Epesis 5:8 - U Bulunagana U Niga

⁸ Alimiou i ka has mia turu kuhil. A ka teka e haharuei nena a markato a omi. Kaba i romana alimiou e ka tala mia turu ualesala tara Tsunono. Ba limiou te ka here rami u katunura turu ualesala.

Epesis 5:8 Iomraidhean Croise

Matiu 3:8

Te hapolasa ba namia limiou a man markato a man omi i tamilimiou, bora hatara marei tala naiam a markato a niga, tu habirits ba menami limiou a man markato a man omi i tamilimiou.

Matiu 4:16

U katuun ti kaia turu kuhil, nori i tara hakapi u ualesala pan! Na pala ti kaia turu tsiktsiki turu kuhilina tara tou mate, u ualesala pan e alesala uanou i taren.”

U Bulungana u Niga tere Iesu Kristo te kolotein e Luk 1:79

U ualesala i tanen e halesala ranou romana u katuun te ka ria turu kuhil, u katuun te ka uar tara tou mate. Ba nonei te hamatskö rena romana a mourara bara te lauara tara marorona tara masalohana.” E Sakaria temar ranga uu teka.

U Bulungana u Niga tere Iesu Kristo te kolotein e Luk 16:8

Ba tsunono tara tson pepeitokap e hengo nena a ka teka me ranga sesei koru nanen. ‘Nonei a tson pepeitokap a atein gamo koru.’ U katunura i romana e atein gamo koru rer u katuun, na tara markato teka nori e atei saluhe raier u katunura turu ualesala.”

U Bulungana u Niga tere Iesu Kristo te kolotein e Jon 1:9

Nonei hamatskö koru u ualesala teka te halesala rena u katuun hoboto e lauama i puta.

U Bulungana u Niga tere Iesu Kristo te kolotein e Jon 12:35

Be Iesu e poeiena i taren, “Ualesala e gamon ka halehana gono mera noulimiou. Tataala iam te ka noa uana ualesala. U kuhil ena mots la karasa ba ranou limiou. Te tataala mia lö turu kuhil, alö ma atei sile mi te sila mia lö.

U Bulungana u Niga tere Iesu Kristo te kolotein e Jon 12:36

Pöata te ka memia lö u hamana turu ualesala balö te ka here moua a pien turu ualesala.” E Iesu e mar ranga hakapa uu teka ba nonei ena mous ba ranen.

U Bulungana u Niga tere Iesu Kristo te kolotein e Jon 12:46

Alia u la here mei ualesala i puta ba u katuun te hamana uar i tar tema ka nitöa roi turu kuhil.

U Bulungana u Niga tere Iesu Kristo te kolotein e Jon 8:12

E Iesu e ranga lel uu turu katuun me poeiena, “Alia u ualesala te alesala uana turu katuun i puta. Esi te kukutie noulia ema tataala lel noi turu kuhil kaba e ka menou u alesalana tara nitöatöa hamana.”

Aposol 17:30

E Sunahan e tara hahalongolo tunir u katuun tara pöata i manasa ti tutu ien. Kaba i romana nonei e hatei renei u katuun tara man han hoboto egi hakapa korui a man markato a man omi na u hakats u omi i taren.

Aposol 26:18

Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

U pas te koloto menai e Pol turu kristenira i Rom 1:21

Nori e atei sileren, kaba nori ema hapan hantuna narien tara nikapan i tanen, na nori ema haniga has uari i tanen. Nori e hakats papalar, ba u hakhakats u tutu i taren te kato hakuhil ranen.

U pas te koloto menai e Pol turu kristenira i Rom 13:12

A pöata a omi teka te here nei a bong e katsin kapana, na pöatan pepeito kap tara nitsunono tere Kristo te here nei a lan e sukusukuna. Aragi hanöa a markato a omi te ka uana turu kuhil bate katoera a markato a niga te ka uana turu ualesala.

U pas te koloto menai e Pol turu kristenira i Rom 2:19

Alimiou e peimiou alimiou e haröto namiou a markato tere Sunahan turu katuun u tutu, te here rari u katuun u matakiou te hula la ria turu kuhil.

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

2 Korin 3:18

Ara hoboto ti luban u kopo i matarara bate haröto nera u ualesala tara Tsunono. Na Tsunono nonei u Namnamei te hala raneira u ualesala teka. Nonei te hapalis mera neira tegi mar butu susul here menaien ra bate ka lel mera u ualesala pan.

2 Korin 4:6

Taraha nonei e Sunahan te poei, U alesala go butuma i gusuna u kuhil. Nonei u ualesala te alesalana i torimulam bate hala ranei lam a niatei na tara niniganiga tere Sunahan te lakasa nama i matana e Iesu Kristo.

2 Korin 6:14

Na limiou goma ka gono merami u katuun te hahamanar bate taguhu ramen tara markato i taren. E möa. Ime temar kui haniga uariou a markato a niga na markato a omi? E möa. U ualesala na u kuhil ema tatei ka hobotori.

Galesia 5:25

U Namnamei tere Sunahan e hala ranei ra a nitöatöa, na ragi kukutie ien tara man markato hoboto i tarara.

Epesis 2:2

Alimiou u kukuteiam a markato a omina i puta, bate hengoemiou a tsunonona tara man spirit a man omina iasa, nonei a spirit a omi te hakui rena u katuun te hipus naier e Sunahan.

Epesis 4:18

Nori e ka halehana ba ner a nitöatöa tere Sunahan. Na bakuren e kuhilina na e kamer u tori u omi, taraha, nori e hipus korur bate kato hatutueier u hakats i taren.

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

Epesis 6:12

Taraha, ara ema hiatatung merei u katuun tuun. E möa. Ara e hiatatung mera u liliahanei u omi na i kolö na a pal kapan i taren. Ara e hiatatung mera a nitsunono i taren na u liliahanei u omi te tara kap ner a han i puta te ka noana turu kuhil.

Kolosi 1:12

Ba limiou te haniga uamiou tere Sunahan e Tamarara te hamatskö raioura na te haka beraira a manka man niga tegi lui ra, u katuun i tanen te ka ria turu ualesala.

Kolosi 1:13

Taraha, nonei e luba raiara tara nitagala turu kuhil me haka renara tara nipepeito tara Pien Tson i tanen te ngil korue nen.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

1 Jon 1:7

Kaba te tataala ria ra turu ualesala noahas i tanen, bara te ka haniga hobotora, ba u rahatsing tere Iesu a Pien Tson i tanen te galus ba nena a man markato a man omi hoboto i tarara.