Epesis 4:5 - U Bulunagana U Niga

^5-6 E ka mena a töa Tsunono na u töa u nihamana na töa a baptais na töa Sunahan, nonei e Tamarara hoboto. Nonei e ka seina i tarara hoboto na nonei e kui silana i tarara hoboto na nonei e kana iaharara hoboto.

Epesis 4:5 Iomraidhean Croise

Matiu 28:19

Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.

Aposol 10:36

Alimiou e atei silemiou u ranga te hala namen i tamulam u katunura i Israel. U raranga teka e habulungana nena a masalohana temi halan e Iesu, bate hakapa hasena u pakö turu katuun i tanen. Nonei a tsunono turu katuun hoboto.

Aposol 2:36

“Bora, hatei raiam a tei Israel: E Sunahan e katoeien a Tsunono na Mesaia, nonei e Iesu a katuun ti hahalosi ra ti nila namia limiou tara kuruse.”

U pas te koloto menai e Pol turu kristenira i Rom 3:30

Taraha, a töa puku a Sunahan te kato hamatskö ranou u Jiu na u katuun tema Jiu ri turu nihamana i taren.

1 Korin 1:13

E Kristo i lu kaakati? Gesi te mate sil raiou limiou tara kuruse? Alia e Pol? E möa! Ga limiou u habaptais mia tara solona e Pol? E möa koru!

1 Korin 12:13

Na u töa u Namnamei ti habaptais iara hakapan töa me katoeiera u töa u tuenrei. U Jiu, na u Grik, na u katunun kukui puku, na u katuun tema kukui puku has ri. Ara hoboto i haua raia turu töa u Namnamei tere Sunahan.

1 Korin 12:5

Na e ka has mena a mamana mar toukui kaba nonei noahas e Sunahan te kato hatakeiena a man toukui teka turu katuun hoboto i tanen

1 Korin 8:6

Kaba ara u kristen e hamana ria tara töa puku a Got, nonei e Sunahan, e Tamarara te habuti a mamanaka, na ra e hamane ren. Na e ka has mena a töa puku a Tsunono, nonei e Iesu Kristo. E Sunahan e habutu sila naia a mamanaka i tanen, na ra e ka ria tara nitagala tere Kristo.

2 Korin 11:4

Taraha! Tena la menama romana ta katuun a taina a Iesu tsi u taina u namnamei u göagono tsi u taina u bulungana u niga te halhal nena a Iesu na u Namnamei u Göagono na u Bulungana u Niga tu la mema lam, alimiou e toul here noahas me moien temar toul menai e Eva e Satan.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Epesis 4:13

Na toukui teka e la lasnou e antunana tara pöata tena hamana hoboto rouara bate ka mera u töa u nihamana. E antunanoa tara pöata tena atei sil haniga hobote rouara a Pien Tson tere Sunahan bate here nei a töa a niatei. Ba ra tena butu here roi a katuun te ka mena u nihamana na markato a niga a tangoho, te markato uana e Kristo.

Pilipai 2:11

Ba u katuun hoboto te ranga riou bate poeier e Iesu Kristo te Tsunonona, ba tara markato teka ba nori te solosei riou e Sunahan e Tamarara.

Pilipai 3:8

A manka hoboto te butuia i tar e here tala nei a manka pinopino te hakats menagi lia e Iesu Kristo a Tsunono i tar. Alia e atei sil talegu e Iesu, na nonei te niga bala nena a mamanaka hoboto. Alia e ngil korue gen bate ngöe gi a mamanaka ti ngil korui lia i manasa a bita pinopino. Ba lia te pile kap hakarapoto nagou e Kristo.

Taitus 1:1

Alia e Pol, a katunun kui tere Sunahan na aposol has tere Iesu Kristo. Alia i hala silemei tegomi hatagala menai u nihamana turu katuun te hopö kapir e Sunahan. Na tego taguhu meraien lia ba nori te atei siler u hihatuts u mana, bate tatei tus mera neien tara markato te hanigeiena e Sunahan.

Taitus 1:4

O Taitus, alö a pien tson i tar, te hamana hoboto uarara tere Sunahan. E Sunahan e Tamarara na e Iesu Kristo te taguhu raioura e tatei taatagi nariou lö na e tatei hala hase rilö a masalohana.

Hibru 13:7

Hakats sil raiam u tsunono i tamilimiou, nori ti hatei mam railimiou u raranga tere Sunahan. Hakats kap naiam a manka man niga te butuma tara markato a niga i taren, ba limiou te hamana mia tere Sunahan timar hamana has uaien.

Hibru 6:6

Kaba nori i hapolasa ba noa hasiin e Sunahan. Na e möa koru tegi antunan palis lel menaien u hakhakats i taren, taraha e here nei nori e nila lel naria a Pien tere Sunahan tara kuruse, bate hamatsingolo lele rien i matar u katuun.

Jemis 2:18

A töa katuun e tatei poeiena, “A palai e hamana hanigar na palai e kamer a markato a niga.” Kaba, te hamana mia lö batema kamemi ta markato ta niga, ga ime temar atei sil megoi lia u nihamana i tamölö? Kaba, alö e tatei tara sila namia te hamana haniga uagu lia, tara markato i tar.

1 Pita 3:21

U uolo e haharuei nena a tou baptais i tarara. U uolo e taguhir a pala tere Noa, na tou baptais e taguhu has ranou ra. E ma ka sile nei tega galus ba menaien u korkoriana turu tuenrei tuun i tarara. E möa. A tou baptais i tarara e mar mouna uana teka, e hateie nei e Sunahan a torirara ema kout raneira. Ara e tatei markato uara teka, taraha e Sunahan e hatakei poutsi e Iesu Kristo tara tou mate.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

U pas te kolotein e Jut 1:20

Kaba limiou, a matsi hahikapien i tar, e möa koru tego markato uaiam limiou te kato uaier u katuun teka. Alimiou go kato hatagala nitöa naiam u nihamana i tamilimiou bate hamana hanige miou u hihatuts tere Sunahan te kato hamatskö ranoura. Alimiou go singo nitöa uaiam tere Sunahan, bate singo memiou a nitagala turu Namnamei u Göagono.

U pas te kolotein e Jut 1:3

A matsi hahikapien, alia e ngilin koloto menagi u pas i tamilimiou bate hatei ragi limiou ime temar lu pouts meraira e Sunahan. Kaba lia e hakats koru negu tego koloto uu lia i tamilimiou bate hatei hatagala ragi limiou tego pile kap hatagala mena milimiou u nihamana i tamilimiou ti hapilepile kap mam burai u katuun tere Kristo. E Sunahan e hala raira a markato turu nihamana na ema antunan palis menarien.