Hibru 2:16 - U Bulunagana U Niga

¹⁶ Ara e atei silera nonei ema la sile mei tegomi taguhu merai u angelo. E möa. Nonei e la silema tegomi taguhu merai a pala tere Abraham.

Hibru 2:16 Iomraidhean Croise

U pas te koloto menai e Pol turu kristenira i Rom 2:25

Te kukute mia limiou u Jiu a Lo tere Sunahan, bara, ga e niga talana tu hapö mena milimiou a hatöatongo tere Sunahan i pikpikö milimiou. Kaba te pekoe mia limiou a Lo, bara, ga limiou u mastein hapö tala naiam a hatöatongo tere Sunahan.

Galesia 3:16

Na e kato has uana iesana, e Sunahan e hale ii e Abraham na u hatutubunei i tanen u ranga hamana. U raranga teka ema ranga nanei a katuun a parpara. E möa. E ranga nena a töa puku a katuun, nonei e Kristo.

Galesia 3:29

Na limiou te pala uamiou tere Kristo e here hasemi a galapien hamana tere Abraham, na ka te ranga hamanein e Sunahan tega hala naien tere Abraham e la has uana i tamilimiou.

Hibru 12:10

U tamarara i puta i hahuna merai ra a tsitabubun pöata temar niga uaien turu hakhakats i taren. Kaba e Sunahan e hahuna sil ranei ra ega taguhu raiou ra bara temar niga has uara, te markato has uanen.

Hibru 2:15

U katuun hoboto i solon matouti a tou mate bate ka here rari u karabus tara nimatout teka. Be Iesu e mate silena tego luba meraien a nimatout.

Hibru 2:17

Na e matsköna te butu here meraien u toulanen tara mamana markato bate töan luena a toukui tara tsunono pan turu pris te taatagi rena u katuun bate roron kui haniga beiena e Sunahan. Nonei e kato sile ii a ka teka tega luba menaien a man markato a man omi turu katuun bate tara pouts bera neien e Sunahan.

Hibru 6:16

Tara pöata te hamana uana a katuun iasa, nonei e poeiena a solo te pan bala nena a solo i tanen. Na u rangan hamana teka e hapiou nena u raranga turu katuun te ranga sile ren.

1 Pita 1:20

E Sunahan e hopö kap naien i mam noa te habuteien a han i puta, kaba nonei e hagou haröto naien tara kapakapana pöata tega taguhu meraien limiou.