Hibru 3:1 - U Bulunagana U Niga

¹ A matsi hahatoulana, e Sunahan e ngö sil railimiou tego katuun uaiam limiou i tanen. Na limiou go hakats naiam e Iesu. E Sunahan e hala sile mei e Iesu tegomi aposol uen turu lotu i tarara na tegomi tsunono pan meraien u pris turu lotu i tarara.

Hibru 3:1 Iomraidhean Croise

U Bulungana u Niga tere Iesu Kristo te kolotein e Jon 17:3

Nonei teka a maroro tara nitöatöa te ka nitöana: u katuun te atei sile riou lö a Sunahan te mana nitöana, na lia e Iesu Kristo tu hala nema lö.

U Bulungana u Niga tere Iesu Kristo te kolotein e Jon 20:21

Be Iesu e ranga lelna i tamulam me poeiena, “A masalohana e tatei ka gono mera noulimiou. E Tamar e tula mena mei lia i puta na lia te tula has ragou limiou.”

U Bulungana u Niga tere Iesu Kristo te kolotein e Jon 20:27

Ba nonei e poeiena tere Tomas, “Hakeia a kabelemölö teka, balö te taram tara man limar, hasoa nema a limamölö bate tupa namen iogana i liklikir. Möa tu hahamana, alö go hamana.”

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

U pas te koloto menai e Pol turu kristenira i Rom 11:17

U Jiu e hereri u ruein olip u niga, na limiou u katuun tema Jiu mi e heremi u ruein olip u hie. E Sunahan e peko ban a palaina a kala turu ruei u niga, ba nonei e hasopena a man kala turu ruei u hie tara makum i taren. Na limiou u katuun tema Jiu mi e luemiou a manka man niga turu Jiura i manasa.

U pas te koloto menai e Pol turu kristenira i Rom 15:27

Nori e kato merien u ngil peisa i taren. Na e niga hasina te kato uaren teka. Taraha, u Jiu i halan a manka a man niga tere Sunahan turu katuun tema Jiu ri, ne niga hasina te taguhu has mera raien u Jiu a manka man niga i taren i puta.

U pas te koloto menai e Pol turu kristenira i Rom 15:8

Alia e hatei ragou limiou, e Kristo e butun katunun kuia turu Jiu, taraha nonei e ngilin harötein e Sunahan e kato hatagali u ranga hamana te hala naien turu tubur u Jiu bate butu hamanana, na e ngil hasi u katuun tema Jiu ri egi solosei meien a nihitaguhu i tanen. Ti koloto has menaien turu Buku u Göagono: “Alia e habulungana nagoua lö, o Sunahan, i gusur u katuun tema Jiu ri, bate köma hasasaale goulö.”

U pas te koloto menai e Pol turu kristenira i Rom 9:24

Na ra noa has u katuun te ngö ramen turu Jiu na turu katuun tema Jiu ri.

1 Korin 10:17

Ara e nou hoboto ria tara töa beret teka, na ka teka e haharuei nena ara u katuun u parpara e katoeiera a töa hun katuun.

1 Korin 9:23

Alia e kato sila nagia a manka hoboto teka tara solo turu Bulungana u Niga tere Iesu Kristo, tego lu menai lia romana a manka man niga te hatei nena u Bulungana u Niga.

2 Korin 1:7

Alam e hamanem, te sagoho has memilimiou a mar kamits te sagohe mulam, alimiou ena lu hase mou a niniganiga tena hala ranouilam e Sunahan.

2 Korin 9:13

Aa, nori e haniga uariou tere Sunahan, taraha alimiou e tangana ramen na palai has. A markato has teka te haröto nanou alimiou e kukute hanige miou u Bulungana tere Kristo te hamane milimiou ba nori te soloseie riou e Sunahan.

Epesis 3:6

Nonei u raranga momous teka e markato uana: alimiou u katuun tema Jiu mi e ka gono hoboto mera moulam bara te katoeiera a töa hun katuun. Alimiou has e lue miou a manka man niga tere Sunahan. Na u ranga hamana teka e kato sila naia e Sunahan tere Iesu Kristo. Na ka teka e butu sila ma turu Bulungana u Niga.

Epesis 4:1

Alia e Pol, alia e karabus silegu te kui menagi lia a toukui tara Tsunono. Na e Sunahan e hopö kap raiou limiou tego katuun uaiam limiou i tanen. Na lia e hatei ragou limiou ego marka uaiam temar ngil uana e Sunahan.

Epesis 4:4

E ka mena u töa u tuenrei na u töa u namnamei, na e Sunahan e ngö sil has railimiou tego hahaloso mena milimiou a töa ka a niga tena la nama i murimuri.

Pilipai 3:14

Alia e heregi a katuun te pipiatana turu resis tegona lu menaien ta hihol. Na hihol i tar, e Sunahan e ngö sila nanoua lia tere Iesu Kristo ba lia te la uagou i tanen iasa.

Kolosi 1:12

Ba limiou te haniga uamiou tere Sunahan e Tamarara te hamatskö raioura na te haka beraira a manka man niga tegi lui ra, u katuun i tanen te ka ria turu ualesala.

Kolosi 1:22

Kaba i romana nonei e nolo pouts sila rena limiou tara tou mate tere Iesu Kristo, ba limiou te matskö miou bate gogoso miou, bate moana ta ka ta omi tegi kout merai limiou.

Kolosi 3:12

E Sunahan e hopö kap sil railimiou tego katuun uaiam limiou i tanen na nonei e ngil koru ranou limiou. Tara markato tala teka ba limiou te hiakaka haniga miou bate niga mia tara palai. Alimiou go kato hateteneiam a peisa milimiou bate tuatami mia tara palai batema tatei raraha boroboro rami u katuun te kato homiria i tamiliou.

1 Tesalonaika 5:27

Na lam e hatei ramia limiou tara solona a Tsunono, alimiou go riteiam u pas teka ba man hahatoulana hoboto te tatei hengoe ren.

2 Tesalonaika 1:11

Ba lam te singo nitöa bera moulimiou. Alam e singo silem e Sunahan te hopö kap raiou limiou e tatei haniga ranou limiou, bate hala ranei limiou a nitagala tego kato memi limiou a ka a niga hoboto te ngilin katoe milimiou, na tego hakapa haniga mena milimiou a toukui te hamane milimiou be Sunahan te taguhu ranou limiou.

2 Tesalonaika 2:14

Tara pöata tu hatei raia lam alimiou u Bulungana u Niga, e Sunahan e ngö has raiou limiou, ba limiou te ka memiou a nikapan tere Iesu Kristo a Tsunono i tarara.

1 Timoti 6:12

Tagala sil e Sunahan ba lö te hamana haniga uam i tanen. Pile hakarapotein a nitöatöa te ka nitöana. E Sunahan e ngö sile ii lö a nitöatöa teka tara pöata tu ranga hanigaia lö i matar u katuun u parpara temar hamana uamia lö i tanen.

1 Timoti 6:2

A katunun kukui puku te ka na tara katuun pan te kamena u nihamana goma tatei omieien, noahasina te pala uanen tere Kristo. Nonei ega ngil korueien bate kui hatagala koru beienen, taraha, nonei e kui beiena a katununa turu nihamana. Alö go hihatuts hatagalein a manka teka.

2 Timoti 1:9

Nonei te lu pouts raiou ra na te ngö has raioura tegi katuun uu ra i tanen. Nonei ema kato mei a ka teka ti kato haniga uu ra. Emoa, kaba turu ngilngil peisa i tanen ba nonei e taatagi koru ranoura me ngö ranoura i mamuna pöata.

2 Timoti 2:7

Hakatsin a ka te ranga ne gulia, ba Tsunono te halesale nou u hakats i tamölö ba lö te atei sile mou a manka teka.

Hibru 10:19

Na matsi hahatoulana, ara e tatei tasu ria iahana Makum a Göagono Koru. Taraha, u rahatsing tere Iesu e hatagala ra noura bara tema tatei matouterei a Makum a Göagono.

Hibru 10:21

Na ra e ka tala mera a pris a tsunono pan te tara kap nena a luman lotu hamana tere Sunahan.

Hibru 10:23

Aragi pile hakarapotein a ka a niga te hamana sile rara bate hatei rari u katuun, taraha ara e atei silera e Sunahan e kato hamane nou romana u raranga u mana i tanen.

Hibru 13:22

A matsi hahatoulana, hengo hanigeiam u raranga te koloto negulia teka batema sökanami, taraha u pas teka u makmakum.

Hibru 2:11

E Iesu e kato ranei ra u katuun u matskö tere Sunahan, na ra e ka mera a töa puku a Tamarara. Nonei tena matsingolo benei e Iesu te ngö mera neien ra u toulanen na u hahinanen.

Hibru 2:17

Na e matsköna te butu here meraien u toulanen tara mamana markato bate töan luena a toukui tara tsunono pan turu pris te taatagi rena u katuun bate roron kui haniga beiena e Sunahan. Nonei e kato sile ii a ka teka tega luba menaien a man markato a man omi turu katuun bate tara pouts bera neien e Sunahan.

Hibru 3:12

A matsi hahatoulana, haneiam. Möa tu ka meiam u tori u omi te hahamanana bate laba namiou e Sunahan te töatöa nitöana.

Hibru 3:14

Tegi hamana hatagala nitöa uu ra tere Sunahan ti mar hamana mam uu ra, ara e ka uara tere Kristo.

Hibru 6:20

Na e Iesu e tasu hakapa has ba raiou ra iahana Luman Lotu Pan i Kolö. Nonei e mam raiou ra tara makum te ka hamatsköna e Sunahan. Na nonei a tsunono pan turu pris te markato has uu e Melkisedek a pris. E Sunahan e katoe ii e Iesu a Pris a kapan saluhe te markato has uu e Melkisedek a pris.

Hibru 7:26

Na e niga koruna te ka menareira a pris a kapan koru te göagono koruna na tema ka töa koru menei ta ka ta omi i tanen na e möa ta ka tega kato homieien na e ka halhal barena u katuun u omi. Na nonei e söata sei korue ria tara han tere tamanen i Kolö.

Hibru 7:28

A Lo tere Mosis e hopö kap rena u katuun tuun tegi tsunono pan uaien turu pris, kaba nori ema tagala nitöa sileri a markato a omi. Kaba u raranga u mana koru te lama i murina a pöata tara Lo, te hopö kapiin a Pien tson tere Sunahan te matskö nitöana tara toukuin pris teka te ka nitöa nou tara mamana pöata tema antunan kapa nei.

Hibru 9:11

Kaba e Kristo e butu hakapa, na nonei a pris a tsunono pan tara mamanaka a nigana i romana. Nonei e tasu hakapaia tara luman lotu panina i Kolö. U katuun tima kuieien na ema luman lotu uanei tara han i puta.

Hibru 9:15

E Kristo te habutu u rangan kits u tsimus tere Sunahan na u katuun, ba u katuun te ngöri e Sunahan te tatei lueier a manka a man niga te ranga hamanein e Sunahan bate ka nitöar. Taraha, e Kristo te mate, na tou mate i tanen te sakahis ba rai u katuun a man markato a man omi ti katoeien tara pöata turu rangan kits mam.

1 Pita 2:9

Kaba limiou a pal katuun te hopö kapir e Sunahan, u pris tara pala turu King. Alimiou a hun katuun a gogoso tere Sunahan ti hopö kap merai tego habulungana menami a man toukui a man niga i tanen, nonei te ngö halakasa ba ramei limiou u kuhil me la uamiou turu ualesala u niga i tanen.

1 Pita 3:5

A touhaliou u nigara i manasa ti hamana uu tere Sunahan i markato has uu teka, bate haka pute ria a peisaren tara pal tson i taren.

1 Pita 5:1

Alia e ka hamanasa megu u raranga i tamilimiou a pal kapan te tara kap ner u lotu. Na lia has a katuun pan turu lotu i tarara. Alia u tara hakapi temar kamits uu e Kristo, na lia e lu gono has megoen romana a nikapan tara pöata te butu namen romana. Alia e ranga hataatagi mera goulimiou, alimiou go taratara kap haniga raiam u katuun te hala railimiou e Sunahan. Nori e hereri u sipsip na limiou u katunun taratarakap i taren. Alimiou goma kato memi a toukui teka te hakui tuun mera nei limiou e Sunahan. E möa. Alimiou go ka meiam u ngilngil i peisa milimiou bate katoe men. Alimiou goma kato sile mien tego lu mena milimiou ta moni. E möa. Alimiou go kame iam u ngil u tagala tara toukui teka.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.

1 Jon 1:3

Alam e hatei nem a ka tu tari lam na ka tu hengoe nilam bara te hiakaka haniga hobotora, bate ka gono mera e Tamarara na e Iesu Kristo a Pien Tson i tanen.

U pas te kolotein e Jut 1:1

Alia e Jut, a katunun kui tere Iesu Kristo, e toular e Jemis. Alia e koloto menagi u pas teka i tamilimiou, u katuun te ngöri e Sunahan. E Sunahan e Tamarara e ngil koru ranou limiou, na e Iesu Kristo te taratara kap ranou limiou.

Revelesin 17:14

Nori e hiatatung gono meriou a Tunan Sipsip, kaba nonei e tusaluhe ranouen. Taraha? Nonei a Tsunono te tusaluhena turu tsunono hoboto na nonei a katuun a kapan tara pal kapan hoboto, na pala i tanen nori u katuun te ngöri e Sunahan me hopö kap ranen ba nori e kukutie ren.”

Revelesin 18:20

Kaba alimiou u katunura i Kolö, alimiou go sasaala meiam te taia uanen. Alimiou u katuun tere Sunahan na u aposol na u propet ego sasaala iam. Taraha? E Sunahan e hahuner u katuun tara taun teka tara manka man omi ti kateien i tamilimiou!”