Hibru 13:3 - U Bulunagana U Niga

³ Ma solopala rami u katuun te ka ria tara karabus. Hakats here rami alimiou e ka gono mera men tara karabus. Hakats sil has raiam u katuun te kato hakamits raier, kato here has rami u katuun e kato hakamits has rariou limiou.

Hibru 13:3 Iomraidhean Croise

Matiu 25:36

Alia u möa tu hasobö ba limiou e hale mi lia u hasobö. Na lia u kamei a siki ba limiou e taguhe moulia. Alia u kaia tara karabus ba limiou emi tare moulia.’

Matiu 25:43

Na lia a katununa tara tana han, kaba limiou ema lu mena milia i luma i tamilimiou. Alia u möa tu hasobö ba limiou ema hale milia tu hasobö. Alia u siki ba limiou ema taguhe milia, na ti kaia lia tara karabus, alimiou ima tare milia.’

Aposol 24:23

Nonei e rurari u hagum me ranga menei a kapten turu soldia ega hakeia e Pol tara karabus, kaba nonei e goma hakarabus hatagala korueien. Na nonei e hanigeir a man hahikapien tere Pol tegi taguhu menaien tara matsi ka te ngileien.

Aposol 27:3

Bu hamahö ba lam ena tuku mia tara taun i Saidon be Julius e kato haniga koruena e Pol na e haniga hasein tegana tara menaien a matsi hahikapien i tanen ba nori te hale rien a matsi ka te ngileien.

U pas te koloto menai e Pol turu kristenira i Rom 12:15

Sasaala gono me raiam a pala te sasaalar, bate tabe gono has meramiou a pala te taber.

1 Korin 12:26

Te kamits na a töa makum turu tuenrei, a man makum turu tuenrei hoboto e kamits gono has meren. Na te hapane ria a töa makum, a makum hoboto turu tuenrei e sasaala gono has meren.

Epesis 4:1

Alia e Pol, alia e karabus silegu te kui menagi lia a toukui tara Tsunono. Na e Sunahan e hopö kap raiou limiou tego katuun uaiam limiou i tanen. Na lia e hatei ragou limiou ego marka uaiam temar ngil uana e Sunahan.

Kolosi 4:18

Alia e Pol te kolotegi a tsi rangan haniga teka a limar hamatskö. Ma solopalemi lia, alia e ka noa has gia tara karabus. A nihitaguhu tere Sunahan e tatei ka gono mera noulimiou. Nonei talasi. Alia e Pol

Hibru 10:34

Alimiou u taatagi sil raiam u katuun ti haka raia tara karabus. Na pöata ti lueia u katuun a manka i tamilimiou, alimiou u sasaala noahas iam, taraha alimiou i atei sileiam e ka mena a manka man niga koru e kana.

Hibru 11:37

A palai i ti hamate tuun rai a hatu, na palai i so kots tunir, na palai i ngats hamate rai u lahoton hiatatung. Na palai i hapous tuun rai a pikpiköna a sipsip na meme. Nori i möa koru ta ka, na u katuun i kato hohomi koru raien.

1 Pita 3:8

U raranga teka e la uana i tamilimiou hoboto. Alimiou go ka meiam u töa puku u hakats bate hiataatagi miou. Alimiou go hiangilngil iam te hamana hoboto uamilimiou tere Kristo bate heremi a man munmun toulana. Ba limiou te tami mia tara tabi bate haka putemiou a peisa milimiou.