Hibru 11:3 - U Bulunagana U Niga

³ Turu nihamana i tarara bara te atei silera e Sunahan e habuteia a mamanaka turu ranga i tanen. Na sahaka te tare rara, e butuma tara ka tima tarei ra.

Hibru 11:3 Iomraidhean Croise

U Bulungana u Niga tere Iesu Kristo te kolotein e Jon 1:3

E Sunahan e habutu silanaia a mamanaka turu Ranga. E möa ta töa taka tega butu peisa. A mamanaka e butu sila lasia turu Ranga.

Aposol 14:15

“A matsi hahatoulana, aha te kato sile milimiou a ka teka! Alam u katuun tuun, e here has rami limiou. Alam emi piou namula u Bulungana u Niga ba limiou te hapolase miou a markato a tutu teka, bate habirits uamiou tere Sunahan te töatöana. Nonei te katoe u kolö na u puta nu tasi, na mamanaka te kana iaharen.

Aposol 17:24

“E Sunahan te habuti a han i puta teka na mamanaka te kana i tanen, nonei ema ka neia turu luman lotu ti kui u katuun, taraha nonei a Tsunono na i Kolö na i puta has.

U pas te koloto menai e Pol turu kristenira i Rom 4:17

Na temar ranga has uana u Buku u Göagono, “Alia e Sunahan te taguhe goulö ba lö te hatubuna moa tara katuun a parpara.” E Abraham e hamana uu tere Sunahan te hatöatöa poutsena a katuun a mate na te ranga nena a ka tema butu noa nei bate butuna.

1 Korin 2:7

Kaba a niatei te ranga nemu lam nonei a niatei tere Sunahan te mous i manasa. Na a niniganiga tere Sunahan e haka beraien ra i mamuna te taniaia a pöata.

1 Timoti 4:5

Taraha, u raranga tere Sunahan na u singo e kato hagöagonena a kannou i matana e Sunahan.

Hibru 1:2

Kaba tara sukusukuna kapakapana pöata nonei e ranga silama i tarara tara Pien Tson i tanen. E Sunahan e habutu sila naia a mamanaka tara Pien Tson i tanen, na nonei e hopö kap sileien tego lu menaien a mamanaka hoboto.

Hibru 6:5

Nori i atei sil te niga uana u raranga tere Sunahan, na nori i atei sil hasi a man nitagala tara pöata i murimuri.

2 Pita 3:5

Kaba nori ema ngilin hakats hanigari bate atei siler, e Sunahan e kato homi hakapi a han i puta teka te katoeien. E markato uana teka, i manasa koru e Sunahan e ranga tuun ba u kolö e butuna ba u tsiktsiki e butu nama i gusuna u ramun ba nonei e ololo kap nanei u tsiktsiki u ramun. Ba i murinen be Sunahan e ranga lenina ba uolo pan e kato homiena a han i puta.