Hibru 10:34 - U Bulunagana U Niga

³⁴ Alimiou u taatagi sil raiam u katuun ti haka raia tara karabus. Na pöata ti lueia u katuun a manka i tamilimiou, alimiou u sasaala noahas iam, taraha alimiou i atei sileiam e ka mena a manka man niga koru e kana.

Hibru 10:34 Iomraidhean Croise

Matiu 19:21

Be Iesu e poeiena i tanen, “Te ngilin butu haniga koru mia lö i matana a Tsunono, balö tena hahol ba nem a mamanaka i tamölö balö te hala rami u katuun ti möa ta ka ta moni, balö te kame mou a mamanaka a nigana i Kolö. Balö te kukutie moulia.”

U Bulungana u Niga tere Iesu Kristo te kolotein e Luk 10:42

Kaba töa puku a ka te pan balana. E Maria e hopö kap nena a ka a niga teka, na ema antunan luba naroien.”

U Bulungana u Niga tere Iesu Kristo te kolotein e Luk 12:33

Hahol naiam a manka i tamilimiou bate hala namiou a moni turu katuun ti möa ta ka. Alimiou go kui hatagala sileiam a manka tema tatei omiri, a manka man niga na i Kolö te ka nitöana, na u katuun u kopkop ema antunan lue rien romana, ne möa ta kokoros tega kato homieien.

U Bulungana u Niga tere Iesu Kristo te kolotein e Luk 9:25

Saha a niniganiga te kame nou a katuun te luena a mamanaka i puta bate hatia tsiponena u namnamei i tanen? E möa tala.

Aposol 21:33

Ba tsunono turu soldia e lana tere Pol me pile kap nanen ba nonei e ranga merena u soldia i tanen tegi kits menien a huol a tsien. Ba nonei e rangatana, “Esi nonei teka, na ha te katoe lalen?”

Aposol 28:20

Nonei a ka teka te ngö gögono sil mera gi lia alimiou bate ngilin ranga gono mera goulimiou. Taraha, nonei a nihamana te kame gulia tara katuun te hahaloser u katunura i Israel te kits sile gia lia tara tsien teka.”

Aposol 5:41

Bu aposol e laba ner u Kout, me sasaala koru siler te haniga meraien e Sunahan tegi kamits sil menaien a solona e Iesu.

2 Korin 5:1

Alam e atei silem te rure roua a taluhu na i puta te ka mia lam, alam ena luemou a luma a tsimus te halani e Sunahan i Kolö. A luma teka e möa ta katuun tega kuieien, e kana i Kolö na e ka nitöa nou.

Epesis 3:1

Alia e Pol, alia i hakarabus sile ii ti kui menai lia a toukui tere Iesu Kristo.

Epesis 4:1

Alia e Pol, alia e karabus silegu te kui menagi lia a toukui tara Tsunono. Na e Sunahan e hopö kap raiou limiou tego katuun uaiam limiou i tanen. Na lia e hatei ragou limiou ego marka uaiam temar ngil uana e Sunahan.

Epesis 6:20

Nonei a ka teka te ka sile gia lia tara karabus, ti habulungana menai lia u Bulungana u Niga. Na limiou go singo sile moulia balia tema tatei matout gi tego habulungana menai lia u Bulungana u Niga.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

Kolosi 1:5

Taraha e Sunahan e haka berai limiou a nitöatöa a niga i Kolö te hamana sile milimiou. Alimiou tu hengo tutuneiam a manka teka tara pöata te la uama u raranga u mana i tamilimiou.

1 Timoti 6:19

Te kato uarouen teka ba nori te haputu beri a peisaren a manka man niga hamana, a man kana i Kolö te taguhu ranouen i murimuri. Ba nori te antunan lue riou a nitöatöa hamana.

2 Timoti 1:16

Na lia e ngilegu a Tsunono ega taatagini e Onesiporas na pala i tanen, taraha, a pöata a para nonei e kato hasasaaleiou lia. Nonei ema matsingolo mei te ka uagu lia tara karabus.

2 Timoti 2:9

U Bulungana u Niga teka te sagoho sila nagia lia a kamits tara luman karabus. Nori e kits here nari lia a kopkop, kaba u bulungana tere Sunahan ema tatei kits nari.

2 Timoti 4:8

A pöata e tuku hakapa hamanasa tega hala menai e Sunahan a hihol tu kato hasasaala menaien lia. A tson onuna hamatskö koru, nonei a Tsunono e Sunahan, tena hale noien lia nonei turu Lan u Kapan. Nonei ena hale noien lia na u katuun hoboto te ngile ren bate hahaloser tena la pouts uanamen romana.

Hibru 11:16

Kaba e möa. A han ti ngil bala korueien te niga bala, nonei a han i Kolö. Na e Sunahan ema matsingolo mei tegi ngö menaien a Sunahan i taren, taraha nonei e kato beraien a han.

Hibru 13:14

Taraha, ara ema ka meri ta han i puta teka tega ka nitöa romana. E möa. Ara e hahalosera a han tena la nama romana, teka nitöa nou.

Hibru 13:3

Ma solopala rami u katuun te ka ria tara karabus. Hakats here rami alimiou e ka gono mera men tara karabus. Hakats sil has raiam u katuun te kato hakamits raier, kato here has rami u katuun e kato hakamits has rariou limiou.

Hibru 9:15

E Kristo te habutu u rangan kits u tsimus tere Sunahan na u katuun, ba u katuun te ngöri e Sunahan te tatei lueier a manka a man niga te ranga hamanein e Sunahan bate ka nitöar. Taraha, e Kristo te mate, na tou mate i tanen te sakahis ba rai u katuun a man markato a man omi ti katoeien tara pöata turu rangan kits mam.

Jemis 1:2

A matsi hahatoulana i tar, pöata te butuna a manka man omi i tamilimiou, sasaalaiam.

1 Jon 3:2

A man hahikapien, ara a galapien hamanasa tala tere Sunahan. Nonei ema haröto noa raneira tegina markato uu ra romana. Kaba ara e atei silera a ka teka: pöata te butu halesala nama romana e Kristo bara te tare rou a peisanen bate here hase roien.