Hibru 1:8 - U Bulunagana U Niga

⁸ Na u Buku u Göagono e mar ranga menai a Pien Tson tere Sunahan teka: “O Sunahan, a solon king i tamölö e ka nitöana romana. Alö e tsunono hamatskö rem u katuun tara nipepeito i tamölö.

Hibru 1:8 Iomraidhean Croise

U Bulungana u Niga tere Iesu Kristo te kolotein e Luk 1:75

Nonei e ngilena aragi matsköia i matanen turu mamana u lan tara nitöatöa i tarara.”

U Bulungana u Niga tere Iesu Kristo te kolotein e Jon 10:30

E Tamar na lia a töa puku a katuun.”

U Bulungana u Niga tere Iesu Kristo te kolotein e Jon 10:33

Ba u Jiu e palise ren me poeier, “Alam ema ti hatu memoi lö tu kato mei lö a toukui a niga. E möa. Alam e raharaha mem te ranga homi mena milö e Sunahan. Taraha, alö a katuun tuun, kaba alö e kato here nami a peisamölö e Sunahan.”

U Bulungana u Niga tere Iesu Kristo te kolotein e Jon 20:28

Be Tomas e ranga palis uana i tanen me poeiena, “O Tsunono na e Sunahan i tar!”

U pas te koloto menai e Pol turu kristenira i Rom 9:5

U katuun pan tere Sunahan i kaia i gusura u tuburen. Na e Kristo has e butun katuun ia turu Jiu, e Kristo te pan talana tara mamanaka. E Sunahan e tatei kato hasasaale nen tara mamana pöata. U mana.

1 Korin 15:25

E Kristo e pepeitokap noahas nou e antunana te tö puta hakapa ranen u pakö hoboto i tanen.

1 Timoti 3:16

Na ra hoboto e hia hanhaniga ner u lotu i tarara e ka mena a mamanaka a niga koru te haröto halakasa ner: E Kristo e butun Katunuma. U Namnamei u Göagono e harötein te matskö uanen. U angelo i tareien. U katuun i habulungana naien turu han hoboto. U katuun e hamana uaier i tanen. E Sunahan e lu pouts menaien i Kolö.

2 Pita 1:11

Be Sunahan te haniga koruna romana tego tasu uaiam limiou tara Nipepeito tere Iesu Kristo a Tsunono i tarara te lu pouts raiou ra, a Nipepeito tema antunan kapa nei.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.