Epesis 6:5 - U Bulunagana U Niga

⁵ U katunun kui, alimiou go hengo raiam u tson mammam i tamilimiou. Alimiou go hapan ramen bate torohana hatagala silemiou tego kato hasasaala mera mien. Na limiou go kui hanigaiam bate kui heremi u katunun kui tere Kristo.

Epesis 6:5 Iomraidhean Croise

Matiu 6:22

“U mata, u lamina turu tuenrei. Na te nigana a mata milimiou, mamana makum i tuenrei milimiou e saputu menou u ualesala.

Matiu 6:24

“A katuun ema antunan kui neia tara huol a tsunono. Taraha, nonei e rama nanou a töa bate ngilena a tabi. Alö ema antunan kui hoboto bemi e Sunahan na moni.

Matiu 8:9

Taraha, i tar peisa alia e atei silegu alia e ka puta gia tara töa pal tsunono, na töa pal soldia e ka puta has ria i tar. Na tego ranga meia lia ta töa balia te poeiegu, ‘Alö go la,’ ba nonei te la hasina. Na tego ranga meia lia ta tabi balia te poeiegu, ‘Alö go lama,’ ba nonei te la has nama. Na lia go ranga mei a katunun kui i tar, ‘Alö go kato a toukui teka,’ ba nonei te kato hase nen. Na u raranga tuun has i tamölö e ka mena a nitagala.”

Aposol 2:46

Turu mamana u lan nori i la hoboto uu tara Luman Lotu Pan tina singo hoboto uaien na nori i nou hoboto mei u hakats u niga na nisasaala pan.

1 Korin 2:3

Na pöata tu kaia lia i tamilimiou, alia uma tagala ii na lia u toltololo mei a nimatout.

1 Korin 7:22

A katunun kukui puku te ngöena a Tsunono e here nei a katuun te tapurese hakapaia i matana a Tsunono. Na katuun tema katunun kukui pukui tara pöata te ngöeien e Sunahan e here tale nei a katunun kukui puku tere Kristo.

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

2 Korin 7:15

Na e Taitus e ngil koru lel meranoui limiou te hakats pouts mena neien tu hengo hanigan töa mena milimiou u raranga i tanen na tu toul haniga me mien limiou a nisasaala, noahasina tu matout uaiam limiou.

Epesis 5:22

Alimiou a touhaliou go haka puteiam a peisa milimiou tara pal tson i tamilimiou, te markato has uami limiou tara Tsunono.

Epesis 6:24

E Sunahan e tatei taatagi rena u katuun hoboto, ba u ngilngil i taren tere Iesu Kristo a Tsunono i tarara tema antunan kapa nei. Nonei talasi. Alia e Pol

Pilipai 2:12

A man hahikapien i tar, alimiou u roron hengoe moulia tu kaia lia i tamilimiou. Kaba limiou go hengo hatagala lel noahase moulia tara pöata te ka halehana bara gia lia limiou. E Sunahan e lu pouts merai limiou i tanen. Na limiou go matout iam bate kui hatagala silemiou tego hakapa haniga mena milimiou a toukui a niga tere Sunahan.

Pilimon 1:16

Kaba ema lupouts here namoi lö a katunun kukui puku. Nonei e toularara tara pala tere Kristo. Alia e ngil korue gen. Na lö e ngil koru hase moen, taraha nonei a katunun kukui puku i tamölö na limiou e hamana hoboto has mia tara Tsunono.