Epesis 6:21 - U Bulunagana U Niga

²¹ E Tikikus nonei a hahatoulana koru i tarara tara hun katuun te hamana ria tere Iesu, na nonei a katunun kui a niga koru tara Tsunono. Nonei ena hatei ranoui limiou ime te marka uagu lia.

Epesis 6:21 Iomraidhean Croise

Aposol 20:4

E Pol e la gono mei e Sopata, a katununa tara taun i Beria a pien tere Pairus. A palair u katuun i la gono has meien: ere Aristakus mere Sekundus ri Tesalonaika, na e Gaius tara taun i Debi, ne Timoti, na ere Tikikus mere Tropimas tara provins i Eisia.

1 Korin 4:17

Na lia e hala menagi e Timoti i tamilimiou, a pien tson a tsomi koru i tar te ngil korue gulia na te hamana gono menou lia tara Tsunono bate tara kap haniga nena a toukui tara Tsunono. Nonei ena hatei lel ranoui limiou a markato i tar te kukute mena gilia e Kristo, te hatuts has nagia lia turu katuun hoboto tere Kristo tara mamana han.

Pilipai 1:12

A man hahatoulana i tar, alia e ngilegu alimiou go atei sileiam a ka te butuia i tar e taguhu korui a toukui turu Bulungana u Niga. Me la kalakala uana tara mamana katuun, na u soldia hoboto tara gamman pan iahana taun teka na palair u katuun hoboto has e atei siler a ka te karabus silegu lia, te katunun kui uagu lia tere Kristo.

Kolosi 1:7

E Epapras te hatuts railimiou u Bulungana u Niga, a tsi katunun kui papala i tarara te kui gono mera noulam bate taguhu ranoulam tara toukui tere Kristo te katoe mulam.

1 Timoti 4:6

Te hatara namoua lö a manka teka turu hahinamölö na u toulamölö, alö a katunun kui a niga tere Iesu Kristo, e kato hatagale moilö a peisamölö na u rarangana tara nihamana turu hihatuts u niga te kukutie mölö.

2 Timoti 4:12

Alia u hala hakapa menalei e Tikikus i Epesis.

Taitus 3:12

Pöata te hala nagoua lia e Atimas tsi e Tikikus i tamölö, balö te torohanan la romana uamuma i tar tara taun i Nikopolis, taraha, alia e hakats hakapa nagula alia egona kaia nonei tara taun tara pöata turu bout na lomolomo.

Pilimon 1:16

Kaba ema lupouts here namoi lö a katunun kukui puku. Nonei e toularara tara pala tere Kristo. Alia e ngil korue gen. Na lö e ngil koru hase moen, taraha nonei a katunun kukui puku i tamölö na limiou e hamana hoboto has mia tara Tsunono.

1 Pita 5:12

E Silbanus e koloto benei lia u pas teka te hala menagi lia i tamilimiou. Nonei e toularara tara markato turu kristen na lia e hamana korue gen. Turu pas teka alia e hala ra gilimiou u rarangan hitaguhu bate hatei ragi limiou nonei a nihitaguhu hamana tere Sunahan teka. Na limiou go tuol hakarapoto mia tara markato tara nihitaguhu teka.

2 Pita 3:15

Alimiou go atei sileiam a Tsunono e hahalosena tegi habirits uu katuun i tanen, ba nonei te lupouts ranen. Nonei e hale ii e toularara e Pol u hakhakats u niga ba nonei e mar koloto has ualala iesana i tamilimiou, te markato uanen tara man pas hoboto i tanen. Palaina a man raranga i tanen e ka mena a toukui pan tegi atei sil menaien, na u katuun u tutu na u katuun te hula hakatsir e hatuts hakölo ner a mouna a manka teka, te markato has mena rien a palaina u raranga turu Buku u Göagono. Ba nori te kato homi tsiponer a peisaren.