Hibru 12:2 - U Bulunagana U Niga

² Aragi tara las uu tere Iesu. Nonei a mouna u nihamana i tarara na nonei te kato hamanena a manka te hamana sile rara. Nori i nila naien tara kuruse, na nonei ema rama ii. Nonei ema matsingolo rai u katuun tega mate here menaien a katuun a kopkop, taraha nonei e atei sil nonei ena sasaala koru nou. Na i romana nonei e gumna tara pal matou tere Sunahan noahas.

Hibru 12:2 Iomraidhean Croise

Matiu 16:21

Tara pöata teka e Iesu e tanian hatei ri u katunun tsitsilo i tanen tega mate uen ba nonei e poeiena, “Alia e la uagou i Jerusalem balia tena sagoho kamits goa i limar u tsunono, na u pris pan, na u tson hihatuts tara Lo. Ba nori tena atung hamate riou lia, ba lia te takei pouts gou turu hatopisana u lan.”

U Bulungana u Niga tere Iesu Kristo te kolotein e Mak 14:36

Ba nonei e poeiena, “O Tamar, alö e antunam tara mamanaka hoboto, luba nei lia a kamits teka. Kaba lö goma kato ua ii turu ngil i tar. Alö go markato uu turu ngil i tamölö.”

U Bulungana u Niga tere Iesu Kristo te kolotein e Mak 16:19

A Tsunono e Iesu e ranga hakapa meraien be Sunahan e lu pouts mena neien i Kolö, tena gum ien tara pal matou tere Sunahan.

U Bulungana u Niga tere Iesu Kristo te kolotein e Mak 9:12

Ba nonei e ranga palis ranen me poeiena, “E Ilaitsa ena mam hamana pouts romana nama batemi hamatsköeiena a mamanaka. Kaba i kolotein, Alia tu butun Katunuma e sagohe gou a kamits pan batema ngileri.

U Bulungana u Niga tere Iesu Kristo te kolotein e Mak 9:24

Ba tamana pien e ku hapanina me poeiena, “Alia e hamanagu. Alö ego taguhema a tsi nihamana a tsi tetenei i tar.”

U Bulungana u Niga tere Iesu Kristo te kolotein e Luk 17:5

Bu Aposol e poeier tara Tsunono, “Alö go kato hapane iema u nihamana i tamulam.”

U Bulungana u Niga tere Iesu Kristo te kolotein e Luk 23:11

Be Herot na u soldia i tanen e hahakos ner e Iesu me maman ranga naren. Ba nori e hasei rien u hasobön king me hala pouts mena rien tere Pailat.

U Bulungana u Niga tere Iesu Kristo te kolotein e Luk 24:26

E matskö noa hasina tega sagoho menai e Mesaia a kamits teka bate töan luena a nitsunono i tanen.”

U Bulungana u Niga tere Iesu Kristo te kolotein e Jon 1:29

Turu tana u lan be Jon e tarena e Iesu e la uama i tanen, be Jon e poeiena turu katuun, “Taraiam, nonei teka a Tunan Sipsip tere Sunahan. Nonei tena luba nanou a man markato a man omi turu katuun i puta.

U Bulungana u Niga tere Iesu Kristo te kolotein e Jon 12:24

Alia e hatei hamana koru ragou limiou. Tema lebe ria a ngalin kannou, nonei e marka tuun las uanou teka. Kaba tena lebe roien ba nonei tena hua haparpara nou romana.

U Bulungana u Niga tere Iesu Kristo te kolotein e Jon 12:32

A pöata te haka seie rouen lia tara kuruse, alia e las meragumei romana u katuun hoboto i tar.”

U Bulungana u Niga tere Iesu Kristo te kolotein e Jon 13:3

Na e Iesu e atei sil e Tamanen e kato hapaneien tara mamanaka hoboto, na nonei e atei sil hasi nonei e lama tere Sunahan na nonei ega la pouts has uu tere Sunahan.

U Bulungana u Niga tere Iesu Kristo te kolotein e Jon 6:40

Nonei koru a ka te ngilena e Tamar, u katuun hoboto te tare riou lia na te hamana uar i tar, nori egina lueiou a nitöatöa te ka nitöana. Na lia e hatakei pouts ragoen romana tara tou mate tara kapakapana pöata.”

U Bulungana u Niga tere Iesu Kristo te kolotein e Jon 8:56

E tubumilimiou e Abraham e hamana sil korui tego la uama lia tara han i puta. E here nei nonei e tara hakapi a ka teka, ba nonei te sasaala koru menen.”

Aposol 2:36

“Bora, hatei raiam a tei Israel: E Sunahan e katoeien a Tsunono na Mesaia, nonei e Iesu a katuun ti hahalosi ra ti nila namia limiou tara kuruse.”

Aposol 3:15

Alimiou u atung hamateiam a Mouna a Nitöatöa. Kaba e Sunahan e hatakei poutseien tara tou mate i tanen, na lam u tari a ka teka bate hahatei namen.

Aposol 5:31

Be Sunahan e lu sei mena neien iasa tara pal matou i tanen, nonei a Tson Mammam na Tson Hihitaguhu. Nonei i lu sei sileien tegi palis menai u katunura i Israel u hakats na markato a omi i taren, ne lu sei sil haseien tego luba menaien a markato a omi i taren bate tara pouts uana i taren.

Aposol 5:41

Bu aposol e laba ner u Kout, me sasaala koru siler te haniga meraien e Sunahan tegi kamits sil menaien a solona e Iesu.

1 Korin 1:18

Pöata te rarare ria ra te mate uu e Kristo tara kuruse, ba u katuun te ka ria tara maroro te la hatutuna te poeier u raranga i tarara e tutuna. Kaba u katuun te lu pouts raiena e Sunahan e atei siler nonei u töa puku noa lasi u raranga teka te ka mena a nitagala tere Sunahan.

1 Korin 1:23

Kaba lam e hihatuts nem te mate uu e Kristo tara kuruse. U Jiu ema hanigeri u hihatuts teka, na u katuun tema Jiu ri e poeier, e tutuna.

Epesis 2:16

E Kristo e mate sileia tara kuruse tego luba menaien u hiapakpakö te kaia i tarara i manasa, bara te pala uara tere Sunahan bate ka here rei a töa a hun katuun.

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

Pilipai 1:6

Alia e atei silegu e Sunahan e hatania hakapi a toukui a niga teka i tamilimiou, e antunana te kapa nitöa nen romana tara pöata te butu nama romana u Lan u Kapan tere Iesu Kristo.

Pilipai 3:20

Kaba a han i tarara e kana i Kolö, na ra e hahalosera a Tsunono i tarara e Iesu Kristo tega koul men i Kolö batemi lu pouts ranoura.

2 Timoti 4:8

A pöata e tuku hakapa hamanasa tega hala menai e Sunahan a hihol tu kato hasasaala menaien lia. A tson onuna hamatskö koru, nonei a Tsunono e Sunahan, tena hale noien lia nonei turu Lan u Kapan. Nonei ena hale noien lia na u katuun hoboto te ngile ren bate hahaloser tena la pouts uanamen romana.

Hibru 1:13

E Sunahan ena mala mar ranga uai teka ta töa ta angelo bate poeiena, “Alö go gum ia teka tara pal matou i tar balia te hale goilö u katuun te paköe riou lö balö tena pitaputa ramouen.” Kaba nonei e mar ranga uu teka tara Pien Tson i tanen.

Hibru 1:3

A Pien Tson i tanen nonei u namnamei turu ualesala tere Sunahan. Nonei e here korue nei e Sunahan, na mamanaka hoboto e ka haniga silana turu raranga u tagala i tanen. I murina te galus ba naien a man markato a man omi turu katuun, ba nonei ena gumna tara pal matou tere Sunahan iasa koru i Kolö.

Hibru 10:14

Turu töa puku u haats, nonei e kato haniga nitöar u katuun te kato raien u katuun u matskö tere Sunahan tara markato i taren i puta.

Hibru 10:33

Palaina pöata u katuun i ranga hohomi raiou limiou bate kato homi raria limiou i matar u katuun, na palaina pöata nori i markato has uu teka tara man hahikapien i tamilimiou.

Hibru 11:36

Ba palair u katuun i golgol silir me lahus raier, ba palai e kits rari a tsien me haka raria tara karabus.

Hibru 12:3

Alimiou go hakats haniga naiam e Iesu. Nonei e tagala sil korui e Sunahan, e noahasina ti kato hohomi koru menaien u katuun u omi, ba limiou tema tatei sökana moi bate tor tsuga miou.

Hibru 13:13

Aragi laban a han te ka rara bate la uara tere Iesu ielesala, bara tena söata haseiera a nimatsingolo timar hamatsingolo has menai u katuun e Iesu.

Hibru 5:9

Be Sunahan e katoe neien a pris te niga saluhe koru. Ba nonei te taguhu rena u katuun hoboto ti hengoeien bate hala raneien a nitöatöa te ka nitöana.

Hibru 7:19

A Lo tere Mosis ema kato hanige ii ta töa ta ka na ta katuun. Kaba a maroro a niga bala koru e butu hakapa, na ra e tatei la uara tere Sunahan te sila uara ra tara maroro teka.

Hibru 8:1

A ka koru a kapan te ranga nemulam e markato uana teka: e Kristo nonei a pris a tsunono pan i tarara. Nonei e gumna tara pal matou tere Tamanen i Kolö.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

Jemis 2:1

A matsi hahatoulana, alimiou goma poeiemi a tson moni e nigana na katuun papala e omina. E möa. U mar hakats teka ema niga nei turu katuun te hamana uaier tere Iesu Kristo a Tsunono Pan i tarara.

1 Pita 1:11

U Namnamei tere Kristo te kaia i toriren e hatei raien tega sagoho menai e Kristo a kamits, ba i murinen banonei te lu hasena a nikapan. Na nori i hiarangrangata hasiin a ka teka ega butuia teresi na tara saha pöata, kaba nori ima atei haniga ii.

1 Pita 3:18

Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

1 Pita 3:22

Na e Kristo e la hakapa uu i Kolö mena kana tara pal matou tere Sunahan. Nonei e tsunono rena u angelo na pal kapan na mamanaka hoboto te kamena a nitagala i Kolö.

U pas te kolotein e Jut 1:21

Alimiou go mar kaka haniga uaiam te haniga uana e Sunahan, ba nonei te haröto noahas ranoui limiou u ngilngil i tanen. Ba limiou te hamana sil hase miou a pöata te taatagi koru ranouara e Iesu Kristo a Tsunono i tarara bate hala ranoira a nitöatöa te ka nitöana.

Revelesin 1:11

Ba nonei e poeiena, “A manka te röte mou lö alö go koloto naien turu pepa, ba lö te hala mena mien tara tohit a hun katuun tere Kristo te ka ria i Epesis na i Smeena na i Pegamum na i Taiataira na i Saadis na i Piladelpia na i Laodisia.”

Revelesin 1:17

Pöata tu tareien lia, ba lia e tuhopö nena i mounen me heregi a katuun a mate. Kaba nonei e hatakopeia a pal matou i tanen i tar me poeiena, “Möa tu matout. Alia a Hahatania na Nikapakapa.

Revelesin 1:8

E Sunahan a Tsunono e poeiena, “Alia a Hahatania na Nikapakapa. Na lia u ka mam noahas, na lia e kagu, na lia ena ka noahas gou i murimuri. Nonei Alia te solon tagala saluhe negu a mamanaka.”

Revelesin 2:8

Ba nonei a katuun e ranga lenina me poeiena, “Alö go koloto menai u raranga teka tara angelo tara hun katuun tere Kristo te ka ria i Smeena: “U raranga teka u raranga tara katuun te ngöeri a Hahatania na ni Kapakapa, te mate me töatöa poutsuna.