Hibru 11:4 - U Bulunagana U Niga

⁴ Turu nihamana tere Ebol, be Sunahan e hanigeiena u haats i tanen batema hanigenei u haats tere Kein. E Sunahan e haniga korui e Ebol me ngöe neien a katuun a matskö, na turu nihamana i tanen be Sunahan e luena manka te hala naien. E Ebol e mate, kaba turu nihamana i tanen nonei e ranga noahasina.

Hibru 11:4 Iomraidhean Croise

Matiu 23:35

Ba limiou te alate miou romana u katuun u matskö ti atung hamatir i manasa, e taniaia tere Ebol bate lana tere Sakaria a pien tere Berekaia ti atung hamateia u tubumilimiou i gusuna Luman Lotu Pan na makumun haats.

Taitus 1:16

Nori e pei laser nori e atei siler e Sunahan, kaba a markato i taren te haröto nena nori ema atei sileri e Sunahan. Nori e hipus korur, na nori ema antunan kato has nari ta ka ta niga. Na u katuun ema ngil koru has rarien.

Hibru 11:2

U katunur i manasa i hamanaia tere Sunahan, na nonei a ka te haniga sila raien e Sunahan.

Hibru 12:1

Aragi hakats silir u katuun u parpara te ka hahis rarioura ti harötein u nihamana. Na ragi luban a mamanaka hoboto te kato halolomoto ranoura, tegi piata ura turu resis te hopö kap beraira e Sunahan. Aragi luban a man markato a man omi te pile kap ranoura, bara te kukute hatagalera a maroro te haröto raira e Sunahan.

Hibru 12:24

Alimiou u la uamuma tere Iesu, nonei te kits gono meraira na e Sunahan u rangan haniga u tsimus. Alimiou u la uamuma turu rahatsing i tanen te tatsihasa sil raioura me hala nena a nihitaguhu, te niga bala nena a ka te rangein u rahatsing tere Ebol.

Hibru 5:1

U Jiu e markato uaier teka: nori e hopö kap ner a tsunono pan turu pris i taren bate hale rien a toukui tego kui be menaien e Sunahan bate taguhu ranen. A tsunono pan turu pris e hala mena nei a man kaan halhala puku na mamana mar kaan haats tere Sunahan tego luba menaien a man markato a man omi turu katuun.

Hibru 9:22

Tara markato tara Lo, a mamanaka a parpara e kato hagogoseri u rahatsing. Na e Sunahan e luba las menei a man markato a man omi u rahatsing tara ka te ngats hamateier.

U pas te kolotein e Jut 1:11

Nori e lue riou romana a nihahuna pan. Taraha, nori e markato homi uaier te kato uu e Kein i manasa. Nori e kato homir na e kui hatagala siler a moni, te kato has uu e Balam. Nori e hipus naier e Sunahan, te markato has uu e Kora. Ba nori te mate has riou romana.