Epesis 4:31 - U Bulunagana U Niga

³¹ Alimiou go ba neiam u mar hakats te ka nitöa menami limiou a raharaha. Na limiou goma si koru has mi. Na ego möa lel has ta hiaraharaha na ta hiangenngena na tu hamal. Alimiou go hakapeiam u mamana u mar hakats u omi tara tana katuun.

Epesis 4:31 Iomraidhean Croise

Aposol 21:30

Ba u katuun iahana taun e hiagetageta hobotor, ba nori e piata gögonor me pile kap ner e Pol me las halakasa ba narien a Luman Lotu Pan. Ba nori e hapili boroboro raier u tamana tara Luman Lotu Pan.

U pas te koloto menai e Pol turu kristenira i Rom 3:14

A runguren e saputena u ranga u mal, na te omi menarien a tana katuun.

1 Korin 14:20

A matsi hatoulana, möa tu hakats here mi a pien. Kato here rami a galapien u tetenei te tutu ba ner a markato a omi. Kaba tara man palaina manka, mar hakats uaiam te hakats uana a katuun pan.

1 Korin 5:8

Na ragi ban a man markato a man omina i manasa ba torirara te gogosona bara te ranga nera u mana.

2 Korin 12:20

Taraha, alia e matoutegu tena la pouts guma lia romana, alia ema ngile goi a manka tena tare goulia na limiou ema ngil hase moi tena mar ranga ua goulia. Alia e matoutegu alia e na sabie gou te hia o omi uamiou limiou bate hia raharaha miou bate hakats peisa namiou a peisamiou. Alimiou e namos ranga hohomi silemou a palai bate tuts sil ramen, bate ranga hangisei namiou a peisa milimiou bate kato hatutu has miou.

Galesia 5:20

Bate hatsunoner a got gamogamo bate katoeier a markatona turu matuna, bate hia o omir, hiatatungur, hiaraharahar, hiatoritori homir, na markato te tara ngil uaier, na hiakaka polasa na hiatagtagala. Bate hakats peisa las ner a manka i taren.

Epesis 4:22

Na limiou go ba neiam u ngilngilina i puta i tamilimiou. U ngilngil teka e kana tara nikaka mam i tamilimiou na nonei e kato homi susul ranou limiou.

Epesis 4:25

Alimiou go hanöa ba neiam a markatona turu gamo bate ranga namiou a ka te manana tara tana katuun, taraha ara hoboto e pala uara tara hun katuun tere Kristo.

Epesis 4:26

Te raharaha mia limiou, haka ba neiam a raharaha. Ena mots kato ranou limiou ba limiou te kato homi miou. Alimiou go hakapeiam a raharaha i mam te tsiruku na a pitala.

Kolosi 3:19

Na pal tson te hitölur, ngil raiam a touhaliou i tamilimiou batema raharaha ramien.

Kolosi 3:8

Kaba i romana alimiou go ba naiam a man markato hoboto teka: a markato te raharaha uaier na markato te omi menari a tai na markato te ranga homi meri a katuun na u ranga homi.

1 Timoti 3:11

A touhaliou has i taren egi kato haniga batema katoeri tu ranga te poeiena a tana katuun e kato homina. Nori e tatei hakats hanigar bate pakokeier a mamanaka te katoe ren.

1 Timoti 3:3

Nonei goma tatei ua hatutu ii na egoma katunun hiatatung ii na egoma ngil hasei a moni a parpara. E möa. Nonei has a katuun te tatei tuatamina turu katuun bate kato haniga ranen.

1 Timoti 5:13

Nori u amoaba teka toum e ka pinopino riou bate hula la uar tara man luma. Na nori toum e ranga pinopino sil hase riou a palair u katuun bate kato pinopino tunur bate ranga has ner a manka tegi ma ranga naien.

2 Timoti 2:23

Na lö goma ka gono mei a katuun te ranga pinopino nena a mamanaka te tatei keitsena a raharaha bate kato homi rena u katuun.

2 Timoti 3:3

U katuun ema ngil has raroui u katuun na ema taatagi has raroien. Nori e gamo nariou a tana katuun ba nori tema antunan pile kap naroi u ngilngil u omi i taren. Nori e kato hohomi pinopino rariou u katuun, na nori e omi hase riou a markato a niga.

Taitus 1:7

A katuun tere Sunahan e goma kamei ta markato ta omi i tanen, taraha, nonei e pepeito kap nena a toukui tere Sunahan. Nonei goma hihipus ii na e goma tatei raharaha boroboro has ii. Na nonei goma tatei uaua pala ii ne goma tatei hiatatung has ii na egoma pepeits ii bate ngileiena a ka a parpara.

Taitus 2:3

Na lö go hatuts hasir u toböana egi kukute a markato a niga tere Sunahan bate kato hanigar. Ba nori tema tatei ranga hohomi nari a tai, na u ngilngilina tara tou ua egoma tatei kits kap raien. Ba nori te hatuts rari a palai a man markato a man niga,

Jemis 1:19

Alimiou go atei sileiam a ka teka, a matsomi koru i tar. Alimiou go hahengo haniga uaiam tara tana katuun ba limiou tema ranga haparami. Alimiou goma raharaha boroboro hasmi.

Jemis 3:14

Kaba te tori homi koru na mialimiou a taina katuun ba limiou te hakats nemiou a peisa milimiou peisa, alimiou e gamo ramiou u katuun bate poeiemiou, “Alia a katuun a niga na lia e hakats hanigagu.”

Jemis 4:11

A matsi hahatoulana, alimiou goma hiararanga homi mi. A katuun te ranga homi nena e toulanen e ranga homi has nena a Lo tere Sunahan. Na katuun te oneiena e toulanen bate pita pute nen e pita puta hasena a Lo. Kaba limiou go kukute hanigeiam a Lo. Nonei a toukui i tamilimiou. Alimiou goma peiemi a Lo e omina tsi e nigana.

1 Pita 2:1

Alimiou go hapolasa ba naiam a man markato a man omi i peisa milimiou. E möa tu kato leneiam tu ranga tu gamo, na e möa lel tego ranga homi sil mera milimiou a palai.

1 Jon 3:12

Ara gima here ii e Kein nonei e pala uu tere Satan, ba nonei e atung hamateiena e toulanen e Ebol. Nonei e atung meien a markato i tanen e omi ba markato tere Ebol te matsköna.

1 Jon 3:15

A katuun te paköeiena u toulanen e here nei a katuun a hihipuli. Na alimiou e atei silemiou a nitöatöa te ka nitöana ema ka neia tara katuun a hihipuli.

Revelesin 12:10

Ba lia e hengoegu u töa u raranga panina i Kolö te pei: “E Sunahan e sakahis hamanasa rena u katuun i tanen na e haröto has nena a nitagala i tanen. Nonei a Tsunono Pan. Na e Mesaia has i tanen e haröto nena a nitsunono i tanen. Taraha? Nori i lapo ba hakapa nama a katuun a omi i Kolö te roron hahatein u hahatoulana i tarara i matana e Sunahan tara mamana pöata.