Epesis 6:24 - U Bulunagana U Niga

²⁴ E Sunahan e tatei taatagi rena u katuun hoboto, ba u ngilngil i taren tere Iesu Kristo a Tsunono i tarara tema antunan kapa nei. Nonei talasi. Alia e Pol

Epesis 6:24 Iomraidhean Croise

Matiu 22:37

Be Iesu e poeiena i tanen, “Alö go ngil korui a Tsunono i tamölö e Sunahan, balö te ngil memien a tui na u namnamei hoboto i tamölö na u hakhakats hoboto i tamölö!

Matiu 28:20

Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”

Matiu 6:13

Alö goma hala merai lam tara tou hiamus, kaba lö go luba nema a man niomi i tamulam. U mana.’

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

2 Korin 13:14

A Tsunono e Iesu Kristo e tatei taguhu ranou limiou, na e Sunahan e tatei taatagi has ranou limiou, na u Namnamei u Göagono e tatei ka haniga has mera noulimiou hoboto. Alia e Pol

2 Korin 8:12

Taraha, te kana a nimaniatan hala, e Sunahan e lu has me noien a nimaniata te antunana tara ha te ka memi limiou. Nonei ema ngile nei alö go halani a ka tema ka memilö.

2 Korin 8:8

Alia ema tuke ragi limiou, alia e ngilin tara negu a nimana tara nimaniata tara palair u kristen te ngilin hitaguhur, balia te kato silegu alimiou go haröto has naiam tego ngil hamana koru mera milimiou u katuun tere Sunahan bate hala namiou a monin hitaguhu.

Epesis 6:23

E Sunahan e Tamarara na e Iesu Kristo a Tsunono e tatei hala nariou a masalohana na u ngilngil hamana i tamilimiou hoboto te hamana mia tere Iesu, bate taguhu has rariou limiou tego hamana haniga uaiam limiou.

Pilipai 1:1

Alam ere Pol mere Timoti u katunun kui tere Iesu Kristo, alam e hala menami u pas teka i tamilimiou hoboto u katuun tere Iesu Kristo te ka mia tara taun i Pilipai, alimiou na u katunun halotu na u katunun hitaguhu turu lotu.

Kolosi 4:18

Alia e Pol te kolotegi a tsi rangan haniga teka a limar hamatskö. Ma solopalemi lia, alia e ka noa has gia tara karabus. A nihitaguhu tere Sunahan e tatei ka gono mera noulimiou. Nonei talasi. Alia e Pol

2 Timoti 4:22

A Tsunono e tatei ka gono mena u namnamei i tamölö, na nonei e tatei taguhu ranou limiou. Alia e Pol

Taitus 2:7

Tara mamanaka te katoe mölö, na turu hihatuts i tamölö, harötein a markato a niga balö te habulungana nem u raranga u mana na u matskö.

Taitus 3:15

U katuun hoboto te kagono meriou lia e hala nariou u rangan haniga i taren i tamölö. Na lö go hala hasiin u rangan haniga i tamulam tara man hahikapien i tamulam te hamanar. E Sunahan e tatei taguhu ranou limiou hoboto. Alia e Pol

Hibru 13:25

A nihitaguhu tere Sunahan e tatei kagono meranou limiou hobotontöa. U mana. Nonei talasi.