Epesis 6:9 - U Bulunagana U Niga

⁹ Na limiou u tson mammam, alimiou go markato has uaiam iesana turu katunun kui i tamilimiou, ba limiou tema ranga hamatmatout ramien. Alimiou na u katunun kui i tamilimiou e ka memiou a töa puku a Katuun Pan i tamilimiou i Kolö, na nonei e ngil hahihinatoe hoboto rena u katuun.

Epesis 6:9 Iomraidhean Croise

Matiu 22:10

Ba u katunun kui e la uar tara man maroro me gono rarima u katuun hoboto ti sabe raien, u katuun u omi na u katuun u niga. Ba luma tara hitöl e saputu rena u katuun.

Matiu 22:8

Ba nonei e ngö rena a palair u katunun kui i tanen me poeiena, ‘A kannoun hitöl i kato hakapi na e hahalosona, kaba u katuun ti ngö rela lia ema haniga nari tegi la uamen. Nori ema antunan la tala rimei.

Matiu 24:48

Kaba tega omia a katunun kui teka, ba nonei te rangana i torinen bate poeiena, ‘A katuun pan i tar ema sesein la pouts namei romana.’

Matiu 24:51

Ba katuun pan te hahune noen, ba nonei tena haka gono mera neien u katuun u gamogamo. Tara makum tena tabe hohomi rouen bate kutu hakarkarangaker a liho ren.”

Matiu 7:12

Na tara mamanaka, te ngile milimiou u katuun egi katoeien i tamilimiou, alimiou go kato hasemen i taren. Nonei a mouna u raranga te kana turu buku tere Mosis na turu propet has.”

U Bulungana u Niga tere Iesu Kristo te kolotein e Luk 6:31

Kato merai a palai temar ngil has uamölö tegi markato uaien i tamölö.

U Bulungana u Niga tere Iesu Kristo te kolotein e Jon 13:13

Alimiou e ngöe milia a Tson Hihatuts, na limiou e ngö hase milia a Tsunono. Alimiou e ranga hamatskömiou, taraha alia a Tsunono i tamilimiou na Tson Hihatuts has i tamilimiou.

Aposol 10:34

Be Pita e tanian rangana me poeiena, “Alia e atei hamana talagu, e Sunahan ema ngil kalakala ranei u katunura i puta. E möa.

U pas te koloto menai e Pol turu kristenira i Rom 2:11

E Sunahan ema ngil ranei a palair u katuun puku bate rama raiena a palai. E möa. E Sunahan e mar ona meranei u katuun hoboto iesana.

1 Korin 7:22

A katunun kukui puku te ngöena a Tsunono e here nei a katuun te tapurese hakapaia i matana a Tsunono. Na katuun tema katunun kukui pukui tara pöata te ngöeien e Sunahan e here tale nei a katunun kukui puku tere Kristo.

Kolosi 3:25

A katuun te kato homina e lu hase nou a hihol tara markato a omi i tanen. E Sunahan e ngil hoboto rena u katuun pan na u katunun kui tara manka ti katoeien.

Kolosi 4:1

U katuun pan, alimiou go kato haniga mia turu katunun kui i tamilimiou. Taraha, alimiou e atei sil hase miou alimiou e ka memiou a katuun pan i tamilimiou i Kolö.

Jemis 2:13

E Sunahan ema antunan taatagi nanoi a katuun tema taatagi nanei a tana katuun. Kaba te taatagi namia limiou a tana katuun i romana, be Sunahan te taatagi has ranou limiou romana tara pöata te butuna u kout i tanen.

Jemis 2:8

Te kukutie moa limiou a lo pan tere Sunahan ti kolotein, alimiou e kato hanigamou. Taraha, a lo pan tere Sunahan e poeiena, alö go mar ngil koru mei a tana katuun temar ngil koru has mena milö a peisamölö.

Jemis 5:4

Alimiou u gamo has raiam u katuun ti kui ia i kui i tamilimiou bate peits namiou a hihol i taren. Hengoiam! Nori e raharahar bate kur, ba Tsunono turu ami ri Kolö te hengo ranen.