Epesis 6:1 - U Bulunagana U Niga

¹ A galapien, alimiou go hengo haniga raiam u tamamilimiou na u tsinamilimiou, taraha a ka teka e nigana i matana a Tsunono.

Epesis 6:1 Iomraidhean Croise

U Bulungana u Niga tere Iesu Kristo te kolotein e Luk 2:51

Be Iesu e la gono pouts mera nen i Nasaret me kukute hanigeiena u raranga i taren. E tsinanen e haka nitöa neia a manka teka i torinen.

U pas te koloto menai e Pol turu kristenira i Rom 12:2

Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

U pas te koloto menai e Pol turu kristenira i Rom 16:2

Lu menami a tahol teka i tamilimiou, taraha nonei e pala uana tara Tsunono. E nigana te markato uaier u katuun tere Sunahan teka. Na limiou e tatei taguhe men tara saha ka te ngile nen. Taraha, nonei e taguhe ioulia na katuun a parpara.

U pas te koloto menai e Pol turu kristenira i Rom 7:12

Na limiou go atei iam, a Lo e göagonona na e matsköna na e niga koruna. E möa koru ta töa ta makum i tanen tego omi.

1 Korin 15:58

E markato uana teka a matsomi koru i tar, tuol hakarapotoiam, bate tagala miou, möa tu hasula ba naiam e Sunahan. Kui hatagala nitöa mia tara Tsunono, taraha alimiou e atei silemiou a toukui te katoe mia limiou tara Tsunono ema lala puku noi.

1 Timoti 5:4

Kaba te ka mena a amoaba a galapien tsi a man hatutubunei i tanen, ba nori te hatutseria a peisaren tegi kato menaien a toukui i taren bate taguher a hun katuun i taren, ba nori te hamatana poutseier a nihihipakoko turu tamaren na u tsinaren. A markato teka e Sunahan e haniga korue nen.

1 Pita 2:13

Alimiou go kukuteiam u ngilngil tara Tsunono bate haka pute miou a peisa milimiou turu katuun hoboto te pan ria i tamilimiou. Alimiou go ka puta mia tara gamman pan te pan koruna i tamilimiou, na turu gamman u tetenei has te hala merien u nihahuna turu katuun te kato homir bate solosei rer u katuun te kato hanigar.