Hibru 1:14 - U Bulunagana U Niga

¹⁴ U angelo u saha u mar katuun? Nori hoboto a man namnamei te kui beier e Sunahan. Nonei e hala sil rameien tegi taguhu meraien u katuun te katsin lu pouts rena e Sunahan.

Hibru 1:14 Iomraidhean Croise

Matiu 1:20

E Josep e hakhakats noa hasin a ka teka, ba töa angelo tara Tsunono e butuna i tanen turu sinasoho me poeiena, “O Josep, a hatutubunei tere Devit, alö goma matout ii tego lu menai lö e Maria a tahol i tamölö. Taraha, nonei e pikana turu Namnamei u Göagono.

Matiu 13:41

Alia tu butun Katunuma e hala raguma romana u angelo i tar, ba nori temi luer romana a mamana katuun te roron kato homir na u katuun has te tuke rer a palai bate kato homir, bate luba raria romana tara Nipepeito i tar.

Matiu 18:10

Be Iesu e poeiena, “Alimiou go haneiam möa tu sigaleiam ta töa tara galapien teka. Na lia e hatei ragou limiou, u angelo i taren e tarakapin töa raren te ka rien tere Tamar i Kolö.

Matiu 2:13

Pöata ti la hakapaia u tson atei, ba töa angelo tara Tsunono e butuna turu sinasoho tere Josep me poeiena i tanen, “Alö go takei ba lö te lu rem u mun tsinana, ba limiou te bus uamiou tara han i Itsip. Ba limiou tena ka möa i Itsip e antunana tara pöata te ranga lel goa lia i tamölö. Taraha, e King Herot e sake la nanou a pien bate atung hamatie nouen.”

Matiu 24:31

Ba lia te pihegu a tuhil bate ling hapanina, ba u angelo i tar te la uar turu han hoboto i puta, ba nori te gono rarima u katuun te hopö kapir e Sunahan.”

Matiu 25:34

“Ba lia te ranga meragou u katuun tara pal matou i tar, ‘U katuun te kato hasasaaler e Tamar, lamuma batemi luemiou a Nipepeito ti kato taatago berai limiou i manasa noa te habuteia e Sunahan a mamanaka.

Matiu 4:11

Be Satan e laba nanen. Ba u angelo e la rima memi taguheier e Iesu.

U Bulungana u Niga tere Iesu Kristo te kolotein e Mak 10:17

E Iesu e hatania leli a nilala i tanen ba töa tson e piata uanama i tanen memi hatukun na i matanen me rangate nen, “Tson Hihatuts a niga, aha tego kati lia ba lia te luegou a nitöatöa te ka nitöana?”

U Bulungana u Niga tere Iesu Kristo te kolotein e Luk 1:19

Ba angelo e ranga palise nen me poeiena, “Alia e Gabriel te roron tuol gia i matana e Sunahan. Nonei e tahul mena mei lia tegomi ranga uu lia i tamölö bate hatei gilö u bulungana u niga teka.

U Bulungana u Niga tere Iesu Kristo te kolotein e Luk 1:23

Ba pöata te kapaia a pöatan kui tere Sakaria iahana Luman Lotu Pan, ba nonei e la pouts uana i han.

U Bulungana u Niga tere Iesu Kristo te kolotein e Luk 16:22

Ba katuun teka e matena, ba u angelo e söate ren mena hagume rien i rehina e Abraham. Na tson moni e mate has me kaho ner.

U Bulungana u Niga tere Iesu Kristo te kolotein e Luk 2:13

Ba u angelo u para koru ri Kolö e singotei butu gono mer a angelo teka. Ba nori e soloseier e Sunahan me poeier, “Solosei iam e Sunahan i Kolö iasa koru! Na tara han i puta, u katuun te haniga rena e Sunahan e tatei ka ria tara masalohana!”

U Bulungana u Niga tere Iesu Kristo te kolotein e Luk 2:9

Ba töa angelo tara Tsunono e butuna i taren, ba u ualesala pan tara Tsunono e alesala uana i taren ba nori e matout korur.

Aposol 11:22

U kristenira i Jerusalem i hengoin u raranga tara ka teka, ba nori e hala menari e Banabas i Antiok.

Aposol 12:23

E Herot ema solosei mamei e Sunahan, ba angelo tara Tsunono e atunge nen. U kakaminei i noueien, ba nonei e mate nitöana.

Aposol 12:7

Kaba a töa angelo tara Tsunono e butu, ba ka e alesalana iahana rum te kaia e Pita. Ba angelo ena guleiena e Pita me poeiena, “Takei boroboro.” Ba u tsien e tapurese ba nena a limana e Pita me rusuna.

Aposol 13:2

Tara pöata ti singou u kristen tara Tsunono me agono has ner a kannou, ba u Namnamei u Göagono e poeiena, “Alimiou go hopö kap gono memi ere Banabas mere Sol a toukui tu ngö meraien lia egi katoeien.”

Aposol 16:26

Ba töa nun a pannen koru e songots butuna me gas hapanena a luman karabus me tagas hanöa nitöa nama i kopina u tul tara luma. Ba man tamana hoboto e takalatar, na u tsien i tapurese ba hasir a mour u karabus me rusur.

Aposol 27:23

Taraha, i bong a töa angelo e tuol lala i rehir, a angelo tere Sunahan te hopö kap naiou lia, e Sunahan te hatsunone gulia.

Aposol 5:19

Kaba tara bong ba angelo tara Tsunono e kalatena a tamana tara luman karabus me halakasa rena u aposol me poeiena i taren, “Na tuol mia iahana Luman Lotu Pan bate hatei rami u katuun u raranga hoboto tara markato a tsimus teka.”

U pas te koloto menai e Pol turu kristenira i Rom 11:14

Alia e kato silegu tegi hiomi uu katuun i tar, bate habirits pouts menari u hakats i taren tere Sunahan be Sunahan te lu pouts ranou a palai i taren.

U pas te koloto menai e Pol turu kristenira i Rom 13:6

Nonei a ka te hol sile milimiou a takis, taraha u katuun tara gamman e kui beier e Sunahan te katoe rien a toukui i taren.

U pas te koloto menai e Pol turu kristenira i Rom 15:27

Nori e kato merien u ngil peisa i taren. Na e niga hasina te kato uaren teka. Taraha, u Jiu i halan a manka a man niga tere Sunahan turu katuun tema Jiu ri, ne niga hasina te taguhu has mera raien u Jiu a manka man niga i taren i puta.

U pas te koloto menai e Pol turu kristenira i Rom 8:17

Na te pien uarara i tanen, ba ra te lue rou a manka man niga i tanen, te markato uana a pien te luena a manka tere tamanen. Na e Sunahan e hala ranoira a manka te hala haseien e Kristo. Kaba tena lu gono merouen ra a manka man niga i tanen, aragi lu hasi a mar nikamits te lueien.

1 Korin 1:21

Tara niatei i tanen e Sunahan e hatu kapiin a maroro turu katuun te torohanan atei sile ren tara niatei peisa i taren. Kaba nonei e lu pouts rena u katuun te hamana uar i tanen tara pöata te hengoe rien u raranga i tamulam, te ngöeri u katuun, u raranga u tutu.

2 Korin 9:12

A toukui a niga teka te katoe milimiou e taguhu rena u katuun tere Sunahan, ba u katuun u para te hengo narouen bate haniga koru uariou tere Sunahan.

Galesia 3:29

Na limiou te pala uamiou tere Kristo e here hasemi a galapien hamana tere Abraham, na ka te ranga hamanein e Sunahan tega hala naien tere Abraham e la has uana i tamilimiou.

Galesia 3:7

Ba lö te tara talemen, u katuun te hamanar nori a galapien tere Abraham.

Galesia 3:9

E Abraham e hamana uu tere Sunahan, be Sunahan e kalala gono mera neien u katuun hoboto timar hamana has uu i tanen.

Epesis 3:6

Nonei u raranga momous teka e markato uana: alimiou u katuun tema Jiu mi e ka gono hoboto mera moulam bara te katoeiera a töa hun katuun. Alimiou has e lue miou a manka man niga tere Sunahan. Na u ranga hamana teka e kato sila naia e Sunahan tere Iesu Kristo. Na ka teka e butu sila ma turu Bulungana u Niga.

Pilipai 2:17

Alia toum e mate gou bate here goi u haats te la uana tere Sunahan, taraha alia u taguhu raiou limiou tego hamana uaiam limiou. Te mate hamana goua lia, alia e sasaala noahas gou.

Pilipai 2:25

Kaba lia e hakats negu e hahankana tegi hala mam pouts menai e Epaprodaitus i tamilimiou. Nonei a hahatoulana i tarara ti hala nemuma limiou tegomi taguheiou lia. Nonei e kui hatagala gono meiou lia turu Bulungana u Niga.

2 Tesalonaika 1:7

Alia e hatei ragou limiou hoboto te luemiou a kamits, e Sunahan e hahusa pouts ranou limiou na lam has, tara pöata te la pouts nama romana e Iesu a Tsunono. Nonei e butu nama romana i Kolö na u angelo u tagala has i tanen bate here roi u tula te kulupu hapan koruna.

Taitus 3:7

Na e Sunahan e kato hamatskö has rena u katuun, taraha nonei e taatagi ranen.

Hibru 10:11

A man pris hoboto turu Jiu e roron tuolur bate katoeier a toukui i taren turu mamana u lan bate hala hapara ner u töa u mar haats. Kaba u haats teka e möa koru tego antunan luba menaien a man markato a man omi.

Hibru 2:3

Kaba u raranga tere Iesu e pan bala nena u raranga turu angelo, na ra e möa koru tegi bus ba menai a nihahuna te totone rara a markato a niga koru teka, te lu pouts mera neira e Sunahan. A Tsunono e Iesu noahas te habulungana mamin a maroro teka te lu pouts mera nei e Sunahan u katuun, na u katuun ti hengoeien i haröto raira u raranga teka e manana.

Hibru 5:9

Be Sunahan e katoe neien a pris te niga saluhe koru. Ba nonei te taguhu rena u katuun hoboto ti hengoeien bate hala raneien a nitöatöa te ka nitöana.

Hibru 6:12

Alimiou goma here rami u katuun u karous. Alimiou go kukute raiam u katuun, tara nihamana i taren na te hahaloso haniga uaren, nori ena lueriou a mamanaka te ranga hamanein a Tsunono.

Hibru 6:17

E Sunahan e ranga hamanein tego taguhu meraien ra u katuun i tanen. Nonei e ngilin haröto halesala koru raira tema antunan palis menaneien a ka te ngilin katoe nen. Na nonei e kato hasi u tana u ranga te mana uana iasa ti hatagale ii u rangan hamana mam i tanen.

Hibru 8:6

Kaba a toukui te lui e Iesu e pan bala nena a toukui ti kamei u prisira i manasa, taraha nonei te ranga bera noura tere Sunahan, na nonei te hatagalena u hia hanhaniga u tsimus i tarara gono mei e Sunahan, na u hanhaniga teka e niga bala nena u hia hanhaniga na i manasa, taraha u hia hanhaniga teka e la gono menama a manka man niga na man mana.

Hibru 9:28

Na e markato has uana iesana, e Kristo e halan a peisanen tara töa puku a pöata tega luba menaien a man markato a man omi turu katuun u para. Na nonei emi butu hahuol nou romana. Nonei ema la hahuol sile namei romana tegomi luba lel menaien a man markato a man omi. E möa. Nonei e la sile nama romana tegomi taguhu meraien u katuun te hahalose ren.

Jemis 2:5

Hengoiam, a matsomi i tar. E Sunahan e hopö kapir u katuun papala tara han i puta, u katuun te hamana haniga uaier tere Sunahan. Be Sunahan te poeiena u mar katuun teka te ngile nen, e lue riou a Nipepeito tere Sunahan.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.

1 Pita 3:7

Alimiou has a pal tson, alimiou go hakats haniga raiam a touhaliou i tamilimiou, taraha a tahol ema mar tagala uanei temar tagala uana a tson. Na limiou go hapan has ramen, taraha nori has e lu gono mera roi limiou a nitöatöa tere Sunahan. Alimiou go markato uaiam teka, bate möa nou taka tega antunan hatu kap naiou a man singosingo i tamilimiou.

U pas te kolotein e Jut 1:14

E Inok a hatohitina a katuun tara hun katuun tere Adam. E Inok e katoi u rangan propet me hatei mam nena u mar katuun u omi teka me poeiena, “Hengo iam. A Tsunono e la menama romana a parpara koru a angelo a göagono i tanen tegomi ona merien u katuun hoboto. Nonei emi kout rena romana u katuun hoboto te sigaler e Sunahan bate haröto nena te omi uaren, taraha nori e omier e Sunahan bate roron kato homir bate ranga hohomi naren.”

Revelesin 5:6

Ba lia e taregu a töa Tunan Sipsip. Nonei e tuol ia i gusur a tohats a ka a töatöa na u tsunono i rehina u gumgum u göagono. A Tunan Sipsip e tara here ii atung hamati me töatöa poutsuna. Nonei e ka mei a tohit a kii na u tohit u mata te haharuein u tohit u namnamei tere Sunahan te hala menai e Sunahan tara mamana han hoboto i puta.