Epesis 6:23 - U Bulunagana U Niga

²³ E Sunahan e Tamarara na e Iesu Kristo a Tsunono e tatei hala nariou a masalohana na u ngilngil hamana i tamilimiou hoboto te hamana mia tere Iesu, bate taguhu has rariou limiou tego hamana haniga uaiam limiou.

Epesis 6:23 Iomraidhean Croise

U Bulungana u Niga tere Iesu Kristo te kolotein e Jon 14:27

“Alia e laba meragi limiou a masalohana, a masalohana i tar alia e hala ragien limiou. Alia ema mar hala uagi temar hala uar u katunura i puta. Kaba a masalohana i tar e niga bala nena a masalohana i taren. A torimilimiou egoma toku ii na egoma matout has ii.

U pas te koloto menai e Pol turu kristenira i Rom 1:7

Alia te koloto uagu i tamilimiou hoboto u katuun te ngil koru raiena e Sunahan te ka mia tara taun i Rom. E Sunahan e ngö sil railimiou tego katuun uaiam limiou i tanen pepeisa. Ne Sunahan e Tamarara na e Iesu Kristo a Tsunono, e tatei taatagi rariou limiou na e tatei hala has rari limiou a masalohana.

U pas te koloto menai e Pol turu kristenira i Rom 15:33

E Sunahan te hala ranei ra a masalohana e tatei ka gono mera noulimiou hoboto. U mana.

1 Korin 1:3

A nikalala na masalohana tere Sunahan e Tamarara, na Tsunono e Iesu Kristo e tatei kagono me ranou limiou.

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Galesia 6:16

E Sunahan e tatei taatagi rena u katuun hoboto te hengo hanigeier u raranga teka, bate hala nena a masalohana turu katuun te hamana ria i tanen.

Epesis 6:24

E Sunahan e tatei taatagi rena u katuun hoboto, ba u ngilngil i taren tere Iesu Kristo a Tsunono i tarara tema antunan kapa nei. Nonei talasi. Alia e Pol

1 Tesalonaika 5:8

Taraha, ara u katununa tara lan. Aragi hamana haniga uu tere Sunahan bara te hiangilngil nitöara. Na ragi hamana noahasi e Sunahan te luba ranoua ra tara niomi.

2 Tesalonaika 1:3

A matsi hahatoulana, alam e haniga nitöa bera mou limiou tere Sunahan, temar niga uanen. Taraha, a nihamana i tamilimiou e butu haniga susul nama na u hiangilngil i tamilimiou hoboto e butu susul haniga hasina.

2 Tesalonaika 3:16

A Tsunono noahas, nonei a mouna a masalohana, e tatei hamasalohana ranou limiou tara mamana pöata na tara mamana markato. A Tsunono e tatei ka gono mera noulimiou hoboto.

1 Timoti 1:14

Ba lia e saputu megu a niniganiga tara Tsunono me tapiou menama u nihamana na u ngilngil te kana tere Iesu Kristo.

1 Timoti 1:3

Tara pöata tu la uu lia tara provins i Masedonia, alia u ngili alö go kakaia tara taun i Epesis, ba lö te hapiou rem a palair u katunura i Epesis te hihatuts ner u raranga u gamo.

1 Timoti 5:8

Kaba tema tara kap nanei a katuun a sungutunen, e la bala uana tara tahol na galapien i tanen, nonei e holis has nena u nihamana turu kristen na nonei e omi bala nena a katuun te hahamanana.

1 Pita 5:14

Hiahanhaniga meiam u ngilngil hamana. Na masalohana e tatei ka gono mera noulimiou hoboto u katuun tere Kristo. Alia e Pita

3 Jon 1:14

Taraha, alia ena ngilin tara boroboro na goulö, ba ra te hiararanga hobotora.

Revelesin 1:4

A matsi hahatoulana i tar tara tohit a hun katuun tere Kristo te ka ria tara provins i Eisia, alia e Jon. A masalohana na nitaatagi e la nama tere Sunahan na turu tohit u namnamei na tere Iesu Kristo e tatei kana i tamilimiou. E Sunahan e kana, na e ka mam has, na ena la has nama romana. U tohit u namnamei e ka ria i mam turu gumgum u göagono tere Sunahan. E Iesu Kristo e hatei hamatskö nena a manka tere Sunahan. Nonei koru a katuun tutuun te takei poutsia tara tou mate, na nonei te pan rena u tsunono te ka ria i puta. Nonei e ngil ranoura na tara tou mate i tanen nonei e luban a man markato a man omi i tarara.