Galesia 6:2 - U Bulunagana U Niga

² Te ka mena a töa i tamilimiou a nitiama pan, ba limiou te taguhe men. Ba markato teka te haröto nanou alimiou e hengo hanigemiou u raranga tere Kristo.

Galesia 6:2 Iomraidhean Croise

U pas te koloto menai e Pol turu kristenira i Rom 15:1

Ara te atei haniga silera u hihatuts tere Sunahan ega taguhir a pala tema atei hanigari. Ara gima hakats sile ii tegi sasaala peisa uu ra. E möa.

1 Tesalonaika 5:14

Na lam e hatei hatagala has ramou limiou go ranga meraiam u katuun u karous egi kukui pouts. Kato ha ongolo pouts raiam u katuun te matoutur, bate taguhu ramiou u katuun tema tagalari. Na limiou goma ranga sisi memi a tana katuun.

U Bulungana u Niga tere Iesu Kristo te kolotein e Jon 13:34

Alia e hala ragi limiou u raranga u tsimus, alimiou go hiangilngil iam. Ti mar ngil has merai lia limiou.

1 Jon 4:21

Na u raranga ti lueiara i tanen e kato uana teka: esi a katuun te ngilena e Sunahan ega ngil hasi a man hahatoulana i tanen.

Jemis 2:8

Te kukutie moa limiou a lo pan tere Sunahan ti kolotein, alimiou e kato hanigamou. Taraha, a lo pan tere Sunahan e poeiena, alö go mar ngil koru mei a tana katuun temar ngil koru has mena milö a peisamölö.

U Bulungana u Niga tere Iesu Kristo te kolotein e Jon 15:12

Alia e hatei ragou limiou: hiangilngil uaiam temar ngil has mera gilia limiou.

1 Pita 2:24

E Kristo noahas te söata menai a man markato a man omi i tarara i peisanen te mateien tara kuruse. E markato uu teka tegi mate ba menai ra a man markato a man omi bate töatöa silera a markato a matskö. Nonei e lu sile ii a man takiraha i peisanen tegi niga pouts uu ra.

Matiu 8:17

A ka teka e butu sil tega kato hamana menaien u raranga te ranga sila naia e Sunahan tere propet Aisaia i manasa. “Nonei peisa tega luban a mamana mar siki i tarara, na nonei has tega söateien.”

Galesia 6:5

A man töa man katuun hoboto e tatei söater a nitiama te butu gono mena a markato pouts i taren.

1 Korin 9:21

Na pöata te ka gono mera gia lia u katuun tema Jiu ri, alia e kato has uagu te markato uaren. Alia e kato here nagi a peisar a katuun tema ongo neia tara Lo tere Mosis, bate peigi mera gien tara Tsunono. Alia ema poegi alia e ka gia ielesala tara Lo tere Sunahan. E möa. Alia e ka puta noahas gia tara Lo tere Kristo.

U pas te koloto menai e Pol turu kristenira i Rom 8:2

Taraha, a lo turu Namnamei tere Sunahan, te hala ranei ra a nitöatöa tere Iesu Kristo, e purese hakapa raioura. Ara i here ii u katuun ti kitsir na ti roron kaia tara lo tara markato a omi na tara tou mate. Kaba e möa lel tala.

U Bulungana u Niga tere Iesu Kristo te kolotein e Luk 11:46

Be Iesu e ranga palisina me poeiena, “A nomi pan e butuna romana i tamilimiou has u tson hihatuts tara Lo! Alimiou e roron hake mia a man nitiama turu katuun bate lagi sösöate ren, kaba limiou e namala taguhu ramien.

Jemis 1:25

Kaba a katuun te tarena a Lo a matskön töa tere Sunahan te hagum hanige nouen, e Sunahan e luba na noien a man markato a man omi bate sasaala mena a man toukui hoboto i tanen. Taraha, a katuun teka ema solopale nei u raranga tere Sunahan, kaba nonei e katoeiena a ka te ranga nanen.

Jemis 2:12

E Sunahan e ona mera nei limiou romana a man lo te purese ba nena a katuun tara markato a omi. Te marka uanen teka ba limiou te ranga hanigamiou bate kato haniga hasimiou.

2 Pita 2:21

Ega mala niga balein tegima atei sil mam menaien a maroro a matskö. Ga e omi tala mena te gamon atei sil mena rien a maroro a matskö bate töan tori hasoala lel ner u raranga u göagono ti hala raien.

2 Pita 3:2

Alimiou go hakhakats kap naiam u raranga ti rangein u propet u niga i manasa, na u raranga tara Tsunono te lu pouts raiou ra, u ranga ti hala mera lelam u aposol i tamilimiou.