Hibru 11:13 - U Bulunagana U Niga

¹³ U katuun hoboto teka i mate hakapa, kaba nori i hamana noahasi e Sunahan. Nori ima lue ii a manka te ranga meraien e Sunahan, kaba nori i taran lehana tuun naien me hanige ren. Ba nori e hatei ner nori u katunun hulala tuun i puta tara tsitabubun pöata.

Hibru 11:13 Iomraidhean Croise

Matiu 13:17

Na lia e hatei hamana ragou limiou! U propet u para na u katuun u matsköra i manasa i ngilin tara korui a manka te tare milimiou, kaba nori ima antunan tareien. Na nori i ngilin hengo korui a manka te hengoe milimiou, kaba nori ima antunan hengoeien.”

U Bulungana u Niga tere Iesu Kristo te kolotein e Jon 12:41

E Aisaia e mar ranga uu teka, taraha nonei e tara mami tega pan uu e Kristo me hatei nanen.

U Bulungana u Niga tere Iesu Kristo te kolotein e Jon 8:56

E tubumilimiou e Abraham e hamana sil korui tego la uama lia tara han i puta. E here nei nonei e tara hakapi a ka teka, ba nonei te sasaala koru menen.”

U pas te koloto menai e Pol turu kristenira i Rom 4:21

Nonei e hamana hatagala koru, na nonei e atei sil e Sunahan e antunan habutena a ka te ranga hamana naien.

U pas te koloto menai e Pol turu kristenira i Rom 8:24

E Sunahan e lu pouts raioura ti hamana uu ra i tanen. Na te tare rara a ka te hamana sile rara, ba ra tema hamana sil lele reien. Taraha, a katuun ema hamana sil lele nei a ka te ka menen.

2 Korin 4:18

Taraha, alam ema taremi a ka te tareier, kaba lam e tarem a ka tema tareri. A ka te tareier, a kana i romana puku, kaba a ka tema tareri, e ka nitöa nou romana.

2 Korin 5:6

Bate markato uana teka, alam e ongolo korum na lam e atei silem, a pöata te ka noa mia lam tara han i puta teka, alam ema ka gono memi a Tsunono tara han i tanen.

Epesis 2:19

Alimiou ema katuun halhal lel talami. Alimiou a töa han tala turu katuun tere Sunahan, bate hun katuun uamiou i tanen.

Hibru 11:14

U katuun temar ranga uaier teka e haröto ner nori e sakier ta han tegi tue hamatsköeien.

Hibru 11:17

E Sunahan e ranga hamanaia tere Abraham i manasa me poeiena, “Alö e ka sila memia romana u hatutubunei u parpara koru tara pien i tamölö e Aisak.” E Abraham e hamani e Sunahan, ba pöata te torohane ien e Sunahan be Abraham e katoenei a pien i tanen e Aisak a kaan haats tara makumun haats. E Abraham e hengo noahasi e Sunahan me hakena a töa koru a pien tson i tanen tara makumun haats.

Hibru 11:27

Turu nihamana noahas tere Mosis ba nonei laba nena i Itsip. Nonei ema matoute ii te raharaha uu a king. A katuun ema antunan tare nei e Sunahan, kaba e Mosis e herei e tareien bate tagala silena a ka te ngilin katoeien.

Hibru 11:39

U katuun u niga hoboto teka i hamanaia tere Sunahan na e Sunahan e haniga koru raien. Kaba nori ima lu noei a ka te ranga hamana meraien e Sunahan tegi hala raien.

1 Pita 1:1

Alia e Pita, a aposol tere Iesu Kristo, e hala menagi u pas teka turu katuun tere Sunahan te sata la ria tara man han i Pontus na i Galesia na i Kapadosia na i Eisia na i Bitenia.

1 Pita 1:17

Alimiou e roron singo uamiou tere Tamamilimiou, nonei te roron oneiena a man tötöa a man katuun tara man saha manka te katoeren, batema hakats kalakala ranei u katuun. Te markato tala uanen teka ba limiou te matoute men bate hapane men tara mamana pöata te ka mia limiou i puta.

1 Pita 2:11

A man hahikapien i tar, alimiou e heremi u katunun hulala tuun i puta, na limiou e ka pukuemou a tsitabubun pöata turu tsiktsiki teka. Na lia e ranga hataatagi mera gilimiou, alimiou goma rongarongemi a peisa milimiou tego kato menaien a man ngil a man omi, u ngil te roron hiatatung mena u namnamei i tamilimiou.

1 Jon 3:19

Na te markato tala uarara teka, bara te atei silera ara u katunura turu ranga u mana. Kaba pöata te hakats tuun rara bate poeiera, “Alia e kato homigu,” aragi hakats kapiin a ka teka: e Sunahan e roron taatagi rena u katuun na nonei e atei silena a mamanaka hoboto.