Hibru 1:2 - U Bulunagana U Niga

² Kaba tara sukusukuna kapakapana pöata nonei e ranga silama i tarara tara Pien Tson i tanen. E Sunahan e habutu sila naia a mamanaka tara Pien Tson i tanen, na nonei e hopö kap sileien tego lu menaien a mamanaka hoboto.

Hibru 1:2 Iomraidhean Croise

Matiu 13:39

Na katuun a omi te tsihasein u pulung tara kui, nonei e Satan. Na pöata te gone ria a kannou a tangoho e here nei a kapakapana pöata turu han i puta. Na u katuun te goner a kannou a tangoho tara kui, nori u angelo.

Matiu 17:5

Tara pöata te ranga noaien, bu köasi u alesala koru emi hoho ranen ba u töa u raranga e butu nama turu köasi me poeiena, “Nonei a Pien Tson a tsomi koru i tar teka. Alia e haniga korue gen. Alimiou ego hengoe men!”

Matiu 21:38

Ba pöata ti tareien a pien tson teka ba nori e poeier, ‘A pien tson tara katuun terena kui teka te lue nou a kuin grep. Aragi atung hamateien, bara te lue rou a kui i tanen!’

Matiu 26:63

Kaba e Iesu e kakamoto ba nitöa raien. Ba tsunono e ranga lelna i tanen me poeiena, “Alia e rangate gia lö i matana e Sunahan, alö go hatei ramei lam, alö e Mesaia, a Pien Tson tere Sunahan?”

Matiu 28:18

Be Iesu e la hasukusuku uama i taren me poeiena, “E Sunahan e halei lia a nitsunono hobotona i Kolö na i puta.

Matiu 3:17

Ba u töa u raranga e butu nama i Kolö me poeiena, “Nonei a Pien Tson koru i tar. Alia e ngil korue gen, na lia e sasaala koru has megen.”

U Bulungana u Niga tere Iesu Kristo te kolotein e Mak 1:1

Nonei teka u Bulungana u Niga tere Iesu Kristo a Pien Tson tere Sunahan: E Aisaia a propet e kolotonaien me poeiena, “Hengoiam, e Sunahan e mar ranga uu teka: ‘Alia e hala mam negou a katunun sösöata ranga i tar te mam nanou lö, ba nonei tena hamatsköe nou a maroro i tamölö.

U Bulungana u Niga tere Iesu Kristo te kolotein e Mak 12:6

Nonei e ka noa mei a töa patu a katuun tego tula naien, a pien tson i tanen te ngil korueien. Nonei e tula hamurimuri nalen me poeiena, ‘Nori ena tara marei riou a pien tson i tar.’

U Bulungana u Niga tere Iesu Kristo te kolotein e Mak 12:7

“Kaba u katunun taratarakap i tari a pien tson teka, ba nori e hiararangar me poeier, ‘Nonei a pien tson tere tamana kui teka te lue nou a kuin grep. Aragi atung hamateien bara te lue riou a kui i tanen.’

U Bulungana u Niga tere Iesu Kristo te kolotein e Jon 1:10

Nonei e lauama tara han i puta te habuteien, kaba u katunura i puta ima mareien.

U Bulungana u Niga tere Iesu Kristo te kolotein e Jon 1:14

U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.

U Bulungana u Niga tere Iesu Kristo te kolotein e Jon 1:3

E Sunahan e habutu silanaia a mamanaka turu Ranga. E möa ta töa taka tega butu peisa. A mamanaka e butu sila lasia turu Ranga.

U Bulungana u Niga tere Iesu Kristo te kolotein e Jon 13:3

Na e Iesu e atei sil e Tamanen e kato hapaneien tara mamanaka hoboto, na nonei e atei sil hasi nonei e lama tere Sunahan na nonei ega la pouts has uu tere Sunahan.

U Bulungana u Niga tere Iesu Kristo te kolotein e Jon 13:32

Te hala seie goua lia a solona e Sunahan be Sunahan te hala sei boroboro hase nou a solor.

U Bulungana u Niga tere Iesu Kristo te kolotein e Jon 15:15

Alia ema ngö lel ragi limiou u katunun kui, taraha a katunun kui ema atei sile nei a ka te katoena a katuun te hakuie nen. Kaba alia e ngö tala ragi limiou u katuun hamatskö i tar, taraha alia u hatei hakapa railimiou a man raranga hoboto te hateia lia e Tamar.

U Bulungana u Niga tere Iesu Kristo te kolotein e Jon 16:15

A mamanaka hoboto tere Tamar, a mamanaka hoboto has i tar. Nonei te pei begu lei lia, ‘Nonei e lue nou a manka i tar bate haröto ranoien limiou.’”

U Bulungana u Niga tere Iesu Kristo te kolotein e Jon 17:2

Alö u halei lia a nitsunono tego tara kap mei lia u katuun hoboto, ba lia te antunan hala ragi u katuun tu hala ramei lö alia a nitöatöa te ka nitöana.

U Bulungana u Niga tere Iesu Kristo te kolotein e Jon 3:16

E Sunahan e taatagi sil koru rema u katuun hoboto me hala nenama a töa koru a Pien Tson i tanen. Na katuun te hamana uana i tanen ema antunan tia noi romana kaba ena ka menou a nitöatöa te ka nitöana.

U Bulungana u Niga tere Iesu Kristo te kolotein e Jon 3:25

Ba palair u katunun tsitsilo tere Jon na töa Jiu e hiaraharaha sil haser a saha mar baptais te matsköna.

U Bulungana u Niga tere Iesu Kristo te kolotein e Jon 5:26

E Tamar, a mouna a nitöatöa, na nonei e hala hasei a Pien i tanen a nitagala tega mounaia a nitöatöa i tanen.

U Bulungana u Niga tere Iesu Kristo te kolotein e Jon 5:27

Na e hala haseien a nitsunono tego ona meraien u katuun, taraha nonei te butun Katunuma.

U Bulungana u Niga tere Iesu Kristo te kolotein e Jon 9:29

Alam e atei silem e Sunahan e ranga gono mei e Mosis. Kaba a katuun teka, alam ema atei silemi ime te la men.”

Aposol 10:36

Alimiou e atei silemiou u ranga te hala namen i tamulam u katunura i Israel. U raranga teka e habulungana nena a masalohana temi halan e Iesu, bate hakapa hasena u pakö turu katuun i tanen. Nonei a tsunono turu katuun hoboto.

Aposol 2:17

‘E Sunahan e poeiena, Tara pöata i murimuri te sukusukun kapa noa romana a pöata hoboto, alia e katoe gou a ka teka: Alia e hala nagou u Namnamei i tar turu katuun hoboto. A galapien tson i tamilimiou na galapien touhaliou has ena ranga nariou romana u rangan propet. U hitots i tamilimiou ena tare riou a man hiharöto, na u tsonpan ena sinasohe riou a man sinasoho.

U pas te koloto menai e Pol turu kristenira i Rom 1:4

Na e Sunahan e hatei hasiin e Iesu nonei a Pien a Göagono i tanen ti hatakei pouts menaien tara tou mate tara nitagala pan i tanen.

U pas te koloto menai e Pol turu kristenira i Rom 8:17

Na te pien uarara i tanen, ba ra te lue rou a manka man niga i tanen, te markato uana a pien te luena a manka tere tamanen. Na e Sunahan e hala ranoira a manka te hala haseien e Kristo. Kaba tena lu gono merouen ra a manka man niga i tanen, aragi lu hasi a mar nikamits te lueien.

1 Korin 2:7

Kaba a niatei te ranga nemu lam nonei a niatei tere Sunahan te mous i manasa. Na a niniganiga tere Sunahan e haka beraien ra i mamuna te taniaia a pöata.

1 Korin 8:6

Kaba ara u kristen e hamana ria tara töa puku a Got, nonei e Sunahan, e Tamarara te habuti a mamanaka, na ra e hamane ren. Na e ka has mena a töa puku a Tsunono, nonei e Iesu Kristo. E Sunahan e habutu sila naia a mamanaka i tanen, na ra e ka ria tara nitagala tere Kristo.

Galesia 4:4

Kaba tara pöata hamatskö te hopö kapiin e Sunahan, ba nonei e hala nenama a Pien Tson i tanen. A tahol te poseien, ba nonei e kana i kopina a Lo turu Jiu.

Epesis 1:10

E markato uana teka: pöata te butu nama romana a pöata te hopö kap mamin e Sunahan, be Sunahan te gone nou a mamanaka hobotona i kolö na i puta bate hapane nou e Kristo bate tsunono ranou uen.

Hibru 1:5

E Sunahan ena mala mar ranga uai teka ta töa ta angelo i tanen bate poeiena: “Alö a pien Tson i tar. I romana alö e hatamana mia i tar.” Kaba nonei e mar ranga uu teka tara Pien Tson i tanen. Kaba nonei ema mala mar ranga uai teka ta töa ta angelo bate poeiena, “Alia e hapien nagouen, na nonei e hatamana noua i tar.” E möa. Kaba nonei e mar ranga uu teka tara Pien Tson i tanen.

Hibru 1:8

Na u Buku u Göagono e mar ranga menai a Pien Tson tere Sunahan teka: “O Sunahan, a solon king i tamölö e ka nitöana romana. Alö e tsunono hamatskö rem u katuun tara nipepeito i tamölö.

Hibru 11:3

Turu nihamana i tarara bara te atei silera e Sunahan e habuteia a mamanaka turu ranga i tanen. Na sahaka te tare rara, e butuma tara ka tima tarei ra.

Hibru 2:3

Kaba u raranga tere Iesu e pan bala nena u raranga turu angelo, na ra e möa koru tegi bus ba menai a nihahuna te totone rara a markato a niga koru teka, te lu pouts mera neira e Sunahan. A Tsunono e Iesu noahas te habulungana mamin a maroro teka te lu pouts mera nei e Sunahan u katuun, na u katuun ti hengoeien i haröto raira u raranga teka e manana.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

Hibru 4:14

Aragi pile hakarapotein a ka te hamane rara. Taraha, ara e ka mera a pris a tsunono pan te la nitöa uu tara makum te kana e Sunahan. Nonei e Iesu, a Pien Tson tere Sunahan.

Hibru 5:8

E manana, nonei a Pien tere Sunahan, kaba nonei e sagoho noahasi u kamits, na ka teka e hatutseien a markato te hengo haniga menaien e Sunahan.

Hibru 7:28

A Lo tere Mosis e hopö kap rena u katuun tuun tegi tsunono pan uaien turu pris, kaba nori ema tagala nitöa sileri a markato a omi. Kaba u raranga u mana koru te lama i murina a pöata tara Lo, te hopö kapiin a Pien tson tere Sunahan te matskö nitöana tara toukuin pris teka te ka nitöa nou tara mamana pöata tema antunan kapa nei.

Hibru 7:3

E möa tu töa tu buku tega ranga hatein e Melkisedek e ka mei ta tamanen na ta tsinanen na ta tubunen, tsi tega ranga hatein nonei i posei, na tega ranga hatei hasiin nonei e mate. Nonei e here nei a Pien tson tere Sunahan. Nonei a pris na tara mamana pöata.

Hibru 9:26

Tega markato uaien teka, ba nonei te tatei sagoho hapare iena u kamits, i manasa te habuteia e Sunahan a mamanaka bate antunana i romana. Kaba e möa. E Kristo e butuma tara töa puku a pöata, te sukusukun kapana a man pöata hoboto, tego hala menai a peisanen tara tou mate bate luba nena a man markato a man omi. Na nonei ema antunan kato lel nanei a ka teka.

1 Pita 1:20

E Sunahan e hopö kap naien i mam noa te habuteien a han i puta, kaba nonei e hagou haröto naien tara kapakapana pöata tega taguhu meraien limiou.

2 Pita 3:3

Alimiou go atei mam sileiam a ka teka: tara kapakapana pöata i murimuri, u katuun te kukutier u ngilngil u omi i peisaren e butur romana. Nori e hahakos rariou romana limiou bate ranga ner a Tsunono bate poeier, “Nonei e ranga mamin tega la pouts uamen, ga ime te ka nen, gega la talama. U tamarara i mate hakapa, ga mamanaka e marka noahas uana te ka uaien tara pöata te habuteia e Sunahan a han i puta!”

U pas te kolotein e Jut 1:18

Nori i hatei mam raiou limiou me poeier, “Tara kapakapana pöata, u katuun e sigale riou romana a markato tere Sunahan bate katoe riou a manka man omi te ngilin kato naren.”