Epesis 5:19 - U Bulunagana U Niga

¹⁹ Na pöata te ka hoboto mia limiou ba limiou te kömemiou u sam na u köman lotu na u köma te köma ria turu namnamei. Ba limiou te köma memi u köman lotu tara Tsunono bate köma memien u nihamana i torimilimiou bate soloseie men.

Epesis 5:19 Iomraidhean Croise

Matiu 26:30

Ba i murina pöata ti kömeien u köman lotu, ba nori e la uar turu Pokus tara Ruein Olip.

Aposol 16:25

Tara gusuna bong bere Pol mere Sailas e singo uaier tere Sunahan me soloseieren turu köman lotu, a palair u karabus i hehengoia ti köma uaien.

1 Korin 14:15

Gaha te kato tale gou lia? Alia e singo gia turu namnamei i tar, na lia e singo has gia turu hakats i tar. Alia e köma gia turu namnamei i tar, na lia e köma has gia turu hakats i tar.

1 Korin 14:26

Aha tala tego katoeiam limiou a matsi hahatoulana? A pöata te la gögono hoboto mia limiou, a man tötöa i tamilimiou e ka memiou a man toukui. A töa e kamena u köma, na tabi e hihatutsuna, na tai e haröto nena a ka a mana, na tai e ranga nena u tana u mar ranga, na tai e palise nen. A mamanaka teka ego hatakei hatagala memilimiou u lotu.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

Jemis 5:13

Tega butuia a ka a omi tsi a pöata a omi tara töa i tamilimiou, nonei ega singo uu tere Sunahan. A katuun te sasaalana e tatei soloseiena a Tsunono bate kömana.

Revelesin 5:9

Ba nori e kömeier u töa u hets u tsimus te mar ranga uana teka tara Tunan Sipsip: “Alö e ka mem a nitsunono tego lu menai lö a pits pepa bate lukapem u kaan harokotokap i tanen. Taraha? Alö i atung hamati na u rahatsing i tamölö e sakahis merai u katuun tere Sunahan, u katuun i lama tara mamana hun katuun hoboto, Na turu mamana u mar ranga hobotona tara mamana han.