Epesis 5:11 - U Bulunagana U Niga

¹¹ Alimiou goma ka gono merami u katuun te katoeier a markatona turu kuhil. E ma habute nei ta ka ta niga. Na limiou go haröto naiam te omi uana a markato teka.

Epesis 5:11 Iomraidhean Croise

Matiu 18:15

E Iesu e ranga lel me poeiena, “Tega kato homieia a hahatoulana i tamölö alö, balö te la uam i tanen ba limiou a huol te ka pepeisamiou balö te hatei mien a markato a omi i tanen. Te hengo talenoien u raranga i tamölö, ba limiou te ka haniga pouts miou.

U Bulungana u Niga tere Iesu Kristo te kolotein e Luk 3:19

Be Jon e ranga silena e Herot a gamman. Taraha? E Herot e töli e Herodias, a tahol tere toulanen pouts. E Herot e kato hakapi a para a markato a omi.

Aposol 26:18

Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

U pas te koloto menai e Pol turu kristenira i Rom 13:12

A pöata a omi teka te here nei a bong e katsin kapana, na pöatan pepeito kap tara nitsunono tere Kristo te here nei a lan e sukusukuna. Aragi hanöa a markato a omi te ka uana turu kuhil bate katoera a markato a niga te ka uana turu ualesala.

U pas te koloto menai e Pol turu kristenira i Rom 16:17

A matsi hahatoulana, alia e ranga hatagala mera goulimiou, hanei sil raiam u katuun te roron lu kata rer u katuun ba nori tema hamana hanigari. Nori ema hanigeri u hihatuts tu luema limiou i tamulam, möa tu hasukusuku mia i taren.

U pas te koloto menai e Pol turu kristenira i Rom 6:21

Kaba a markato tu katoeiam limiou i manasa ema taguhu rai limiou, boka? Alimiou e matsingolo memen. Nonei a markato te las mera nei u katuun tara tou mate.

Galesia 6:8

Na e kato has uana iesana, te kukutiena a katuun u ngilngilina i puta, a tou mate lasi te palise nou a markato teka. Kaba te kukutie nen u ngilngil turu Namnamei tere Sunahan, be Sunahan te palise noien a nitöatöa te ka nitöana.

Epesis 4:22

Na limiou go ba neiam u ngilngilina i puta i tamilimiou. U ngilngil teka e kana tara nikaka mam i tamilimiou na nonei e kato homi susul ranou limiou.

Epesis 5:12

Alia e matsingolon ranga halakasa koru negu a manka te kato hamouse ren.

Epesis 5:7

Na limiou goma kapiena has rami u mar katuun teka.

Kolosi 1:12

Ba limiou te haniga uamiou tere Sunahan e Tamarara te hamatskö raioura na te haka beraira a manka man niga tegi lui ra, u katuun i tanen te ka ria turu ualesala.

2 Tesalonaika 3:14

Te raman hengo nena ta töa i tamilimiou u raranga i tamulam turu pas teka, balimiou te tara kap haniga namen bate ka halhal ba namen, ba nonei te matsingolo mena a markato i tanen.

2 Tesalonaika 3:6

Alam e hatei ramou limiou a matsi hahatoulana, tara solona e Iesu Kristo a Tsunono i tarara, alimiou go ka halehana ba raiam a man hahatoulana a man karous tema hengori batema kukutie ri a ka tu hatuts railam alimiou.

1 Timoti 5:20

Kaba te kato homi noahasina a töa katuun, ba lö te ranga hapiou namen i matar u katuun hoboto, ba nori te tatei matoutur.

1 Timoti 5:22

Na lö goma hasese nai tego hatakopo menai a limamölö ta töa ta katuun bate hopö kap namen tara toukui turu kristen. Taraha, alö e namots heremi a hahuol i tanen tega kato homi uen romana. Alö go tara kap nitöani a peisamölö balö te gogoso nitöamia i matana e Sunahan.

1 Timoti 6:5

A hiaraharaha te katon toa naier u katuun teka, u baku tutu tema atei sil haseri a ka a mana ba nori te poeier, u lotu a maroro te tatei lu sila namialö ta moni.

2 Timoti 3:5

U katuun e kukutie riou a man markato pinopino turu lotu, bate holis naier tega ka menai u lotu ta nitagala. Alö go hatalis bar u mar katuun teka.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.

Taitus 2:15

Nonei teka a manka tego hihatutsinilö. Ranga mei a nitagala tara nitsunono i tamölö bate hala nem u rangan hitaguhu turu katuun te hengoe riou lö. Möa tu kato taka tegi tatei raharaha meilö u katuun. Ta katuun e namots sigale noulö.

Revelesin 18:4

Ba lia e hengoegu u tana u ranga te butuma i Kolö bate poeiena: “Lakasa muma, u katuun i tar! La ba namuma a taun teka! Nonei e markato uana tara tahol a lulu tson. Alimiou goma kato homi gono memien. Alimiou e namots lue miou a nihahuna te lue nouen.