Epesis 6:18 - U Bulunagana U Niga

¹⁸ Alimiou go singo nitöa mia tara nitagala turu Namnamei tara mamana pöata te singo mia limiou tere Sunahan, ba limiou te katoemiou u mamana u mar singo. Na katuun te singona egoma tatei hanöa bana ii te singo uanen, ba nonei te singo sil has raiena u katuun hoboto tere Sunahan.

Epesis 6:18 Iomraidhean Croise

Matiu 26:41

Alimiou go tara kap iam bate singo uamiou tere Sunahan. U hiamus u omi e namots buturia i tamilimiou. A man namnamei i tamilimiou e ngilin kato nena a ka teka, kaba a tuenrei milimiou ema tagala nei.”

U Bulungana u Niga tere Iesu Kristo te kolotein e Mak 13:33

Haneiam, tara kap hanigaiam. Taraha, alimiou ema atei silemi i hangisa te butu nama romana a pöata teka.

U Bulungana u Niga tere Iesu Kristo te kolotein e Mak 14:38

Tara kap iam bate singo uamiou tere Sunahan. Te möa nen, bu hiamus u omi temi butu roua i tamilimiou U namnamei i tamilimiou e ngilina, kaba u tuenrei ema tagala nei.”

U Bulungana u Niga tere Iesu Kristo te kolotein e Luk 21:36

Tara kap hanigaiam bate singo nitöa uamiou tere Sunahan, ba limiou te ka memou a nitagala tego hakarasa ba menami limiou a man nomi teka te butu nouen, ba limiou te tatei tuol has mia romana i matar, alia tu butun Katunuma.”

U Bulungana u Niga tere Iesu Kristo te kolotein e Luk 22:46

Ba nonei e poeiena i taren, “Aha te soho memi limiou? Takei iam bate singo uamiou tere Sunahan. U hiamus e namots tagala saluhe rariou limiou.”

U Bulungana u Niga tere Iesu Kristo te kolotein e Luk 3:26

Na e Nagai a pien tson tere Mat. E Mat a pien tson tere Matatias. Na e Matatias a pien tson tere Semein. E Semein a pien tson tere Josek. Na e Josek a pien tson tere Joda.

U Bulungana u Niga tere Iesu Kristo te kolotein e Luk 3:37

Na e Lamek a pien tson tere Metusela. E Metusela a pien tson tere Inok. Na e Inok a pien tson tere Jaret. E Jaret a pien tson tere Mahalalel. Na e Mahalalel a pien tson tere Kenan.

Aposol 1:14

U katuun hoboto teka i gono hoboto bate singo nitöa uaier tere Sunahan. Nori i ka gono has mer a touhaliou, ne Maria e tsinana e Iesu, na u toulana e Iesu has.

Aposol 10:2

Nonei e hamanaia tere Sunahan, na nonei na u katuun hoboto i luma tanen i hatsunoni e Sunahan. Nonei e roron hala ni a moni tina taguhu merai u Jiu ti möa ta moni, na nonei e roron singo has uu tere Sunahan.

Aposol 12:5

Pöata te kaia e Pita tara karabus, u kristen i singo hatagala sileien tere Sunahan.

Aposol 6:4

Ba lam te kui nitöa moua tego singo u lam tere Sunahan na tego taguhu has merailam u katuun turu raranga tere Sunahan.”

U pas te koloto menai e Pol turu kristenira i Rom 12:12

A ka te hamana sile milimiou e tatei hasasaala ranou limiou. Te butuna u tori tiama, ba limiou te tuatamimiou. Alimiou go singo nitöa uaiam tere Sunahan.

U pas te koloto menai e Pol turu kristenira i Rom 8:15

U Namnamei te hala rai limiou e Sunahan, ema kato ranei limiou u katunun kukui puku ba limiou te matout miou. E möa. Nonei u Namnamei te kato ranou limiou ba limiou te galapien uamiou tere Sunahan. Ba limiou temar ngö tala memien teka, “O Tamar, o Tamar.”

Galesia 4:6

Te pala tala uarara i tanen, be Sunahan te hala mena mei u Namnamei tara Pien Tson i tanen i torirara bara te ranga hamatskö koru tala nera, e Sunahan nonei koru e Tamarara.

Epesis 2:22

Na limiou has a hapalana a luman lotu teka, e Sunahan e haka gögono raiou limiou u katuun hoboto i tanen, banonei na u Namnamei u Göagono te tatei kana tara luma teka. Alimiou e ka gono mera moulam na e Sunahan e ka gono mena u Namnamei i tanen iaharara.

Epesis 3:18

Alia e singo silegu alimiou na u katuun hoboto tere Sunahan e tatei ka memiou a nitagala tego atei sil mena milimiou temar ngil hapopo mera nei e Kristo u katuun. U ngilngil i tanen e pan koruna, na e ngahangaha koruna na e la nitöa uana iasa na i puta has. Na e la hoboto uana tara mamana han na tara mamanaka.

Epesis 3:8

Alia e ka puta koru gia turu katuun hoboto tere Sunahan. Kaba e Sunahan e taatagi naiou lia me hale ne lia a toukui tego hahatei merai lia alimiou u katuun tema Jiu ri a manka a man kapan te nigana tere Kristo, bate haröto has ragi u katuun hoboto temar butu hamana uanou u raranga te hamouseier tere Sunahan. E Sunahan te habuti a mamanaka, e hamous u raranga teka tara man pöata i manasa noa.

Epesis 6:19

Na limiou go singo be hase moulia, ba tara pöata te katsin ranga goua lia be Sunahan te hale noui lia u raranga, ba lia tema matout goui tego habulungana menai lia u Bulungana u Niga te mous i manasa.

Pilipai 1:4

Na te singo sil meragi lia limiou tara mamana pöata, bate singo megu a nisasaala.

Pilipai 4:6

Alimiou goma hakats hapara nami ta töa ta ka. Kaba limiou go singo siliam a mamanaka, bate rangatemi e Sunahan a manka te makmakumuna i tamilimiou, ba limiou te haniga nitöa uamiou i tanen.

Kolosi 1:3

Pöata te singo bera mia lam alimiou tere Sunahan, alam e roron hanigan töa uam tere Sunahan, e Tamana e Iesu Kristo a Tsunono i tarara.

Kolosi 1:4

Taraha, alam i hengoen te hamana hatagalan töa uami limiou tere Iesu Kristo na te ngil koru mera milimiou u katuun hoboto tere Sunahan.

Kolosi 4:2

Alimiou go pile hakarapoto naiam a markato turu singo i tamilimiou bu hakhakats i tamilimiou tema tatei tianei, ba limiou te haniga uamiou tere Sunahan.

1 Tesalonaika 5:17

Singo hatagala nitöa uaiam tere Sunahan.

1 Timoti 2:1

U raranga tutuun i tar e mar la uana teka, singo sil raiam u katuun hoboto, singo sileiam ta hitaguhu na limiou ego haniga be sil has ramen tere Sunahan.

2 Timoti 1:3

Alia e haniga uagu tere Sunahan te solosei mena gilia u hakats u gogoso ti markato has uu tubur i manasa. Na lia e haniga uagu i tanen tara lan na bong te singo sil menagi lia alö.

Pilimon 1:5

Taraha, alia u hengoen te ngil koru mera mi lö u katuun hoboto tere Sunahan na te hamana koru has ua mölö tere Iesu a Tsunono.

Hibru 5:7

Tara pöata te kaia e Iesu i puta, nonei e singo hatagala koru u tere Sunahan bate ngala hapan koru mena te singo sil menaneien ta hitaguhu, taraha e Sunahan e antunan hatongo kap nanen tara tou mate. Na e Sunahan e hengo haseien, taraha nonei e hengo koru hasi e Sunahan.

1 Pita 4:7

A nikapakapa tara mamanaka e susuku hakapa. Nonei tego hakats halesala haniga beiam limiou bate hakats haniga mia i peisamiou ba limiou te tatei singo uamiou tere Sunahan.

U pas te kolotein e Jut 1:20

Kaba limiou, a matsi hahikapien i tar, e möa koru tego markato uaiam limiou te kato uaier u katuun teka. Alimiou go kato hatagala nitöa naiam u nihamana i tamilimiou bate hamana hanige miou u hihatuts tere Sunahan te kato hamatskö ranoura. Alimiou go singo nitöa uaiam tere Sunahan, bate singo memiou a nitagala turu Namnamei u Göagono.