Epesis 5:3 - U Bulunagana U Niga

³ Alimiou u katuun tere Sunahan alimiou goma ranga has nami a tou tsikolo na u hirata u omi na te mamangil menari a mamanaka.

Epesis 5:3 Iomraidhean Croise

Matiu 15:19

Na manka man omi teka e la nama tara katuun: u hakats u omi na hipöli na tsikolo na kop na u ranga u gamo, na u tuts.

U Bulungana u Niga tere Iesu Kristo te kolotein e Luk 12:15

Ba nonei e poeiena i taren hoboto, “Hanei iam bate taratara kap namiou a peisa milimiou tara markato hoboto tara katuun te gulena a mamanaka. Taraha? A mouna a nitöatöa ema lue ria tara mamanaka a para te ka mena a katuun.”

U Bulungana u Niga tere Iesu Kristo te kolotein e Luk 16:14

U Parasi i hengoe a manka teka, ba nori e ranga hahakos ria tere Iesu. Taraha? Nori i ngil korui a moni.

Aposol 15:20

Aragi koloto uu i taren, bate hatei rarien nori egi agonein a mamanaka te haats ba naria turu kesa na nori gima tsikolo ii. Ba nori tema tatei noueri a haröete te kepa hamate naria i totongolo nen, na egima tatei nou hase ii u rahatsing.

Aposol 20:33

Alia uma kato sile ii tego lu menai ta moni tsi tu hasobö tara tana katuun.

U pas te koloto menai e Pol turu kristenira i Rom 1:29

Ba nori e saputu mer a mamana a markato a omi: nori u katuun u gulgulka, na u hihiomi bate tori homi ner a taina katuun bate hiatungur bate hipölir. Na te gamo uaren bate hakats homir bate tuts sil has raier a palair u katuun.

U pas te koloto menai e Pol turu kristenira i Rom 16:2

Lu menami a tahol teka i tamilimiou, taraha nonei e pala uana tara Tsunono. E nigana te markato uaier u katuun tere Sunahan teka. Na limiou e tatei taguhe men tara saha ka te ngile nen. Taraha, nonei e taguhe ioulia na katuun a parpara.

U pas te koloto menai e Pol turu kristenira i Rom 6:13

Alimiou egoma tatei rongarongemi a markato a omi bate kana i peisa milimiou. E möa. Alimiou go hala naiam a peisa milimiou tere Sunahan bate katoe miou a man markato te nigana i tanen. Taraha, e here nei alimiou u takei pouts mia tara tou mate bate ka memiou a nitöatöa a tsimus.

1 Korin 10:8

Ara gima tsikolo ii na ra gima lulu tson ii ti markato uu a palai i taren ba u 23,000 turu katuun i taren e mate meier u töa puku u lan.

1 Korin 5:1

Alia u hengoin u ranga te poeiena a töa i gusumilimiou e katoena a markato a omi koru tema tatei kato haseri u tematan. U raranga e poeiena a töa tson e sösoho gono mena a tahol tere tamanen.

1 Korin 6:13

Na palair u katuun e poeier, “A kannou e ka silena u tori, na u tori e ka silena a kannou.” U mana, kaba e Sunahan e kato hataie nou romana a kannou na u tori has. A tuenriena katuun ema ka sile nei egi tsikolein. E möa. E ka silena tego solosei menaien a Tsunono, na Tsunono e ka silena tega taguhu menaien a peisarara.

1 Korin 6:18

Bus ba naiam a markaton tsikolo. A palaina markato a omi te katoena a katuun e ka puku na ielesala turu tuenrei. Kaba a katuun te tsikolona e kato homiena u tuenrei i tanen pouts.

2 Korin 12:21

Aa, alia e matoutegu tena la pouts romana guma lia i tamilimiou, e Sunahan toum e hamatsingolo menoi lia a markato i tamilimiou. Balia te tabe me gou, a parpara i tamilimiou ema hapolasa noahaseri a man markato a man omi i taren. U katuun ti tsikolo na te lulu tsonir na ti kato a man palaina a man markato a man omi i manasa ema hapolasa noahaseri a man markato a man omi teka.

Epesis 5:12

Alia e matsingolon ranga halakasa koru negu a manka te kato hamouse ren.

Epesis 5:5

Alimiou go atei sil hanigeiam a ka teka, a mar katuun teka ema tatei lu korue nei romana ta töa ta makum tara Nipepeito tere Kristo na tere Sunahan: a katuun a tsiktsikolo na katuun te hirata homina na katuun te mamangil nena a mamanaka. A katuun te mamangil nena a mamanaka e omi here nei a katuun te hatsunonena a got gamogamo.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Kolosi 3:5

Alimiou go hanöan töa baneiam u ngilngilina i puta te kana i peisa milimiou: te tsikolo uaier na te hiakaka gono uaier, na markato a korkoriana, na markato na turu ngil u omi. Na limiou goma ngil bemi a peisamiou a manka tara palair u katuun. A markato teka e here nei a katuun te hatsunonena u kesa.

1 Tesalonaika 4:3

E Sunahan e ngilena a torimilimiou na markato i tamilimiou ega gogoso. E markato uana teka ba limiou te ka halehana ba namiou a markatona te tsikolo uar na te lulu tson has uar.

1 Tesalonaika 4:7

E Sunahan ema ngö sil ranei ra tegi kato homi uu ra. E möa. Nonei e ngö sil ranei ra tegi kato haniga uu ra.

1 Timoti 2:10

Nori gi kato nitöani a man markato a man niga. A markato teka e matsköna tara touhaliou te poeier nori e hatsunoner e Sunahan.

1 Timoti 3:3

Nonei goma tatei ua hatutu ii na egoma katunun hiatatung ii na egoma ngil hasei a moni a parpara. E möa. Nonei has a katuun te tatei tuatamina turu katuun bate kato haniga ranen.

1 Timoti 6:10

Taraha, u ngilngil tara moni a mouna koru a mamana markato a omi. Turu ngilngil pan koru tara moni ba palair u katuun te hapolasa susuler a markato te hamana uarara tere Sunahan bate katoeier a mamanaka a omi te kato hakamitsena a peisaren.

2 Timoti 3:2

U katuun e ngil korue riou romana a peisaren na e ngil koru hase riou a moni. Nori e ranga sesei nariou a peisaren bate poeier, “Alia a katuun pan.” Na nori e ranga hohomi rariou u katuun na e Sunahan has, bate hipus rariou u tsinaren na u tamaren. Nori ema niga sile roi a manka te ka meren, na nori e rama nariou a markato a niga.

Taitus 1:11

U katuun teka egi ranga hapiou mer batema tatei hipusri, nori e kato homi raier u katuun. Taraha nori e ngilin lu tuun ner taka ba nori te hatuts rari u katuun a manka tema matskö nei.

Taitus 1:7

A katuun tere Sunahan e goma kamei ta markato ta omi i tanen, taraha, nonei e pepeito kap nena a toukui tere Sunahan. Nonei goma hihipus ii na e goma tatei raharaha boroboro has ii. Na nonei goma tatei uaua pala ii ne goma tatei hiatatung has ii na egoma pepeits ii bate ngileiena a ka a parpara.

Taitus 2:3

Na lö go hatuts hasir u toböana egi kukute a markato a niga tere Sunahan bate kato hanigar. Ba nori tema tatei ranga hohomi nari a tai, na u ngilngilina tara tou ua egoma tatei kits kap raien. Ba nori te hatuts rari a palai a man markato a man niga,

Hibru 12:16

Alimiou go tara kap hanigaiam, batema tsikolo mi. Na limiou goma sigalemi e Sunahan te markato uu e Iso. Nonei a pien tson a hamua te ka mei a nikapan, kaba nonei e halan a nikapan i tanen tere toulanen a tetenei me hol tune neien a tsi kannou tuun.

2 Pita 2:10

Na nonei e tatei hahuna koru has rena u katuun te roron kukuteier u ngilngil u omi i peisaren, bate hipus ner a nitsunono tere Sunahan. U tson hihatuts teka ema matout koruri ba nori te hipusur, na nori ema matoutun ranga homi has rari a pal kapan i Kolö.

2 Pita 2:14

Nori e ngilin tara las uaier turu touhaliou u omi. Ba tema hakaperi u ngilngil i taren te ngil mena rien a markato a omi. Nori e ron gamogamo raier u katuun te hula hakatsir. Na nori i solon alena talein a markato te riri sil menari a ka tara tana katuun, na e Sunahan e ranga hohomi hakapa raien.

2 Pita 2:3

Tara markato te gono be menarien a peisaren a mamanaka, nori e hatei has rari limiou romana a man ranga pinopino bate luer a moni. E Sunahan e solon hopö kapiin a nihahuna i taren, na nori e taia hamana riou.

Revelesin 2:14

“Kaba limiou e kato noahase miou a palaina manka tema niga nei: a palair u katuun te ka ria i tamilimiou e kukuteier u hihatuts tere Balam. Nonei a katuun te hatutsi e Belek ime tegi markato homi uu katunura i Israel. Ba nori e noueier a kannou ti haats ba naia turu kesa me kukuteier a markato te tsikolo uaier.

Revelesin 2:21

Alia u haleien a pöata tego palis ba menaien a markato a omi i tanen, kaba nonei e rama.

Revelesin 21:8

Kaba u pata bulbulu, na pala te hahamanar, na u katuun te hakats homir, na u hihipuli, na u tsiktsikolo na u lulu tson, na u matmatuna, na u gamogamo na u katuun te hatsunoner u kesa, a han i taren e kana romana iahana kiou pan te kulupuna u tula u ahiin u hiski koru. A ka teka nonei a hahuoluna tou mate.”

Revelesin 22:15

Ielesala tara taun te ka ria u mar katuun teka: u katuun u omi, na u matmatuna, na u tsiktsikolo na u lulu tson, na u hihipuli, na u katuun te hatsunoner u kesa, na u katuun hoboto te gamogamor na te kukutier u raranga u gamo.

Revelesin 9:21

Na nori ima tori tsuga ba has nai a markato tara hipuli na matuna na tsikolo na kop.