Epesis 5:6 - U Bulunagana U Niga

⁶ Hanei sileiam tego gamo merai ta katuun alimiou u ranga pinopino. Nonei a mamanaka teka te kato haraharahena e Sunahan, be Sunahan te hahuna ranou u mar katuun temar hipus uaier teka.

Epesis 5:6 Iomraidhean Croise

Matiu 24:24

Taraha, u Mesaia gamogamo na u propet gamogamo e butur romana, ba nori te katoer romana u hiharöto u kapan na man mirakol. Tegi antuna uen, ba nori te gamo rer romana u katuun te hopökapir e Sunahan.

Matiu 24:4

Be Iesu e ranga palis ranen, “Haneiam, möa tu hengoeiam ta katuun tegomi gamo raiou limiou.

U Bulungana u Niga tere Iesu Kristo te kolotein e Mak 13:22

U Mesaia gamogamo na u katuun u gamogamo te ngöeroi a peisaren u propet tere Sunahan e butu riou romana. Ba nori te katoeriou u hiharöto pan na man mirakol, tegi antunan gamo meraien u katuun te hopö kapir e Sunahan.

U Bulungana u Niga tere Iesu Kristo te kolotein e Mak 13:5

Be Iesu e tanian hatuts ranen me poeiena, “Hanei sileiam tego gamo mera ii limiou ta katuun.

U pas te koloto menai e Pol turu kristenira i Rom 1:18

E Sunahan i Kolö e haröto nena nonei e raharaha rena u katuun hoboto te kato homir, u katuun te hatu kap ner u raranga u mana na man markato a man omi i taren, e Sunahan ena hahuna ranouen.

Kolosi 2:18

A palair u katuun e poeier nori e pan ria i matana e Sunahan bate poeier, nori i sinasohi a manka teka tegi haka puta menaira a peisarara bate hatsunono raier u angelo. Alimiou goma hengo ramien te pei mena rien alimiou e kato homimiou. Nori e kato hapan pinopinoer a peisaren te hakats mena rien a markatona i puta.

Kolosi 2:4

Alia e mar ranga mera gilimiou teka, taraha a tana katuun e namots ranga mera nei limiou u gamo.

Kolosi 2:8

Kaba haneiam, ta katuun ena gamo ranei limiou tu ranga pinopino. Hanei sil raiam u katuun te hihatuts ner a niatei turu tuburen bate poeier e lama tere Sunahan. Nori e hihatuts ner a mankana i puta, u spirit na lo na i manasa, kaba ema ranga uanei tere Kristo.

Kolosi 3:6

A man markato teka e kato haraharaha koruena e Sunahan, nonei ena hahuna ranou u katuun te hipus naren.

2 Tesalonaika 2:3

A katuun e namots gamo ranei limiou tu saha tu mar ranga. Taraha, u Lan Pan teka ema mam namei romana. E möa. A ka teka te butu mam nou romana: u katuun u para e hapolase riou romana e Sunahan, ba katuun te roron pekoena a lo te butu nou, nonei te lue nou a nihahuna i hel.

Hibru 13:9

U hihatuts tema atei sileri te las ba ranoui limiou a maroro tere Sunahan egima kukute ii. A torimilimiou ema antunan lu nanei ta nitagala tara mamana mar lo na tara kannou. A man lo teka ema taguhu ranei u katuun te kukutie ren. E möa. A tori milimiou ega tagala mei a nihitaguhu tere Sunahan.

Hibru 3:19

Na ra e atei sil talera nori ima la mei tara hanin husa i tanen, taraha nori i hahamanein e Sunahan.

1 Pita 2:8

Na tana makum turu Buku u Göagono e mar ranga has uana teka, “Nonei a hatu teka te tutu ranoua u katuun.” U katuun te tutu rana tara hatu e haharuei ner u katuun te tori hasoalaner e Iesu, taraha nori ema kukutieri u ranga. Nori e markato uaier teka ti mar hopö kap noahas meraien i manasa.

1 Jon 4:1

A man hahikapien, alimiou goma hengoemi u raranga turu katuun hoboto te poeier nori e ka mer u Namnamei tere Sunahan. Alimiou go tara haniga ramen tego haranga meraien e Sunahan. Taraha, a parpara koru a propet a gamogamo te ka ria tara mamana han hoboto.