Hibru 11:36 - U Bulunagana U Niga

³⁶ Ba palair u katuun i golgol silir me lahus raier, ba palai e kits rari a tsien me haka raria tara karabus.

Hibru 11:36 Iomraidhean Croise

Matiu 20:19

Ba nori te hala lel naroa lia turu katuun tema Jiu ri, ba nori tena hahakos ria i tar bate lahuse riou lia, bate nila naria lia tara kuruse. Ba turu hatopisana u lan balia te takei pouts gia romana tara tou mate.”

Matiu 21:35

Ba u katunun taratarakap tara kui e lu rer u katunun kui i tanen, me lahuser a töa, me atung hamateier a tai, ba nori e titieri a tai a hatu.

Matiu 23:34

Tara markato teka alia e hala ragou limiou u propet na u katuun u atei na u tson ateira tara lo. Ba limiou tena atung hamate ramiou a palai bate tapala ramien tara kuruse bate kato hamate ramen, ba limiou te lahus ramia a palai turu luman lotu i tamilimiou bate kute meramien tara mamana man taun.

Matiu 27:26

Be Pailat e purese bera neien e Barabas tara karabus. Ba nonei e halahus nena e Iesu me hala mena neien i taren tegina nila menaien tara kuruse.

U Bulungana u Niga tere Iesu Kristo te kolotein e Mak 10:34

Nori ena hahakos nariou lia romana bate kahuse riou lia bate lahuse riou lia bate atung hamatie riou lia. Ba i murina u topisa u lan ba lia te takei pouts gou.”

U Bulungana u Niga tere Iesu Kristo te kolotein e Luk 18:32

Taraha? Alia ena hala naroua turu katuun tema Jiu ri, ba nori te hahakos ria romana i tar bate kato hohomie riou lia bate kahus has nariou lia.

U Bulungana u Niga tere Iesu Kristo te kolotein e Luk 23:11

Be Herot na u soldia i tanen e hahakos ner e Iesu me maman ranga naren. Ba nori e hasei rien u hasobön king me hala pouts mena rien tere Pailat.

U Bulungana u Niga tere Iesu Kristo te kolotein e Luk 23:36

Na u soldia has i hahakos naien. Ba nori e la hasusuku uaruma i tanen me torohanan haue rien u uain u melil me poeier, “Tego King uu lö turu Jiu, bara, taguhu talei a peisamölö!”

Aposol 21:33

Ba tsunono turu soldia e lana tere Pol me pile kap nanen ba nonei e ranga merena u soldia i tanen tegi kits menien a huol a tsien. Ba nonei e rangatana, “Esi nonei teka, na ha te katoe lalen?”

Aposol 24:27

U huol u hiningal e la hakapa, be Posius Pestus e palisena e Piliks tara toukui i tanen. E Piliks e ngilir u Jiu egi haniga uu i tanen ba nonei ema hapurese ba nanei e Pol tara karabus.

Aposol 4:3

Ba nori e pile kap raier ere Pita mere Jon me karabus raren tegi kout meraien turu tanu lan, taraha a ka e lahi hakapa.

Aposol 5:18

Ba nori e pile kap raier u aposol me haka rarien tara luman karabus.

Aposol 5:40

Ba nori e ngö hatasu pouts raier u aposol me hasingata raren. Ba nori e ranga hatagala mera rien tegima kato lel menaien u ranga tara solona e Iesu, ba nori e hapurese raren.

Aposol 8:3

Kaba e Sol e kato homi korur u kristen te tasu menaien a man luma turu katuun bate las me ranei a pal tson na touhaliou has tara karabus.

Epesis 3:1

Alia e Pol, alia i hakarabus sile ii ti kui menai lia a toukui tere Iesu Kristo.

Epesis 4:1

Alia e Pol, alia e karabus silegu te kui menagi lia a toukui tara Tsunono. Na e Sunahan e hopö kap raiou limiou tego katuun uaiam limiou i tanen. Na lia e hatei ragou limiou ego marka uaiam temar ngil uana e Sunahan.

2 Timoti 1:16

Na lia e ngilegu a Tsunono ega taatagini e Onesiporas na pala i tanen, taraha, a pöata a para nonei e kato hasasaaleiou lia. Nonei ema matsingolo mei te ka uagu lia tara karabus.

2 Timoti 2:9

U Bulungana u Niga teka te sagoho sila nagia lia a kamits tara luman karabus. Nori e kits here nari lia a kopkop, kaba u bulungana tere Sunahan ema tatei kits nari.

Hibru 10:34

Alimiou u taatagi sil raiam u katuun ti haka raia tara karabus. Na pöata ti lueia u katuun a manka i tamilimiou, alimiou u sasaala noahas iam, taraha alimiou i atei sileiam e ka mena a manka man niga koru e kana.

Revelesin 2:10

Möa tu matouteiam a nikamits na u tori tiama te sagohe mou limiou. Hengoiam. E Satan ena haka ranoua limiou tara karabus ba limiou te torohana rariou. A niomi teka e antunana romana turu maloto u lan. Kaba limiou go tagala sil noa hase moulia, antunana tara pöata te atung hamate rarouen limiou, ba lia te hala ragoui limiou a nitöatöa hamana.