Epesis 5:15 - U Bulunagana U Niga

¹⁵ Nonei tego ka haniga koru beiam limiou bate tara kap haniga namiou a mar nikaka i tamilimiou. Alimiou goma here rami u katuun u tutu, kaba limiou go here rami u katuun te ka mer a niatei a niga.

Epesis 5:15 Iomraidhean Croise

Matiu 10:16

Be Iesu e poeiena, “Hengoiam! Alia e hala here ragoui limiou u sipsip te sila ria i gusura u muki u hie. Alimiou go tarakap here rami u kökötsi, ba limiou te here hase mi a kulu tema tatei kato homie nei ta ka.

Matiu 25:2

A tolima a tahol a tutu na tolima a tahol atei.

Matiu 27:24

E Pailat e atei sili nonei ema antunan kato len nai taka, na u katuun i tanian hiagetageta hamanasa. Ba nonei e luena u ramun me galusena a limanen i matar u katuun hoboto, me poeiena, “Alia u möa ta ka ta omi tego ha atung hamate sil mei lia a katuun teka! A ka peisa i tamilimiou.”

Matiu 27:4

Ba nonei e poeiena, “Alia u kato a markato a omi koru ti hala menai lia a katuun tema kato homiei ta töa taka, ba nonei tena mate nou!” Ba nori e poeier, “Ema ka uanei i tamulam. A ka i tamölö pepeisa.”

Matiu 8:4

Be Iesu e poeiena i tanen, “Alö ema antunan hatei korue moi ta töa ta katuun. Kaba lö go la uala tara pris balö tena hatare mien te niga uana a peisamölö. Ba lö te hale moien a kaan haats te ranga uu e Mosis i manasa. Ba u katuun te tatei atei sile riou a toba i tamölö e kapa nitöa.”

U Bulungana u Niga tere Iesu Kristo te kolotein e Luk 24:25

Be Iesu e poeiena i taren, “Alimiou ema hakats hanigami. U hakhakats i tamilimiou ema hasese korunei tego hamana mena milimiou a mamanaka ti rangein u propet i manasa!

1 Korin 14:20

A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan.

Galesia 3:1

Alimiou u katunura i Galesia alimiou u katuun u tutu. Alam u hatara hakapa rai limiou e Iesu Kristo, te mate uaien tara kuruse tego luba menaien a man markato a man omi.

Galesia 3:3

Alimiou e tutu korumiou! Alimiou u butun kristen sila muma turu Namnamei tere Sunahan. Kaba limiou e katsin hahonoto len memien a nitagala peisa i tamilimiou?

Epesis 5:2

E Iesu e taatagi koru raioura me mate sil ranoura. A tou mate i tanen e here nei u haats te soka hamasi hanigan töa uana tere Sunahan, be Sunahan te ngil korue nen. Te markato tala uanen teka ba limiou te ngil koru has ramiou a palaier u katuun.

Epesis 5:33

Na limiou a man tötöa a man tson ego ngil koru raiam a man touhaliou i tamilimiou, temar ngil has mena milö a peisa mölö pouts, na limiou a touhaliou go haka puteiam a peisa milimiou tara pal tson i tamilimiou.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Kolosi 1:9

Nonei koru a ka, te taniama tara pöata tu hengo naien limiou, alam uma hanöan singo sil rai limiou, tu rangata menai lam e Sunahan ega hatuts raiou limiou bate atei haniga sile miou u ngilngil i tanen. Alam u singo sil hasi tega hala menai u Namnamei i tanen u hakhakats u niga, ba limiou te antunan kato uamou temar ngil uana a Tsunono bate kato hasasaale men. Ba limiou te katoe mou a mamana markato a niga bate atei susul sile miou e Sunahan.

Kolosi 4:5

Hatara naiam a markato a niga na matskö te ka gono mera milimiou u katuun tema hamanari. Hahanei sil nitöa neiam a man pöata a man niga ba limiou te hatei ramien e Iesu.

1 Tesalonaika 5:15

Ma hiapalpalis nami a markato a omi. E möa. Alimiou go kato hanigan töa raiam a man hahatoulana i tamilimiou te hamana ria tere Kristo, na u katuun hoboto.

1 Timoti 6:9

U katuun te ngilin ka mer a mamanaka a parpara e tutu lala tuun rena bate rus beier a maroro tara markato a omi. A maroro teka, a tanga turu mamana u ngilngil u omi na u tutu te antunan las mena nei a katuun tara han a omi i hel.

Hibru 12:25

Na limiou go haneiam. Alimiou goma raman hengo nami e Sunahan te ranga uanen i tamilimiou. U katuun tima ngilin hengo ii tara pöata te ranga ien i puta, nori ima antunan bus hamous banari a nihahuna i tanen. Na ra ema antunan bus hamous ba narien romana tega ranga uamen i tarara te kanen i Kolö.

Jemis 3:13

Te kana a katuun te hakats hanigana i gusumilimiou, nonei ega kato haniga has. Nonei e tatei kato hateteneiena a peisanen bate haröto nena a markato a niga i tanen te butu nama turu hakats u niga.

1 Pita 1:22

Alimiou u hagogoso hakapeiam a torimilimiou ti kukute mena milimiou u raranga u mana, ba limiou te ngil koru tala ramiou a pal katuun tere Kristo. Na u ngilngil i tamilimiou tara palaier u katuun ega tagala, bate la nama tara tui i tamilimiou iogana koru.

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”