Hibru 11:7 - U Bulunagana U Niga

⁷ Te hamana menai e Noa e Sunahan te ranga menaien a pöata a omi tega lama tema tara noei e Noa, e Noa e hengöe e Sunahan me kuiena a tolaala, te niga sila gono meraien a galapien i tanen. Ba nonei e haröto nena te hahuna merai e Sunahan u katuun i puta ti hahamana uaien, be Sunahan e ngöe neien a katuun a matskö te hamana uaien.

Hibru 11:7 Iomraidhean Croise

Matiu 2:12

Nori i hakopis pouts uala i han i taren me sila lila tara tana maroro. Taraha, turu sinasoho i taren e Sunahan e ranga meraien, nori gima tatei la pouts uai tere Herot.

Matiu 24:15

Be Iesu e poeiena, “Alimiou e tare miou romana a ka a omi koru te rangein e Daniel a propetina i manasa, te tuol ien tara makum a göagono.” (A katuun te ritena u raranga teka ega atei.)

Matiu 24:25

Hengoiam! Alia e hatei mammam ragilimiou a ka teka i mamina a pöata tena butu nen romana.

Matiu 24:38

Tara man lan i mamina u uolo pan, u katuun i nou na i ua, na pal tson na touhaliou i hitöl e antunan töaia turu lan te tasuia e Noa tara tolaala.

Matiu 3:7

Be Jon e tara rena u Parasi na u Sadiusi u parpara koru i la silema tegimi habaptais uen, ba nonei e poeiena i taren, “Alimiou u katunura tara kökötsi a omi, alimiou u katuun u gamogamo! Alimiou ema antunan bus ba namoi a raharaha tere Sunahan te butu nou!

U Bulungana u Niga tere Iesu Kristo te kolotein e Luk 17:26

A pöata te la pouts guma lia romana e markato has uana romana te kato uu a pöata tere Noa i manasa.

U pas te koloto menai e Pol turu kristenira i Rom 1:17

Taraha, u Bulungana u Niga e haröto nena te markato hamatskö mera nei e Sunahan u katuun i matanen tara pöata te hamana uaren i tanen, ba nonei te kato hamatskö ranen. Ba ka teka te taguhu ranen ba nori te hamana haniga koru lel ria i tanen. Ti mar koloto has menaien turu Buku u Göagono, “A katuun te matsköna i matana e Sunahan bate hamanana, a katuun teka te töatöa nitöa nou.”

U pas te koloto menai e Pol turu kristenira i Rom 10:6

Kaba a markato a matskö te la nama tara nihamana e poeiena, “Alimiou goma poeiemi i torimilimiou, ‘Esi te la nou i Kolö, tsi esi te la nou tara han i puta iogana nitöa?’” U raranga teka ti kolotein i manasa e mar mouna uana teka: ara gima lu pouts mena mei e Kristo i Kolö, tsi ara gima lu pouts has mena meien tara han turu mate. E möa!

U pas te koloto menai e Pol turu kristenira i Rom 4:11

E Abraham e hapö hamurimurin a hatöatongo tere Sunahan, bate hatei tala nena e Sunahan e ngöeien a katuun a matskö te hamana uaien, ba nonei e töan hapö nena a hatöatongo tere Sunahan. E Sunahan e kato sile ii a ka teka tegi ngö menai e Abraham e tubur u katuun hoboto te hamaner e Sunahan be Sunahan te ngö raneien u katuun u matskö i matanen, noahasina tema ka merien a hatöatongo tere Sunahan.

U pas te koloto menai e Pol turu kristenira i Rom 4:13

E Sunahan e halan u raranga hamana i tanen tere Abraham na tara pala i tanen tegi tatei lu menaien a man han hoboto i puta teka. U raranga hamana teka ema butu sila meia tara Lo tere Mosis. E möa. E la silama tara markato turu nihamana te kato hamatskö rana u katuun i matana e Sunahan.

U pas te koloto menai e Pol turu kristenira i Rom 9:30

Bora ime tegi mar ranga uu ra? U katuun tima Jiu ii na tima torohanan kato hamatskö ia i matana e Sunahan, kaba turu nihamana i taren be Sunahan e ngö raneien u katuun u matskö i tanen.

Galesia 5:5

Kaba tara nitagala turu Namnamei u Göagono bara te hamana ra tere Sunahan. Bara te hahalosera tego ngö meraien ra u katuun u matskö.

Pilipai 3:9

Alia e ngilegu a peisar ega ka nitöa uu tere Kristo tara mamana nikaka tar i puta. Alia ema tatei pei lenegi alia a katuun a matskö te kukute mena gilia a Lo turu Jiu. E möa. Alia e tatei poeiegu e Sunahan te kato hamatsköe ialia i matanen, taraha alia e hamana uagu tere Kristo.

Hibru 11:1

A markato turu nihamana e markato uana teka: ara e atei silera a manka te hamana sile rara e butu hamana nou. Na ra e atei silera a manka tema tare rei ra e mana noahasina.

Hibru 12:25

Na limiou go haneiam. Alimiou goma raman hengo nami e Sunahan te ranga uanen i tamilimiou. U katuun tima ngilin hengo ii tara pöata te ranga ien i puta, nori ima antunan bus hamous banari a nihahuna i tanen. Na ra ema antunan bus hamous ba narien romana tega ranga uamen i tarara te kanen i Kolö.

Hibru 5:7

Tara pöata te kaia e Iesu i puta, nonei e singo hatagala koru u tere Sunahan bate ngala hapan koru mena te singo sil menaneien ta hitaguhu, taraha e Sunahan e antunan hatongo kap nanen tara tou mate. Na e Sunahan e hengo haseien, taraha nonei e hengo koru hasi e Sunahan.

Hibru 8:5

Kaba a toukui i taren e haharuei tuun nena a luman lotu hamana i Kolö. Taraha, pöata te katsin hatakeia e Mosis a luman lotu labalaba, be Sunahan e ranga menen, “Alö go tara kap hanigein tego kui hapopo naia lö a mamanaka tara markato tu haröte ii lia lö turu pokus i Sinai.”

1 Pita 3:20

A man namnamei teka nori u katuun u hihipus ti kaia tara pöata tere Noa i manasa. Nonei tara pöata e Sunahan e solon hahaloso me tuatami koruna tara pöata te kuie ia e Noa a tolaala. Kaba a töal puku a katuun ti töatöa turu uolo pan, a palai i mate.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

2 Pita 2:5

Na e Sunahan ema taatagi has rai u katuun u omi i manasa koru, ba nonei e habutena uolo pan me kato hamate rena u katuun ti kato homi. Nonei e haka haniga lasi e Noa, a katuun te roron habulunganen a markato a matskö, na tana tohit puku a katuun.