Epesis 6:8 - U Bulunagana U Niga

⁸ Ba Tsunono te hala nanou a hihol a niga turu katuun hoboto te kuir, na katuun te kui peisa mena u ngil i tanen na tara katuun has te hakuie ier.

Epesis 6:8 Iomraidhean Croise

Matiu 16:27

Alia lahas tu butun Katunuma te la gono meguma romana u angelo i tar turu ualesala pan tere Tamar, ba lia temi hala palis ragoui u katuun ti kato homi a ka a omi na u katuun ti kato haniga a ka a niga.

Matiu 5:12

Alimiou go sasaala koruiam, taraha alimiou ena lue mou u hamatana pan koru i Kolö. Nonei ti markato hohomi has merai u propet ti ka i manasa.”

Matiu 6:1

Be Iesu e ranga lenina me poeiena, “Haneiam, möa tu hatara naiam a markato a niga i tamilimiou i matar u katuun, tegi tara meraien limiou bate haniga rariou limiou. Te kato uamou limiou teka be Tamamilimiou te kana i Kolö tema hamatana ranoui limiou.

Matiu 6:4

E markato uana teka, alö go hala hamousin a monin hitaguhu i tamölö. Be Tamamölö te tarena a mamanaka, bate hala hasenoi lö u hamatana.”

U Bulungana u Niga tere Iesu Kristo te kolotein e Luk 14:14

Ba lö te sasaalam romana. Nori ema antunan hamatana poutse roui lö romana. Kaba e Sunahan e hamatane nou lö romana tara pöata te takei pouts ria u katuun u niga tara tou mate.”

U Bulungana u Niga tere Iesu Kristo te kolotein e Luk 6:35

Kaba limiou go ngil raiam u pakö i tamilimiou bate kato haniga ramen. Alimiou go hala pukpukuiam, kaba ma hakats nami tego lu pouts menami ta ka. Ba limiou te lue miou romana u hamatana pan, bate haröto has namiou alimiou a galapien tere Sunahan Iasa Koru. Taraha? Nonei e niga has na turu katuun u omi tena mala haniga uari tere Sunahan.

1 Korin 12:13

Na u töa u Namnamei ti habaptais iara hakapan töa me katoeiera u töa u tuenrei. U Jiu, na u Grik, na u katunun kukui puku, na u katuun tema kukui puku has ri. Ara hoboto i haua raia turu töa u Namnamei tere Sunahan.

2 Korin 5:10

Taraha, ara hoboto ena tuol roua i matana u gumgumun onöna tere Kristo ba man tötöa tena mar hamatana meraroi ti marka uaien turu tuenreina i puta, tara pala niga tsi tara pala omi.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

Kolosi 3:11

Na tara markato a tsimus teka, e möa lel ta toun Jiu na e möa lel ta katuun tega hapö. Na e Sunahan ema hakats has ranei eresi u katuun halhal na eresi u katunur i gusuna latu na u katuun te hakhakui puku raier na u katuun te tuol peisa naier a peisaren. E möa. I romana e Kristo te panina na nonei e kana iahar u katuun hoboto i tanen.

Kolosi 3:24

Taraha, a Tsunono e hala ranei romana limiou u hamatana u niga. Alimiou e luemiou romana u hamatana te haputu raneien u katuun i tanen. Taraha, alimiou e kui sil korue miou e Kristo. Nonei a Tsunono i tamilimiou.

Kolosi 3:25

A katuun te kato homina e lu hase nou a hihol tara markato a omi i tanen. E Sunahan e ngil hoboto rena u katuun pan na u katunun kui tara manka ti katoeien.

Hibru 10:35

Alimiou goma hapolase mi u nihamana u tagala i tamilimiou, be Sunahan te hala ranei romana limiou u hamatana u niga.

Hibru 11:26

Nonei e mar hakats uu teka, e niga bala nena tegi hamana uu tara katuun tena la nama romana nonei e Mesaia, e noahasina ti ranga homi uu katuun i tanen. Kaba markato teka e niga balein a manka man niga hobotona i Itsip. Taraha, nonei e hahalosi u hamatana u niga tega haleien e Sunahan.