Hibru 2:14 - U Bulunagana U Niga

¹⁴ A galapien teka te ranga nanen nori u katuun tuun, na e Iesu e butun katuun here has rameien. Nonei e kato sile ii a ka teka tego tatei mate uaien bate töan kato homiena e Satan, nonei a katuun te kamena a nitagala tega kato hamate meraien u katuun.

Hibru 2:14 Iomraidhean Croise

Matiu 16:17

Be Iesu e poeiena i tanen, “O Saimon a pien tson tere Jona, e Sunahan e kalale noulö! Taraha a niatei teka ema hatei nelalei ta katuun tuun. Kaba e Tamar te kana i Kolö te hale nameien lö.

Matiu 25:41

“Ba lia te ranga meragou u katuun tara pal keruka i tar, ‘U katuun te hamalir e Sunahan, laba nemou lia ba limiou te la uamiou turu tula te ka nitöana, ti kato hahaloso bei e Satan na u angelo i tanen.

U Bulungana u Niga tere Iesu Kristo te kolotein e Jon 1:14

U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.

U Bulungana u Niga tere Iesu Kristo te kolotein e Jon 12:24

Alia e hatei hamana koru ragou limiou. Tema lebe ria a ngalin kannou, nonei e marka tuun las uanou teka. Kaba tena lebe roien ba nonei tena hua haparpara nou romana.

U pas te koloto menai e Pol turu kristenira i Rom 14:9

Taraha, e Kristo e mate me töatöa pouts silena tego Tsunono uen turu katuun te töatöar na turu katuun ti mate.

U pas te koloto menai e Pol turu kristenira i Rom 8:3

E Sunahan e kato a töa ka a niga koru, na Lo tere Mosis ema antunan katoe ii a ka a niga teka, taraha u ngilngilina i puta ema antunan kukute ii a Lo teka. Be Sunahan e hala nenama a Pien Tson i tanen peisa memi lueiena u tuenrei te markato uu turu tuenrei i tarara me mate silena a markato a omi. Ne Sunahan e luban a nitagala tara markato a omi te kana turu tuenrei i tarara.

1 Korin 1:28

E Sunahan e hopö kapir u katuun te sigala raier na te omi raier na te ngörari u katuun papala. Taraha, nonei e ngilin haka puta raiena a manka te haka seier u katunura i puta.

1 Korin 15:50

Alia emar ranga uagu teka a matsi hatoulana: u tuenreina turu tsiktsiki ema tatei la uanei tara Nipepeito tere Sunahan na u tuenrei te tia nou ema tatei la uanei tara han turu tuenrei te ma tatei tia nei.

Galesia 4:4

Kaba tara pöata hamatskö te hopö kapiin e Sunahan, ba nonei e hala nenama a Pien Tson i tanen. A tahol te poseien, ba nonei e kana i kopina a Lo turu Jiu.

Kolosi 2:15

E Sunahan e luban a nitagala turu liliahanei u omi ra i kolö. Nonei e hamatsingolo raien i matar u katuun tara nitagala tere Kristo te tagala saluhena.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

2 Timoti 1:10

Kaba a ka teka i halakasa sila nama te butuma e Iesu Kristo te lu pouts meraien ra. Nonei e poki a nitagala tara tou mate me hala raneira a nitöatöa. Turu Bulungana u Niga teka te hala sila namen u ualesalana tara nitöatöa te ka nitöana.

Hibru 10:10

E Iesu Kristo e halan a peisanen a töa koru a pöata tara mamana pöata. Nonei e kato raira u katuun u matskö tere Sunahan, taraha nonei e katoi a ka te ngili e Sunahan.

Hibru 10:5

Pöata te katsin lama e Kristo tara han i puta, ba nonei e poeiena tere Sunahan, Alö ema ngil lenemi tegi haats uaien i tamölö. E möa. Alö i hale ii lia u tuenrei, ba lia te tatei katoe gou a mamanaka hoboto tu hopö kap bei lö alia ego katoeien.

Hibru 2:17

Na e matsköna te butu here meraien u toulanen tara mamana markato bate töan luena a toukui tara tsunono pan turu pris te taatagi rena u katuun bate roron kui haniga beiena e Sunahan. Nonei e kato sile ii a ka teka tega luba menaien a man markato a man omi turu katuun bate tara pouts bera neien e Sunahan.

Hibru 2:18

E Iesu e antunan taguhu rena u katuun te torohana raier, taraha nonei e ka has mei a man torohana i oulnen peisa me söata meneien u kamits.

Hibru 4:15

Kaba ra egima tatei hakats ii bate poeiera a pris a tsunono pan i tarara ema antunan taatagi ranei ra tara pöata tema tagala ria ra. E möa. Kaba man torohana te ron butuna i tarara, e butu hasia i tanen tego torohana menaien. Kaba nonei ema kato homi ii.

Hibru 9:15

E Kristo te habutu u rangan kits u tsimus tere Sunahan na u katuun, ba u katuun te ngöri e Sunahan te tatei lueier a manka a man niga te ranga hamanein e Sunahan bate ka nitöar. Taraha, e Kristo te mate, na tou mate i tanen te sakahis ba rai u katuun a man markato a man omi ti katoeien tara pöata turu rangan kits mam.

1 Pita 1:20

E Sunahan e hopö kap naien i mam noa te habuteien a han i puta, kaba nonei e hagou haröto naien tara kapakapana pöata tega taguhu meraien limiou.

Revelesin 1:18

Na lia te töatöagu. Alia u mate, kaba lö go tara! Alia u töatöa poutsuma na lia e töatöa nitöa gou tara mamana pöata. Na lia te pan saluhe ba negu a tou mate na te tsunono negu a han turu mate.

Revelesin 12:9

Ba kökötsi na u angelo hoboto i tanen e lapo ba merarumei i puta. Nonei noa has a kökötsi na i manasa e Satan, a liliahanei a omi te gamogamo rena u katunura i puta.

Revelesin 2:10

Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.

Revelesin 20:2

Ba nonei e pile kap nena nonei a kökötsi pan, a liliahanei a omina i manasa, nonei e Satan, me kitse nen e antunan töana turu 1,000 u hiningal.