere Iesu, bate hatei raneien u raranga te kana tara Lo tere Mosis na u raranga turu propet.

Aposol 7:37

Nonei e Mosis te hateir u katunura i Israel me poeiena, ‘E Sunahan e hatuolenou a töa propet turu katuun i tamilimiou i murimuri, kato has uanou temar hatuol menaien lia.’

U pas te koloto menai e Pol turu kristenira i Rom 3:21

Kaba e Sunahan e ka mena a maroro te kato hamatskö mera neien u katuun i matanen, na nonei ema maroro uanei tara Lo tere Mosis. E möa. Nonei a marorona tara nihamana tere Iesu. I romana e Sunahan e kato hamatskö rena u katuun hoboto te hamana ria tere Iesu Kristo. A Lo tere Mosis na u raranga turu propet e hatei naier a ka teka. U katuun hoboto e markato uaier iesana i matana e Sunahan.

1 Korin 4:2

Kaba a toukui teka e ngilena a katuun a hihipakoko na katuun te hamana uana tere Sunahan na te kukuteiena u raranga i tanen.

1 Timoti 1:12

Alia e haniga koruegu e Iesu Kristo a Tsunono i tarara, te hatagale ioulia, taraha nonei e tari tu kui haniga uu lia ba nonei e lu mena nei lia tara toukui i tanen.

Hibru 1:1

I manasa e Sunahan e rangaia turu tuburara tara mamana mar maroro tara pöata a parpara, me hala sila nenama u raranga i tanen turu propet.

Hibru 3:2

E Iesu e kukute hanigei e Sunahan te hopö kap naien tara toukui teka, te markato haniga has menai e Mosis a toukui i tanen i gusuna u katuun tere Sunahan.

Hibru 3:4

A mamana hun haposa e ka mena a katuun te habuteien, kaba e Sunahan te habuti a mamanaka hoboto.

Hibru 8:5

Kaba a toukui i taren e haharuei tuun nena a luman lotu hamana i Kolö. Taraha, pöata te katsin hatakeia e Mosis a luman lotu labalaba, be Sunahan e ranga menen, “Alö go tara kap hanigein tego kui hapopo naia lö a mamanaka tara markato tu haröte ii lia lö turu pokus i Sinai.”

Hibru 9:24

Taraha, e Kristo ema tasu ii tara luman lotu ti kui u katuun bate haharuei tuun nena a luman lotu hamana. E möa. Nonei e tasuia i Kolö, ba nonei e kana i matana e Sunahan me ranga bera noura.

Revelesin 15:3

Nori i kömei u hets tere Mosis a katunun kui tere Sunahan na u hets tara Tunan Sipsip, bate mar hets uaier teka: “O Tsunono, o Sunahan, alö te tagala saluhem! A man toukui i tamölö e pan koruna na e niga soköna. Alö a Tsunono Pan turu han hoboto. A man markato i tamölö e matsköna na e mana hasina.